¹ Titaxtulh makgas kiltamaku, akxni PUCHINA xkamaxinit takasni pulataman Israél xpalakata xtaratlawanakan, Josué kgoluta xwanit. ² Josué katasanilh xliputum laxchixkuen xa lak Israél, chu wanti lakgolhun xtawanit, wanti xtamapeksinan, chu wanti xta akgastakgyonan chu xlakskujnin chu ka wanilh: Akit Kgoluta. ³ Wixinan ukxnintit xliputum wantu PUCHINA DIOS katlawanilh lak lanka pulatamanin, laki pi wixinan tlan natawilayatit wa PUCHINA DIOS, kalakatitenitan. ⁴ iKauxiltit! Akit kamaxinitan ama lak lanka kachikin wantu wilakgolku wantu ni tlajanitau la aktum tataín na wan xla xkamankan, nachuna xliputum lak lanka kachikín wantu tlajanita, kiltsukulh nak kaltuchoko Jordán chu chal nak xa lanka pupunú xa pakaxuki. ⁵ PUCHINA DIOS na katamakxtuy mimpalakatakan. Chu wa na chipay tiyat chu mi lakan nawan, chuna la PUCHINA DIOS kamalaknuninitan. ⁶ Tliweke kawantit, laki na makiyatit chu na tlawayatit xliputum wantu tatsoknit nak xkaltawaka xlimapeksín Moisés, ni kalakapitit nak xa pakastakat chu pakaxuki. ⁷ Nina tatamaxtumiya amakgolh lak lanka kachikín wantu wikakolh mi lakstipankan ni par kamapakuiwitit xtakuwini xtamakanitlaukan, ni kaliteytit xlakatinkán, ni kalakachixkuwitit chu ni ka laktakgalputatit xlakatinkan. ⁸ Tlak tlan, wixinan kalaktakilhputatit PUCHINA DIOS chuna la tlawanitantit la lanchu. ⁹ Wampi PUCHINA kamaxtunit milakatinkán lak'lanka, chu laktliweke kachikinín. Chu ni tiku, mateyninit chu ni takinit mi lakatinkán anta uma kiltamakú. ¹⁰ Lata tiku milakstipankán natlaway pi lhuwa tachixkuwitat natsalankoy, wa puchina Dios wanti kalakatiteyan, chuna la malaknunit. ¹¹ Katatliwekltit, laki napaxkiyat PUCHINA DIOS. ¹² Par na patsankayat chu na stlaniyatit tasmaninkan wanti tamakxtakgolh wanti ti xtapaksikoy ama kachikinin wantu kamasputukal, par wixinan natatamakaxtokatit, chu natatalakxtumiyatit. ¹³ Wanchu kakatsitit pi PUCHINA DIOS ne katitamakxtul uma lak'lanka kachikín milakstipankán. wata wa, amakgolh nalitaxtukoy la aktum tantuaksiyat chu na kamakgapatiyan, na ka malakatsiyan laki wixinan na niyatit xlakni uma xatlan tiyat wantu PUCHINA DIOS kamaxinitán ¹⁴ Chu e kamaja niy, Chu wixinan katsiyatit xliputum milistaknikán ni ka patsankgatit, pi xtamalaknun PUCHINA DIOS kantaxtunit wantu kamalaknunitan. Xliputum uma tatlawa chinit mimpalakatakan. Ni tuku tsankanit. ¹⁵ Chuna la putum xtachiwin PUCHINA DIOS wantu kamalaknuninitan, chuna PUCHINA nakaliminiyan milakstipankán putum tatlawa tu ni xa tlan, anta wa namasputuy nak xa tlan tiyat, wantu wa PUCHINA DIOS kamaxinitan. ¹⁶ Wa natlaway uma, par wixinan na patsankayatit uma tamalaknun wantu PUCHINA DIOS kalimapaksinitan laki namakgantaxtiyatit. Par wixinan na pinatit chu na lakgachixkuwiyatit amakgolh tamakanitlau chu nalaktakilputayatit, chu PUCHINA DIOS na sitsiy mimpalakatakan, chu lakapalha naniyatit nak xa katlan tiyat wantu kamaxinitan."