¹ Lanchu Adonisedec, xapuxku Jerusalén, kgaxmatli pi Josue chipalh Hai chu putum xkamasputunit, lata' tlawanit nak Jericó nachuná xpuxku. Chu wa kgaxmatlí lata' tachixkuwitat xalak Gabaón xkatatlawanit takaksni Israél chu xka'lakstipatanumakgol. ² Amá tachixcuwitat xalak Jerusalén snun xmakpuwankgol xpalakata Gabaón lanka kachikin xwanit, lata' akgtum kachikin xakana. Tlakg lanka xwanit, nixtachuná Hai chu xliputum xtachixkuwitat lakgtliwekge xtalatlawananin. ³ Chu Adonisedec, xapuxku Jerusalén, kamakanilh akgtum tatsokgni Hoham xapuxku Hebrón, chu Piream xapuxku xalak Jarmut amá Jafía xapuxku nak Laquis chu Debir xapuxku xalak Eglón: ⁴ "katantit chu kakilamakteu. Katalatlawaw Gabaón xpalakata wa amakgol tatlawakgolh Josué takaksni nachuná ama xkachikin Israel." ⁵ Kgalhkitsis xapuxku amorreros; amá xapuxku xalak Jerusalén, xapuxku xalak Hebrón, xapuxku xalak Jarmut, xapuxku xalak Laquis, nachuná xapuxku xalak Eglón tamilh, nachuna xliputum xmakgtakgalhnanin. Makxtum tamakxtumikgol chu talatlawakgolh Gabaón. ⁶ 6 Xpulatamat Gabaón makaminilh aktum tachuwin Josué nachuna maktakgalhnanin xalak Gilgal. Chu kawanika. ¡kgalhakapalhtit! nikamaxtakgtit miskujnikan. Lakapalha kakilhalakgmiu chu kilhalhakgmaxtu. Kakilamakgtew, xpalakata liputum puxkunin ti xalak amorreos nti talhamanalh kasipítni tastokgolh kin ka talhaputunan. ⁷ Josue alh nak Gilgal, nachuna lakchixkuhuin chu putum talatlawna. ⁸ PUCHINA DIOS wanilh Josué: "Ni kakalhakapekuani. kamakamaxinitan. Nitiku katimachokolh min latalatlauw" ⁹ Josué kalakmilh lakapalha, lata' xtlawaminkgonincha tantaskaka nak Gilgal. ¹⁰ Chu PUCHINA kama akgtsankel xtalatlauná xlakatin Israel, wanti kalimakgnilh lhanka nitat antá Gabaón, nachuná kaputsastala nak tijí wan tu amá nak Bet Horón, nchú kamakgnilh nak tiji ntu amá Azeca nachuna Maceda. ¹¹ Lata' wua amakgol xtsalhmakgolh anta Israel, xtipakgalhun ksipíj Bet Horón, amá PUCHINA kamakaminicha nak akapun lhaklhanka chiwix, antani xtahamanalh, xtijí ntu ama' Azeca, nchu tanilh. Tlaklhuwa linikgol chajat, nixtachuna lanta nti kalhimagnikal spada wa amakgol tachixcuwitat xalak Israel ¹² Nachuná Josué tachiwinalh PUCHINA amá kilhtamaku axni PUCHINA kamaxkilh tamakgatlajanan tachixcuwitat xalak Israel xpalakata amakgol amorreos. Umá ntu wa Josué xlhakatín Israel: "!chichiní, katachokgo nak Gabaón, chu papa' xakaxtúm nak Ajalón!" ¹³ Ama' chichiní tachokgo, nachuna papa' nelh tachíkí, akxniku tama lanka kachikin makgatapuspitlhi xtalhatlawná. ¿Ni tu tasoknith xlikalhtawakga Jaser? Umá chininí tachokgo nakx ithat akgapun; nachuna ni tawi xliputum tantakú. ¹⁴ Ni ukxniku thasipa amaktum kilhtamakú lata' mintcha nachuna lata' ankgochá, axni PUCHINA kaxmatlhí xtachiwin chatum chixcú. Xpalakata PUCHINA xthloma tatalatlaw xpalakathá Israel. ¹⁵ Josué nachuna putum Israel, ntaspitkgolh, anta ni makxtum xwilhkgol nak Gilgal. ¹⁶ Nachún kgalhkitsis xapuxku tsalakgonit nachuna thatsekgonit nak lhuku anta nak Maceda. ¹⁷ Chuná wanikalh Josué: ¡Amakgolh kamáklhaka! Kgalhkitsis xapuxkunin xthatsekgonith nak lhuku anta nak Maceda!" ¹⁸ Josué wá: "Kamapilítit lakglhanka chiwix nak xlhakgatin lhuku nachuna katatekgol maktakgalhná, lhaki na skgalajau. ¹⁹ Ni katamakxtajtith. kaputsastalatit min talatlawná nachuna xlhakgachakgen katalhatit. Nik kamaxkitit talakaskin natanukgo nak xkachikinkan, xpalakata PUCHINA mi DIOS kamakamaxkinitan." ²⁰ Josué nachuna xkamanan Israel lhanka nitat kalhimaknikgokgalh, putum kalhaktlowilikgokalh, ka aktsu tachixcuwitath tsalhakgol, tachankgolh nak lhaktliwekge lhanka kachikin. ²¹ Nachuna putum maktakgalná, kaks lhakmimparkgolh Josue anta ni makxtum xwilhkgol nak Maceda. Nitiku wamputulh kalhtum tachiwin xpalakata xkachikin Israel. ²² Chunanchu Josue kawanil: "Kamalakitit xmalakcha lhukú chu kakilaliminiw ama kgalhkitsis lakpuxkunín." ²³ Amakgolh tatlawakgolh lata' kawanilh. Liminikgolh ama kgalhkitsis lakpuxkunín xalakj lhukú; puxku xalakj Jerusalen, puxku xalakj Hebrón, puxku xalakj Jarmut, puxku xalakj Laquis chu puxku xalakj Eglón. ²⁴ Chu akxni liminikgolh lakpuxkunin ama Josué , wa matasanina chatuno lakjchixkuwin xalak Israel, chu kawanilh wanti xtamapakgsi makgtakglhnin wanti xta-ankgonit nak talachipan: "Kawilitit min tantunkan nak xpixnikan." Chuxa taminkgol chu wilikgolh xtantunkan nak xpixnikan. ²⁵ Nachuna kawanipá: "Ni kapekuantit nani kamakpuwantit katatliwakgtit chu kakgalhitit likamama. Uma tunatlaway KINPUCHINAKAN wanti taratlawanankgoy wanti wixin natalayatit. ²⁶ Chunanchu Josué kalakatokalh chu kamakgnilh lakjpuxkunin. Kachimokalh nak pukgalhkitsis kiwí. Kachimokalh chu lakgakgotanukgolh anta'. ²⁷ Akxni smalankgalh, Josué mapakgsinalh, chu kamaktilh antani xkachimokanit chu katamaknulh nak lhukú antani xaxtatsekgonit. Wilikgolh lakjlanka chiwix nakxlakan lhuku. Ama chiwixni wilakgolhkú lanchu. ²⁸ Chunma okgspulhalh, Josué kachiwililh kachikin Maceda ama kilhtamakú, chu kamakgnikgolh anta kalililalh spada, nachuna xpuxkukan. Xliwakg kamalakgsputukgol putum tux latamakgoy anta'. Nitikú makgxtakglhi tilatamay. Tlawanilh ama puxku xalakj Maceda, lata' xaxtlawaninit puxku xalak Jericó. ²⁹ Josué chu xliputum Israel titaxtukgolh Maceda chu changolh antakj Libna. Wa taratlawalh Libna. ³⁰ PUCHINÁ kamakamastalh nakj xmakan Israel; nachuna xpuxku. Josué kalilakatawakalh spada putum tixtalamana anta'. Nitiku malatamanilh. Tlawanilh ama puxku lata' xaxtlawaninit puxku xalak Jericó. ³¹ Chunachu Josué chu putum Israel titaxtukgolh Libna chu chalh nak Laquis. Wa' anta tilakgtankuwilh chu taratlawkgol amakgolh. ³² PUCHINÁ makamastalh Laquis nak xmakan Israel; Josué kachilelh xli akgti kilhtamaku. Josué kalilakatokalh xspada putum tixtawilana anta', Lata' xkatlawanit Libna. ³³ Chuna Horam, puxku xalakj Gezer milh tamakgtayay Laquis. Josué lakatawkalh ama' chux makgtakgalnanin nitiku malatamanilh. ³⁴ Chunachu Josué chu putum Israel titaxtukgolh Liquis chu chankgolh nak Eglón. Antá tilakgtankuwikgolh chu taratlawkgol amakgolh, ³⁵ chu chilenkgolh ama kilhtamakú. Amakgolh limakgawikgolh spada chu putum kamalakgsputukgoka, Lata' Josue xtlawanit ama Laquis. ³⁶ Chunachu Josué chu putum Israel titaxtukgolh Eglón chu chankgolh nak Hebrón. Chunanchu taratlawkgolh amakgolh. ³⁷ Kachikgokal chu kalimakgawikgokalh spada, nachuna xpuxkukan chu wanti xtawilana lakatsú. Tamasputukgolh putum ti anta xtalamana, nitiku latamalh, lata' Josué xtlawanit Eglón. Wa' kamalakgsputukgolh putum nachun wanti anta' xtalamana. ³⁸ Chunanchu Josué taspitli chu putum xmakgtakgalhnina Israel, titaxtukgolh nak kachikin Debir chu taratlawakgolh amakgolh. ³⁹ Wa' kachilh ti xtawilana anta nachun xpuxkukan, chu wanti lakatsu xtawilana. Kalimakgawika spada chuna kamalakgsputukgokalh putum wanti xtalamana anta'. Josué nitiku malatamanilh, chuna xtlawanit Hebrón chu xpuxku, nachun xtlawanit Libna chu xpuxku. ⁴⁰ Josué akgchipawlikgolh putum katuxawat, kasipijni, chu pulataman tu mapakuikan Néguev, xa kaxtum tiyat chu xlakatin sipi. Putum lakpuxkunin nikamalatamanilh. Kamasputukgolh putum ti xtalatamakgoy, lata' XPUCHINÁ Israel xmapakgsinanit. ⁴¹ Josué kalimakgawil spada matsukilh nak Cades Barnea masputulh nak Gaza nachun nak pulatam Gosén chu makgasputul nak Gabaón. ⁴² Josué kachilenkgolh putum umakgol lakpuxkunin chu xtiyatkan makgtumtunkan chuna XPUCHINÁ xalakj Israel, kalakapataya Israel. ⁴³ Chunanchu Josué, chu xliputum Israel tapuspitkgol antani makgxtum xwilakgolh nakj Gilgal.