¹ Binoi jeabeli: "We bichiwa Yemi ni mi ané, a niru yemi ibili mapu ketasi chi biji machimea mukuwami yenasi riwisa echi Riosi Walula nicaka nawasa ne we jiwerka. ² Usani rawé simirasa, Jesusi ko bayerali echi Pedro, Santiago li Juani Yurali, ali need Simira walu. Alí si'nu najitali echi a riwirataka rabo muwéntali. ³ Binoi napachala najitali ne simiraka ratabami, ne simiraka rosakami, ne'we waminana rosakami mapu yirpi rosakami niwa echi jena'i kawirali niruami. ⁴ Alí Echi Elías yuka echi Moises echaní Jabalí, ali ko ra'icha ojali Jesusi yuka. ⁵ Pedro ko rukeli ali jeaneli Jesusi: Bineriami, a bela kala ku tamuje na'iba machisa ali lamuje nakiwi mapurika niwabo ba'ika kalí, Nakiwi mapu niwama bile Muje niila , acho bile Moises, ayenacho echi Elías. ⁶ (Pedro ketasi biiri anisa niili, mapujiti aboni bineami we majali.) ⁷ A bile noli nawali, a lí pooli bile kabloli jiti. Alí ko machinali bil ra'ichali echoná nolirali: "¡Jena ju nije ranala natimatami kala námasil!". ⁸ Ke saina,mapuli alí aboni inenali nderiká, ali ma ke wesi riwali, aboni yuka shopi bilepi Jesusi. ⁹ Ali mapualí ma ku tikína isirali Repani rabó Jonsa, Binoi a la nuleli ketasi biiri ruyenala auche Jare mapu yiri aboni ritiwali. Yenasi echi Rijoi ranala ku ilasurami nísa echona suwikami bitiachi jonsa. ¹⁰ Echinika aboni a ka ripili jena ra'ichali, chopi aboni nakupi we wémi ra'ichaka nakali mapu cho a ni wami jú "ku wilaisarame echona suwikami bitiichi jonsa". ¹¹ Aboni kú rukeli: ¿chorikare jare Eskribas ko ani mapu Elías bacha nawamare?. ¹² Binoi Jeaneli: Elías a bichiwa Niraka bacha ku irani, mapu jiti ku wilasama kara suwaba namuti. Echaliko ¿chirokare osiruta atí mapu echi Rijoi Ranala a risua rika simirima wikabe namuti alí we kichirame niima? ¹³ Chopini mi ane Elías ma bela nawali, alí aboniko olali kara mapurika aboni nakili, mapurika aní osiruwame echi jiti. ¹⁴ Mapuali aboni kú isíli echona auche jare bineami yuka, a bela riwali wikabe pakotami echomí norelika, alí echi fariseos Nakupi we wemi ra'icha ojalí echomi. ¹⁵ Alí mapuali aboni riwisá echo Binoi, Echi wikabe pakotami ne we kanili, alí jumali Binoi yuka ali we kanilika narepali yali. ¹⁶ Binoi ko rukeli echi bineami: ¿cho pir jiti yemi we' iwekami ra'ichaka noka 'yemi echi yuwa?. ¹⁷ Alí bile echi nasipasi 'yenami jeaneli: Bineriami, Ni mi yebki nije ranala, binoi niwi bile siti iwiga mapu ketasi nakiwi ra'ichama. ¹⁸ We iwekami mukusiama niwa, rile apá, Ne simirka saliweni chumuchi, kila ramila, kara wacheme niwa. A taniki echi muje yuwa bineami chopi ketasi amerali ku machi pasia. ¹⁹ Binoiki jeaneli: Jipi pireami, ke tasi biiri bichiwami ¿cho yen wilimali mi yuka asimeare nije yemi? ¿chome wili yenasi need anachamo yemi yuka? A kind tosi. ²⁰ Aboniko echomi toli echi towi, ali mapualí echi siti chati iwiga riwisá Jesusi, we sapu, iwekami kumukusali. Echi towi rilé ichili, ali owili saliwena ne simiria. ²¹ Jesusi rukeli echi anolá: ¿cho me ili junsa Echirika ati? Echi onula ka jeanili: Pe táka jonsa. ²² Isími echomí na'irali apá, wecho bawirali, alí a binoi werli ola nasobuma ruya. A omerisakamo Namuti ola, natimáka tamuje alí tamuje kuwirsa. ²³ Jesusi ko aneli, ¿Ach omerima nije? kara suwaba namuti a bela omertami jú mapu yiri a lá bichiwiko. ²⁴ We sapuni nirata echi tawi onola ko sinali Jeanili: "¡Nije a bichiwili! ¡Tami kuwiri mapurika waminabi bichima!" ²⁵ Mapualí Jesusi riwáli mapu wikabe pakotami we juma isirli Binoi Yunali echi siti chati iwiga Jeanili: Muje iwigá Ke omerami raicha alike namami, ni mi nule, ku machini, a lí ke sine ku baki echona pachiní. ²⁶ Echi siti chati iwiga we iwemi sinali, ali kumusiatali we iwekam, ali ko machili echona Jonsa. Ehi towiko mapurika makukame niraka buiwili, Echijiti echirika bela anili pe wikabe pakotame. "Mi ma Makukame jú." ²⁷ Chopi Jesusi kú mutuki ali ilasali ali echi towi ku ilibali. ²⁸ Mapuali Jesusi bakili kalirali, binoi bineriali jeani ka rukeli, ketasi machiná niraka: ¿Churikare tamuje ketasi omerali machi julia? ²⁹ Binoi ko Jeaneli: Jena yin chati iwiga ko ketasi of just machi pasiwa chupi tánaka onoruami. ³⁰ Aboniko buwali echomi jonsa, alí Simarli echomi Galileachi. Alí Binoi ketasi wesi nachimea komi muchula aboni. ³¹ Mapujiti binoi bineria asali echi bineami, ali Binoi jeaneli: Echi Rijoi Ranala waminá nijirame nima aboni echi wikabe Rijoi sikalchi, aboni ko milirnea me, mapualí milisua bakia rawe simirka ku ilisma binoi. ³² Chopi aboni ketasi Newalá muchili jena jiti machirlua, alí we majali ruké. ³³ Aboniko isili Capernaumachi. Mapualí kalirali asali Rukeli: ¿Piri Jiti we 'iwemi Wilimali buwe? ³⁴ Chopi aboniko kotasi biiri Anika machuli. Mapujiti nakupi wilimali buchi aboniko we iwemi ra'ichasia isiiali jeanisika mapu chika níli pe minana walú. ³⁵ Binoi mina a'sibali ali bayeli echi makoi okua napabuka, alí Jeaneli: "Mapu yiri bile nakisako ne bachia nila, binoi ko nima need juba karka yuwa, ali nikurami nima." ³⁶ Binoi Juli bile towi pe tá alí nasipa witali aboni yuwa. Binoi mutuli echi towi a lí Jeaneli: ³⁷ Mapu yirpi a name ko bile towi tami rawala Jiti, ayenacho tami naré, a li mapu yirpi tami nareko, ketasi chopi tami nare, ayenacho naré mapu tami júuli. ³⁸ Juane aneli: "Bineriami, Tamye ritiwaki bile mapu chakena júla echi siti chati iwiga muje ra wala jitri, a lí ko kete nakiwiki, mapujiti binoi ketasi, tamuje yuwa inaro". ³⁹ Chopi Jesusi Jeaneli: Ketasi nakumesi, ke wesi niru mapu omeri jiwerka ola tami rawala jiti, alí pe wilimali siti chati ra'ichasa tami jiti. ⁴⁰ Mapu yirpi ketasi kina najisaku, kina tamuje yuka a machuwi. ⁴¹ Mapu yirpi nimi ya ko bile bawi bajiwame chopi jiti Kristo niwali nísa yemi, A ni bichiwali niraka ni mi ané, echi ko ketasi wikáma mapu imemare. ⁴² Mapu yirpi lobu ko Jena kuuchi a mapu tami bichiwi, A la nísa kala binoi níusa bile rite walu bile molin nila, buleta kotochi alí Parrami nisa walu ba'wirali. ⁴³ Mapu muje sikala mi si uni apasa, sikire Waminana kalaju bakiwa kala biteluachi ketasa sikeka Walú na'irali, echi na'i mapu ke siné cho'wí. ⁴⁴ Mapona echi kuchuwali muku ali echi na'i ketasi ku cho'wí. ⁴⁵ Mapu muje ralala mi si'uni apasa, Ripuni Mapujiti waminabi kalaju bakiwa biteluachi ketasi raleka, mapu kala niwa ralala, alí párami nisa echona na'irali. ⁴⁶ (Mapona echi kuchuwali ketasi muki ali echi na'i ketasi ku cho'wi). ⁴⁷ Mapu muje busila mi si'uni apasa, chakena bu'wani. Waminana mi ka ju bakiwa echona Riosi waluwalachi bilepi buseka, ⁴⁸ mapo okana buselikua alí apárami níso walu na'irali, mapo na echi kuchuwali ketasi muku ali echi na'i ketasi Cho'i. ⁴⁹ Mapujiti kara suwaba akárami nima na'i jiti. ⁵⁰ Echi kona ko we a'la ju. Chopi echi koná nosowisa ¿chorika omerima muje auchecho sine ku akámi niwa? Niwisi kóna 'yemi, alí muchisi we kanili ka nakupi.