¹ Echalí rawewali, niruli auchechi sine wikabe pakotami, Ali aboniko ketasi biiri níwili karunti kowámi. Jesusi bayeli mapu binoi bineriale, Ali jeaneli: ² "Nije wé batima jena pakotami, Mapujiti Echirika a nokisa waminabi tami yuka muchuwa ma bakia rawewali ali ketasi biiri bela niwi kowami. ³ A nije ku julasa ká aboni ku pirelachi ketasi kousa, echirika natakema aboni, buwerali isira simiba. A li Jaré we miká jonsa simíbali. ⁴ Binoi nila bineami ko rukeli: ¿komi omerabo á ne wikabe pane bilen wipo we akicheachi mapuyiri Jemi mapurika kalá posama Jena pakotami? ⁵ Binoi ko rukeli: ¿chokipi pane iniwi 'yemi? aboniko jeneali: kichao. ⁶ Binoi ko nuleli echi wikabe pakotami kilí muchínala ri'le 'yerali. Chapili echi kichá pane, ali natetari 'yali, alí rojanali. Binoi 'yali mapu yuka bineami nili, mapurika nchotuama, alí echirika nachutali. ⁷ Aboni ayenacho níwili pe uká kúuchi rochi, Echalí ma Binoi natetala 'yasa echi jiti, nuleli mapu binoi binerali, nachutanala echi rochi ayenacho. ⁸ Aboniko ma kowali alí ne kalá posáli, ali napuli mapuyiri tibili kuchi rojakami, kichao wali ne kala bochiwali. ⁹ Níili, he nao mili mo pakotami nili. Jesusi ko ku júli aboni pirelachi. ¹⁰ We sapu naraka Binoi 'moli echona barkochi binoi níla bineami 'a yuka, ali simíbali echomi Dalmanuta aniliwachi kawirali. ¹¹ Aliko echi Fariseos buli ali o'winali nakupi najisaka ra'icha echi Binoi yuka. Aboniko tánali bile namuti riwirkuami repani riwikachi jonsa, mapurika aboniko machiba ruya ne kalarka. ¹² Binoi ko weli iwili need pachana jonsa binoi iwigala jiti alí jeanéli: ¿chorikare jena jipi pireami we naki riwiraso bile namuti? ne bichiwali niraka 'yemi mi ane, ketasi bile echiriga riwiratami nima jena jipi piréami. ¹³ Chaliko Binoi ku simili bakili auchecho sine barkochi, ali simili auchecho bilen bo'onta bo'wirili bajonili. ¹⁴ Echaliko echi yuwa bineami ko ketasi ne'walali echi pane aka simibali. Aboniko ma ketasi níwili chopi pi bilepi pane echona barkochi. ¹⁵ Binoi kala ra'amali alí Jeanéli: "kala'haká 'yenasi Ali aboni kala tibusi, echi Fariseos níla basiahuare alí echi Herodes basiaware jiti". ¹⁶ Aboni echi bineami nakupi ra'ichaka we iwemi anika nokali, "Jena ko ju mapujiti ketasi Chet iniwi pane". ¹⁷ Jesusi ala newalá wilili jena jiti alí jeanéli: "¿chorikare 'yemi need nakupi we iwemi anika raicha mapu ketasi iniwa pane? ¿Wecho ketashi choo lachili? ¿Yemi ketasi newalá? ¿Wecho ma cho'wika wilibali 'yemi sulala? ¹⁸ 'Yemi niwi busila, ¿Nop ketasi mo machili? 'Yemi niwi nakala ¿Nop ketasi mo anami? ¿'Yemi ketasi no nata? ¹⁹ Mapualí nije nachútali echi malí pane echomí malí mili pakotami muchuwachi, ¿cho iki wali bochikame kúchi kichali pane ku napabuki 'Yemi?" Aboniko jeanili: "Makoy okua". ²⁰ "Ali mapualí Nijé nachutali kicha pane echomí Nao mili Pakotami muchuwachi, ¿cho iki wali bochikame napabuki 'yemi? Aboniko: "kicha". ²¹ Binoi anili: "¿'Yemi ketasi newalá acho bijí? ²² Aboniko isili Betsaira aniliwachi, echi pakutami echona pireami 'yebili rijoi busukachi alí Werli tánali nochánala. ²³ Jesusi chapili echi rijoi busukachi sikala, alí 'Yurali machímala echona wipo. Mapualí binoi akachípali moba busilachi alí ucheli Binoi sikala moba, echiriká rukeli: "¿A mo biiri ritiwa?". ²⁴ Binoi ripari i'nali, alí Jeanili: "Nije ko ritewi wika rijoi Mapu yira jare oko simíbali". ²⁵ Echalí Jesusi ucheli binoi sikaa auchecho siné moba busilachi, ali echi rijoi irápalip binoí busilachi, Echirika binoi busila ku a'lartami nili, ali ritiwáli karka namuti need kala machime. ²⁶ Jesusi ku juúli kuwana ku bitelachi alí jeaneli: "Ke tasi baki echona wipo". ²⁷ Jesusi machinili mapu binoy yuka binerli echumi ipoo Cesaria ali Filipo aniliwachi Echona buchi Binoy rukeli mapu binoy Yuka iyenili "¿chika Maybe tami echi Jare ralamuli?" ²⁸ Aboy ku nijenewaka alí aneli: "Juani li Bautista. Jareko and 'Elias' auche Jareko: bilé nawesami mapu chu rika ikimerko upami". ²⁹ Binoy echika rukeli: "ali 'Yemi ¿chika Tami maye emi? cu nijewaka, Pedro Jeaneli: muje ju echi Cristo". ³⁰ Jesusi kala raamili mapuke wesi ruyenala binoy siti. ³¹ Binoy owinili binera mapu echi rijoy ranala need risurika simirna rukeli wika namuti ali kaweltame niima echi ocherami jitu ali uwelpala bacha ichuwami echi sacerdotes Yuka ali echi email, echirika mulirutame niima, auche sine ku wilasaram email niima iwikala baisa rawe simirsa. ³² Binoy anili machiame niraka. Ali Pedro wana yurli ali owinili yona. ³³ Chopi Jesusi ku kuwana xnali ali inéli mapu iki binoy Yuca iyenili alibiche yonali echi Pedro ali aneli: "¡akina Jubami wili tami Yuka, muje diablo! muje tibu namuti Diosi niwala, Chopi echi ralamuli niwala". ³⁴ Aliko binoy bayeli echi ralamulí ayenacho mapu yuka iyenali napabuka, ali Jeaneli: "Jare mapu binoy ola, chapisaa echi kursi ali tami najatima. ³⁵ Mapu irpi kala tibunli binoy aliwala, mina erami niima, ali mapu irpi just binoy aliwala tami Jiti ali tami raichal Jiti echi ko a la ku narema. ³⁶ ¿Piri ola nema bill rijoy mapuli imesa kara ne buchiwi camirali ali binoy bina mukasaa? ³⁷ ¿Piri nijima bile rijowi nakuliwa binoy aliwala?