¹ Chabe rawe echi Juan el Bautista (Juani pakowame), nawalí na wi'sasia echo we akicheachi echona Judea jerika aníka: ² "Ku rowísi, echi ripana riwíkachi, inarame ma mulube jú. ³ Echi sisili mapu ra'íchali, echi bile rijoi nawesame echi Isaías (Isaíasi), mapali oni'li "ECHALI SI NAKA ANE'KA ECHI IYE WÉ AKICHE ACHI 'KARI'WEKA ECHI BUWE RIOSI NIWAIA, ACHINAS, MUJE BUWEAIA." ^{6 4} Jipi echi Juan (Juani) napachami ni echi kamello bowalu, bile ipoli we owarame echona umilachi. Mina kowám nili echi naka'roch, alí kulemen chakena niruwami. ⁵ Echalí echona Jerusalén (Jresuleni) karka Judea (Judeachi) echo kuwaname Rio Jordán (Jordani komichi) bawili echo'na Echi nili pakótami echo'na Río Jordán (Jordani komichi) mapali echi tana ochuachi chati olilá jiti. ⁷ Mapali riwali wika Fariseos mina Saduceos isika pakobo rua, je aneli echi: "Llemi simare ju echi sinoi we chati, ¿chika ruweli ma pu simiba illoka jiti alí juba nolin ma re? ⁸ Rakesi echi raka ku rowikoami. ⁹ Kie tasi natasi illemi, tamuje ko niwa: 'Echi Abraham echi jú tamoje ono'la.' Chopi nije ko ani Rios jú alí jawesame echi kuchi echi Riosi jú omerame maporika alí echona riterli jonsa. ¹⁰ Nisa Echi polá ucherami nisa echona rojarali nawalachi. Alí karka rojóa kie rakem jú kala raka ripunarame nimare pa'tamé echona nairali. ¹¹ Nije ko pako bawi mapo rowiame. Chopi jú ba inarame jú, echi wé jiwerame nije yuwa nije ketasi ir jú mapu tome echi muje niwala karachi. Echi pakomare wikala jiti mina naí jiti, echi pakomare Riosi wikala jiti mina naí jiti. ¹² Echi ka chuku echi jierro Riosi sikalachi ma pabumare suwabaka echona ripo echi turillo rakala. Mapu echi ikosmare echi kose na ema kie tasi ku chumeare." ¹³ Alí Jesús (Jesusi) nawalachi echo na Galilea (Galileachi) jonsa echona (Río Jordán) Jordanchi komichi, pakótami nima echi Juan (Juani) jiti. ¹⁴ Chopi Juan (Juani) isika uchabaka je'anila: "Nije ko rowale pakotame nisa muje jiti, ¿muje inari alí tami? ¹⁵ Jesús (Jesusi) je analii, je aneli echi: Nakisa jipi, echi jú wé kala mapo tamuje olabo kala nira." Alí Juan (Juani) nakiwali. ¹⁶ Miname echi pakótami nili, alí Jesús (Jesusi) machinili we yati, jeani riwikachi iraptami nili echi nira. Binoi riwli Riosi wikala nowami bile makawi ilibami echo na. ¹⁷ Je nai, bile nioki onili pa riwikachi jonsa je anika: "Je jú nije ranala mapu wé kale ati we kanila nije yuwa."