¹ Mapali Jesús (Jesusi) ranalti echona Belenchi Judea echali rawe baca chukum Herodes, raramuri we machim isilaruwa echona Jerusalén jenaika. ² "¿koma ati echi walula na judios mapu ju ranarum? riwakit echi sopoli ni mika jonsa na isikit nawuajinsa." ³ Mapali echi walula Herodes anamsa jena, na iyuli karka Jerusalén yuwa. ⁴ Herodes mapabuli karka rarámuri bacha chuwuami, bacha chuwuami echona pireami je na rukeli: "¿kami nawamare echi Cristo (Kristo). ⁵ Aboni jeaneli: echona Belén na Judea mapu rika na chukili osoruta echona Riosi raichala: ⁶ MUJE BELEN, ECHONA CAWUIRLINA JUDÁ, KIE JUM NA PITA NALI YUWA BACHA CHUAMI NA JUDÁ MUJE JITI NAWAMA BILE CILIM MAPU BINIERAMI INIMARE ECHONA NA RARÁMURI ISRAEL" ⁷ Echi rika Herodes kie anika bayeli echi rarámuri we machim na rukuema ruwa kala nira chokilipa machinili no sopoli. ⁸ Binoi julali echona Belén jenaika: "Mi na simibika na avo kilinira echi ta towi. Mapali rusa chariwe na machimea mapu rika nije simea na ayenacho nawajinia." ⁹ Mapali aboni echirika anamsa echi walula onli echona buwe na sopoli riwali mika jonsa simili bacha no aboni, asibili echona mapu buwili ta Towi. ¹⁰ Mapali aboni riwali echi sopali we kanilika nokali. ¹¹ Aboni simibili echona calirla no rawali ta Towi yuwa María naiyela. Aboni chokobli na nawainli; iriapli echi wanomi ayenachi cole echi or, mulua nai kala raim jukami . ¹² Rios Jeaneli bile rimutika na kie asimea ruweli na Herodes yuwua; echirika aboni simibili aboni kawirli chibilena buwe . ¹³ Mapali aboni simasa, bile pionoli Riosi na ilibili echi Jose bile rimutika jeaneli: "iliska, tusa echi ta Towi ayenachoi iyela na simibika echona Egipto. Ripima echona yensi nije anisa, mapu rika echi walula Herodes amare ta Towi na milimea. ¹⁴ echali rocogo José ilisili na jonsa mutuli ta towi na jonsa binoi opila na jonsa simibili echo Egiptochi. ¹⁵ Echi muchili echona mapoyensi (Herodes) Herodesi mului. Je na ikili mapo raichala rojaname jeriga a neneli: "Echi Egipto noje ne baye nije ranala." ¹⁶ Mapali Herodes (Herodesi binoi machili chu amerima nili mapo echi rarámuri machiame jiti wina jonsa we iyoli. Echi nuleli ku unula karka kuriwi mapo bami ami ini okua jonsa konoa bamiami, muchili echona Belén mina karka echomi suwe, kala anataka mapali niruli echi rarámuri machiame ¹⁷ Mina Jonsa ikili karka mapo je aneli echi raichala rojame Jeremías: ¹⁸ "ANIMALI BILE SINAMI ECHO NA RAMA, WIKA NAKILI NIRULI WE OMONILI, RAQUE NALAKA BINOI KUCHOLA JITI MINA JONSA KIE NAKILI MAPO JITI ABONI MAKIE MUCHILI. ¹⁹ Mapoali Herodes (Herodesi) mukuli, bile Riosi capitanoli ilibili bile rimú echi José echo na Egipto mina je oneli: ²⁰ "Ilisika mina chapi ta Towi na jonsa binoi iyela mina simika echona kawirare Israel mapo echi towi alí ma suili" ²¹ José isili chapili ta Towi na jonsa binoi iyela mina simili yerli Israelch. ²² Mapoali José namili Arqueleo ranala echi Herodes (Herodesi) echi nili walubela echona Judea maja simia echona Judea Herodes (Herodesi) jiti we majali similla echona na jonsa. Echi Riosi ne kala aneli bilen rimuki, si mili echona Galileachi ²³ alí simili mina biteli echona walulchi riweachi Nazaret. Je na ikili mapo aneti echi bacha chokiami jiti echi nima riweami Nazareno.