¹ Mani jipi ne kala anili echi Riosi iwigala mapu iri nawama riweli juba ali jare rijimala ko pe riwema re bichikuami ali ne kala nanmare auche jare ke kala iwigala mapu binerma ke kala,. ² We kaleami li ke natami.mapu iri binoi ola ko echirika baurarami nima. ³ Ali echiko ke nakime mapurika kunebo ali kecho narema koami mapu Riosi anili nachutanla nakupa nira ali tamuje bichiamiko natetali aka mapu ne kala machiamiko ne bichiika. ⁴ Mapu Riosi nulali ne kalaju. kie biri bajisa kire echali natetari akuachi li ne kie kalerami niraka. ⁵ Mapurika ne kala ju jena Riosi raichala jiti ali tania chukuli ⁶ A muje riwirsa auche jare rijimala,muje ne kala nima mapu naja Jesucristo.jena mapu niwari raichali ne bichikuamiali binekuami mapu muje najatali. ⁷ Ke bichiisi mapu mi binera echi ocherami mukike kala. ola kiri pe ku bichikuami. ⁸ Jena mapu tamo ola ko we kala nekua mi, jena ku roikuami ko ne kala omerwami ju ne karka suwaba.ali yena niwa aliwa mapu tami yama mapu yenasi nawa echali rawe. ⁹ Je na nawesali ko ne kala nateami ju li neka narerami ju. ¹⁰ Jiti be we iwenkimi iyena nocha tamuje.mapurika tamuje ko ne kala bichi Riosi mapu a bite,echi mapu ju mapu ti ku niuwami jena ralamuli,ne nali niala mapu ku bichiwami ju. ¹¹ Anisi jena binekuami jena namuti. ¹² Ke nakiisi mapu charika anema muje ta koruya .nili bile namuti mapurika echi bichiwa noka,jena raichali, achi kala ju,we kanilwami, nekala bichi ali ne kala biwika. ¹³ Yenasi nije ku nawa,mujeko chuku echona osoya,ne werli aneka mapu binerama. ¹⁴ Ke mina riwebo echi omerwami mapu muje yuwa ati,mapu muje yari echi machiwami mapu ikimeare juba,mapu mi tanali echi ocherani muje jiti. ¹⁵ Ne kala tibu jenalia.echona a asa kiri ,mapu muje ne karka kanilma suwaba ralamuli. ¹⁶ Ne kala nika muje binoi beneala.owini jenalia.jena oloka,muje nekala ku niuma echirika olasa ka ali mapu muje nama achiko.