¹ Jena raichali ko june bichiwa: ali jare nakisa echi bile nochli ineme, naki bile nochli we kala. ² Echali, bile inename nimare ke sine omerwami ku siwina pabore. echi ko nimare bilepi upe'eme nimare. ke biri olamare, ali natamare ne kala, ali ne kala nira nimare, echiko ne kala narema ke machirume. Echi ko ala omermare bineria. ³ Echi ko ke tasi ru'kuli nimare, ali ke tasi nakowame, ali ayenacho bile juriosi, kili niraka. echi ko ketasi kalemare echi onomi. ⁴ Echi ko ne kala tibumare binoi kalila ali echi kuchuwala ne kala nijewmare ali ne ke chubo oloka. ⁵ A bile rijowi ke machisa tibua binoi kalila, ¿chorika ala ompama echi ro'oba tibu'a?. ⁶ Echi ko ke tasi ukuliwame nimare, mapurika echi ketasi nochma ali wichiime chakena maporika echi riablo. ⁷ Echi yenacho niwmare bile ne kala anime echi chujare yua, mapurika ke tasi cha'anime chujare ali ketasi chakena ikime mapurika echi riablo ola. ⁸ Echi inename, echikorika, ne kala nira olamare, ke okona raichame. echi ko ketasi bajisare echi suwi ali ketasi namuti kurume nisare. ⁹ Aboni nima mapu nokisma ali ni bichiwli riwirtami pachana niraka biwime. ¹⁰ Aboniko inima ayena cho mapu bichiwame kala nokisma mapu kie iyoka ¹¹ Echi muku echirika cho nisare ne kala. aboniko ke tasi raichamare chati jare niraka. aboniko nimare ne walu nira ali ne kala nira kara namuti. ¹² bile rijoi kuwirame echona ro'obachi mapu iki niru nochali nimare bilepi upeme. Aboniko ne kala binermare kuchuala ali binoi bitelchi. ¹³ chopi jare mapu a'ala nochali nare ne kala niraka aboni ali bile ne kala bichiluame echi kristo. ¹⁴ Nije nimi osiwa jena namuti nijeko buwe iyeni nawama muje atichi. ¹⁵ we nalina nije wili isisa nije nimi osiwa mapurika muje machime chorika nimare echona Riosi kalilchi, mapu nila ju echi Riosi mapu iwika niji, yuka chukuwame ali binerkuame ne bichiwa echi Riosi jiti. ¹⁶ ke tasi wesi anime kie echi ne bichiwa riwirtame mapu natemiakuami ne walu nira ju: "echi ko wilibli echona sapalchi, ne kala nira olame ju echi iwika, riterami echi Riosi pionalati, ruyerami nili echi Riosi raichali ne buchuwi, wika ralamuli jenai wichimobachi bichiwli echi ali chapiruami nili ne jiwerali binoi Riosi jiti"