1
Wikabe ala aneli mapuriga ma ala anerami nima chabe niraka napu ruga nili maku wenalí tomu je niraka,
2
napu riga echiri yarami niri' Tamuje niraá chiga ne bacha nilí echí wikabe testigo mapu kuwirami echi raíchali níjimiamí.
3
Ali nije ayena cho níjeko ala nirakí mapu ma rukerami nima kili niraka. osuruamí ne kalabe niraka muje Teójilo.
4
Jenako ju mapu alami machimea ne ala bichiwali napuriga wika namuti mapuriga muje binertalí.
5
Echali rawe echi walubela Erodesi bile walubela Sakaria riweami echi rijimala niwali binoy riwala ko Elisabeti.
6
Echiko níli anajupi ala olama Riosi yu a ala bichiwaka echi nulaami mapu nuleli echi Onoruwamí.
7
Ali echico ketasi rane éli ali Elisabeti nilí ketasi sine raneami li anajupi nili we ocherami echali jonsa.
8
Jipiko nawali ariga olasia ali Sakarias ne wabe Nagatalí Riosí napu kala tibuka inaralí binoy kita napu riga nuleramí nima ne ala inema.
9
Ali aboni nakare walí mapurigao olalí aboni mapu riga chapili bile walubela ala nima, binoy ko chairuami nima wikabe jiti ali echona bakimea rioso kalilachi wi kosma muruwa.
10
Karaka wikabe ralamuli we wíkawali tanalí echona machi kalirali napu ali jonsa echi muluwa wikosali.
11
Jipiko bile riosí kapitanuli wilibali 'echi wilibalí echona otona ripa altarchi mole kuachí.
12
Ali Sakariasi riwalí wabe sawilumali li mojali echomi wichibali.
13
Aliche echi riosí kuwirali je aneli echi: "Ke majama Sakariasí mapu muje raichalí Onoruami yua ma namali muje upila eli sabetiko maranelama bile towi ali moje ruwarama Juani.
14
Muje we kalaka ne wabe kanilaka ali wikabe kanilama napu ali ranarutami nili.
15
Echiko walube nima ne alabe machiliami Onoruami yuka eche ko ke sine bajima echi ub ba'wil chipukami tabile echi we chipuamí ali binoy ko ne wabe buchiámi echí Riosi Aliwala ne illelo rapalachi jonsa.
16
Wikabe kuchi Israelchi kusimea binoy niwali Riosí.
17
Binoy Simea enercia Onoruami echi áliwala omerama echi Eliasi binoy ka olama jena mapu nawama ku surarachi mapu onola ali kuchilí mapu ichi ke namamiju ayena omerama simibia ala machiga inarama kanilaka ala kariga riwema echona pueblochi mapu onoruami niraka."
18
Sakariasi jeaneli echi angelí:"¿mapuriga neje machimea jená? nijeko bile rijoy nilí acheramí líneje upila wabe ocheramí chigo."
19
Ali eche angel ko jeaneli ali chaneli echi" neje juko Gabrielí, chika wilibalí echi Onoruami yuá nijeko nulerami nílí napu riga pamá echi raichalí ne galabe raichali.
20
Jenaí muje ketasi omerama raicha tasi bile aniga ripima mapa ali rawe karu riwelsa jenay nako ju napu alí muje ketasi bichilí neje raichalí ali chuirí ko'onimare napu olama rueli echali."
21
Jipiko ralamuli buye muchili echi Sakariasi echiko chanilka mo chuli mapu echi wilibw rawe Simirala echo na Riosi kalilachi.
22
Napó ali echi machinali echiko ke omerali bayé aboy. Ma machilí mapu binoy riwali bile riwi balí echalí wililí echona Riosi kalilachi binoy echiriga dali bayea echi auche jare mapu ke aniga jabli.
23
Nawali alasia mapi ulu wa achi simirali binoy ko bitichiku similí.
24
Pe jubami ku rawe binoy upila Elisabeti echiriga ikili binoy ko chakenala pe mali micha binoy jeanilí.
25
Jenako ju binoy Onoruami jeriga olalí tami niraka mapu tami ineli pé rico ma nakiliyeramí nima echí riwelami mapi ralamuli kita."
26
Ali kichaa micha ali echí angelí Gabrielí juralami nilí Riosi kiti bile siurachi Galilea riweachi Nasareti,
27
mapu bile Omaruami chika nilí mapuriga bile rijoy binoy riwaláko Jose nilí napí tibulí echí dabiri bitelachi echi riwalako na birgene níle María.
28
Binoy ko nawasa jeaneli su kuir ka muje chigaju ne wabe niraka nimi yua chuku echi Onoruamí.
29
Ali binoy ko wabe ijaka yenala echi raichali ali rukeli chuirá nalí su kuirali alanima jena.
30
Echi angele jeaneli eche Maria ko ke majama mare napo Riosi yu,wa riwali.
31
Li inesa machimea binoy ropalachi ali yasa machiluami bile binoy ranala binoy riwama 'Jesusi.
32
Binoy ko walubela nima alí binoy riwuramí nima ne ripabe iliami ranala eche onaruami Riosi yama walu cosubeli mapu riga chabe Rabidi simirali.
33
Echi nima alabela echona jacobí kalilachi ne sinibí tasi bile sine Subama mapi walubela nira'a."
34
Maria ko jeanelí echi ángele: "¿napu riga ikimea jena napu riga nije quetasi bile rijoy yua builí?
35
Echi ángele niochali alijeaneli echí' "echi Riosi aliwala ku nolinama nimi yua alí amerama wami nabí ripabe nimi yua nolinama alí we alabe ocherama mapú riweami Riosi" ranara.
36
Nibi muje rijimara Elisabeti ayena cho riwali bile ranala ma we ocheraga jena ko ju kicha micha echi nira'a echi riweami nili esterili.
37
Alibeche ne alabe Riosi yuá.''
38
Maria jeanilí: "nibí nije ju Riosi yua nochami apu ali tami yua nima alaju mapu riga muje ani." ali echi ángele mi kabe wilibali.
39
Ali Maria wilisali echali echali rawe ali we sapuka simili ache bilena ali bile siudachi Judeachi riweachi.
40
Binoy bakilí Sakariachi kalilachi ali narepali elisabeti.
41
Ali jipi jerega ikili Elisabeti ko namali Maria sukwirali echi ta ranala ropachi atiami chipolí ali Elizabeti ko ne buchiami nili Riosi aliwala kiti.
42
Binoy ko ne ripabe nióka wilisali ali jeaili: "Ne jalabe ju muje umuji yua ali ne jalabe nira'a ju echi ta'a ropachi atiami.
43
¿Churiga echi riga simirali tamí hi yela mapu tami yua nawasa onoruami?
44
Nibi mapu ali muje sukwirali né wabe kanilaka.
45
Ne galabe kuwirtami onoruwami yua echi chiga bichiwalí mapu nirulama kuanikuami wikabe karunti mapu binoy jeriga anerami nilí Onoruami jiti."
46
Maria ko jeanilí: " neje nirako nawajim ma onoruami
47
nije aliwala ne kanilaka onoruami tami wikawali.
48
Mapo ali binoy inenali ripa jon sa mapu binoy yua yenali we risuti nibi jipí jonsa bachamí karaka suwaba tami we kalema mupu kala kuwirtami ju.
49
Chiga ju ne wabe omerame napu walube karunti tami nira´a binoy riwalaj Santo.
5051
Tami we natimali echiko ju ali wekabé ne wikabe napu jare ni iwe mi sawilumali sikala. Bino ko rojnarami mapu echi jare wabe norli napuna binoy sulalachi nata.
52
Binoy chabe jona chakena awatami nirí rípa jonsa ma jawasarami nilí oboní we risuti.
53
Ali binoy bosali ali locheli napu namuti we jalabela echi napu wabe niwami ko ma riweramiju tasi bele iri niwaka.
54
Binoy ko wabe kuwirali mapu binoy yuá yenalí Israelel chípircamí pe chi yena ku nataralí mapuriga tamuje we natimatami
55
(mapu riga aneli binoy wenali) alí Abraní alí auche jare ehonabi "ocherami."
56
María echona ripilíli Elisabeti yua ne mulube bakia micha ali pe jubami ku nawali binoy bitelachi.
57
Jipiko masebari echí Elisabeti ma ranelama tatowi echi ko we gala kuwirali binoy ranaa toi.
58
Alí echomí mulube pireami ali rijimala kipulí mapu onoruamí ne wabe natima ineli binoy yuá ne wabe kaleka binoy yuá.
59
Jipiko jeriga ikili mapu alí osanao rawe aboy ko sebali echona pajosia echi towi aboy ko "Sakarias" riwabo rulí napuriga onola riwealí.
60
Ali íyela ko ku jeriga anilí : "Ké ichiko Juaní riweanima".
61
Echiko echanerami nili binoy: "Ketasi bile ite muje rijimala napu riga jena riwelama."
62
Aboni ko sika loelí binoy onola rukeka napu binoy ríja nakili napu riga riwelama.
63
Ali onola tanalí bile tablí napu achona osumea alí ma osalí:"Binoy riwalako ju Juani." karaka aboy ke sayenati jena kita.
64
We sapuka binoy chumula írapali ali binoy chamela omerama ali raichali ma nawajimalí onoruami.
65
Majali karaka suwaba mapu iku pirelali echo mí mulube echí pirelachi karaka ro janarami nili echona rabo Judeachi pireami.
66
Ali karaka napu iki namalí ma katiwaramí nilí pachana sulachi ali jeriga anilí "¿alicho echiriga najitama jena towi? ali echi riosi sikala echi yua chuku.
67
Binoy onola Sakariasi ne buchigamí Diosi aliwa la echaniga rueli:
68
"ne nawajimtami nimo onoruami Riosi Israelchi bioy nawali kuwircia echo na pueblo chi.
69
Echiko owinali bile awá nopu riga tamije nayubo lí tamuje kalilachi echi kuwirami rabirí.
70
Napu riga binoy raichali napu chumuchi nirá chika ne bachá yenali jenai echi Santo profetas aniliwami chabe killa rawe.
71
Binoy pama wikawali napu chati olalila karakasowaba sikala chiga tami chijunami.
72
Binoy olama mapuri ja machimea ala natima tami nima kíti Riosí napuali natama mapu riga binoy santoli mapu riga chabe killa anilí,
73
napu riga anilí binoy raíchali Abrani keni onuruami.
74
Binoy echiriga natali mapu tamwe ni yubrami nima echi chati lalila kití ne galabe tasi majaka olabo,
75
ne biwikami sulachi napuriga winijirami chulubi rawe.
76
Napu muje ranala towi riwarami nima bile nawesami ne wabe ripabe muje nimare ne bachami napuriga chiwali echi onoruami ripo jala ne kalarasa echi buw'e kalarabo napu jare ralamuli mapu ali simea,
77
mapuriga ala ruesa aueche gare wikawarami nima echo pueblochi kala wikawalimtasa chati ololila.
78
Napu riga ikimea jenay ala natimatami onoruami kita nirulma bukuliami rayenali bukuliami rawe,
79
napu ratabama mapu jare chanili echona chonachi napo chona kawachi echona mukuwawachi binoy olama talema binoy ronola kiti echona buwechi ne jalabela nira'a."
80
Jipiko echi towi ocherali ne jiweramí ju Riosi aliwala jiti mapo echona asali wakicheachi mapu echali rawe riwilti suwaba Israelchi.