¹ Jipiko auche jare rawe, niwasia nawali mapu César iweralí yali mapu riga yaramí bíle censo karka ralamulí napo pire jenai kawichí. ² Jenako ju nebacha niwarami censo pe echiriga Cirenio nili siliami Sirio niraga. ³ Ali karaka suwaba nili nilí echona pueblo mapuriga ala osolirli ro'warami nima nopi riga echí censo. ⁴ José ayenacho rojanali echo Galileachí echona siuda Nasaretachi siudachi Judeachi rabiri ni wala chuiri nili Belenachi, riweachi echiko kalila nilí rabiri rijimala. ⁵ Echi ko binoy echomi similí napawika osolirli ro"warami Maria, yuka chiga we chanili echi yuka mapu ropzami nili. ⁶ Jipi ko jekíli napu aboni echona mochili echona masebari tetali mapu binoy ma ranamea echi ta towi. ⁷ Binoy yali bitiluami bile towi ali binoy ranala ali binoy rigimala binoy ko kabili napoli ali walu chinikita ali echona rikali pecebrachi, echona ketasi kase niru mapuna rípima. ⁸ Echona ayena niruli jare bineriani echi pastori echona bilena rikachi mapu ripili echona wipo ala tibu tami bowá echalí rokogo. ⁹ Bile Riosi niwala angeli wilibalí aboy Riosi ranala ali we ratabali mulube mapu ona jawi aboy aboniko ne wabe majagali. ¹⁰ Ali echi angeliko jeanele echi jare: "ketasi majasi mapu nije we gala nawesari pali ayenachopama karaka ralamuli wabe ka nilama. ¹¹ ¡Jipiko ma raneli echí taa towi mapu tamiwika wali yama yemí ami siudachi rabiri aniliwachi. ¹² Jenako ju napi riwirtami nima jiti yarami ju yemi aboy ma riwimea bile towi chiniti kabi tamí echona buwíami pesebrechi." ¹³ Peke saín echi ángeli yua niruli ne walube número echi sontali mapu onoruami nawajimama. ¹⁴ Ali jeanija "Gloria a Riosi je anija ne ripabe mapuriga we gala nima jena i kawichi mapu auche jare mapu chiga yua ne kanilaka." ¹⁵ Echiriga ikili mapu alí angeli maku simibali ripa riwigachi alí pastiriko je anil bile na auchebile." Jipi ma simabo amí belenachi alí riwiboá jena namuti churiga ikila, mapu Riosi tami machirali." ¹⁶ Aboni wesapu echomi riwala María, José riuali echona pesebrechi buwiachi. ¹⁷ Pejubami aboní mapu riwali aboni machirali mapi aniga nokali jena towi kita. ¹⁸ Mapi karaka kipuli jena ne kanilaka mapiriga anilí echi tami bineriami. ¹⁹ Ali María ko natakabi ripili napi kara karunti mapu binoy kipuli nataka binoy sulalachi. ²⁰ Echi bineria mi pastori ku sebalí ne gala tibutami ne nawajimaka onoruami karaka mapu binoy namali binoy ko wi kanami yenalí li riwalí mapu riga napuriga raichalí aboni. ²¹ Mapuali osa naó rawe jonsa napa alí binoy noleka sikiretami nili ali ma Jesusi riwararami nima mapu echi riwalako ángeli kíti riwararami nilí mapu pacha ropachi jonsa atiachi. ²² Echali binoy taralí raweali karaka biwali mapu riga ikili oboy ko notali ley niraka li Moseisi li Jose li María parami nili ami Riosi kalilachi Jerusalenachi mapu echo nijirami níli onoruami yua. ²³ Churiga osuruami nili echi onoruami: "Kiti echí ne bacha ranaruami rijoy ne wabe kalé onoruami" ²⁴ Ali aboni echiriga aniga ripili ali miliruami nima alí binoy onorumi: "echiriga anili bile par paloma ali okua paloma pe bukuli ocherami. ²⁵ Jenay niruli bile rijoy echona Jerusalem alí Simoni jekano rijoy ala bichiwami nili chopi Riosi. ne buelí mapo alí jare Israelachi pireami ala kuwir tanima ali Riosi aliwala ne sulachi asali. ²⁶ Napu riga binoy ko chopi Riosi aliwala bi nojato binoy ketosi mukumea chopi Riosi bi najata. ²⁷ Ne binoy ko najatali Riosi aliwala, Simioni bakili pacha tenplochi mapu alí onpruami para mi nili mapurigaJesusi niraja mapu riga ala olabo echi Riosi raíchalanapi chabe jonza niruami nilí echi raichali nateami, ²⁸ binoy mutuli echi towi ali Riosi nawajimali ali binoy jeanili. ²⁹ Jipiko mapu echi yua nochali ma we ala kanilama muje raicha la jiti. ³⁰ Ali nije busila kítara ala kuirtami nili ala wi kawarami. ³¹ Chuirí nira'a muje binoy machirali ma binoy sebali olali machirali karaka suaba rala muli. ³² Bile raja amí riwirali echí ketasi bichiamí Riosi raichali ne jalabe kalerami nili Riosi kita echona pueblo Israeli anilíwachi. ³³ Ali onola lí iyela li kuchili sí alí we karunti riwirtami nili mapu riga aniruami nili wika namuti binoy niraá. ³⁴ Simoníko kuwirali alí je oneli María ali iyela: "Jenai asimea towi ma ala chapiruami nima napi riji kamí alí ku jawasrami ali wi kabe ralamuli echona Israelachi pireamínapi cha anera nili- ³⁵ ali bile saparini echomi simerama muje binoy niraa- binoy natali wika sulalá echiriga nima." ³⁶ Bile onorua yu nochami Ao iwerlina riwe ámi echona asali echiko fanuel malala nilí auche jare binoy ko we wílami nili binoy ko yua nawali binoy kunala kícha'a bami bali amaruamí ketasi chati natamí ³⁷ ali ketasi kuneami nilí osa naosi makoy na na'o echi tasi sine riweli echi Riosi kalila pero iwerli olali ayunali olaya ali wikawali tania onoruami rwe li rokogo. ³⁸ Echali rawe ne mulube waliechi yua alí maa owinalí nate talí aya onoruami binoy raíchali ranala yua binoy wabe buelí echona Jerusalenachi. ³⁹ Echali aboni ma suwenali kara ka napi aboy echiriga nirali napu aboni riga na karawali mapu onoruami raíchali aboni ni wali pueblochi echí Nasareti. ⁴⁰ Ali towí ma ocherali ali ne kalabe ocherali ne Riosi naga taka alí balu nate taraba Riosi mapu chomi mulube wilibali. ⁴¹ Binoy onolako chulubi bami yenali echona Jerusalenachi napu omowakuachi Paskua alaya. ⁴² Napu alí binoyko makoy okua bamibachi nili aboniko ache sine jimali apona napawikachí mapu echona omowakuachi olalí. ⁴³ Mapu jubami aboniko pe tibili echi numero napi ali rawe ma karka sebali echali omowakuachi oboniko owinali maku sebali echona bitelachi. Ali echi towi Jesusi repile pe jubami Jerusalenachi echi wendli ketasi machili. ⁴⁴ Aboniko jelalibinoy ko echi yua nili mapuriga napa wika simibali sine rawe echona jonadachi alibeche aboy ma asili aboy rijimala ali amigolí. ⁴⁵ Mapu ali aboni ketasi riwali alí maku sebali echona Jerusalenachi ali ma simibali asiá echi nira ali echona. ⁴⁶ Jeriga ikili ali bikiá rawe nira aboni ku riwali echona Riosi kalilachi nasipa asali echona wika binerami yuá ne wabe kipua ali echiriga alaya echi ruke kuami. ⁴⁷ Kara suwaba mapu kipuli we kanila ka ripili mapu ala machili ala nataga raichali. ⁴⁸ Echali aboni riwali aboni echona muchuli ne wabe majaka ali iyela jeaneli ali: "binoy ranala ¿churiga echiriga olali? kipusa muje wenali ali tamuje wabe simibali asia ne wabe niraka." ⁴⁹ Binoy jeaneli auche jare: "¿Emiko tamitimi a'a? ¿yemiko ketasi machi mapu echona asimea nije echona nije onola bitelachi? ⁵⁰ Ali aboni ketasi namali napuriga animea echi raichali. ⁵¹ Alibeche binoy ku nawali binoy bitelachi alíbinoy Nasareti. Nili wabe ala nama mi aboni iyelako karaka ala mo'ali ne sulachi niraka. ⁵² Ali Jesús aoche sine owinali ocheralí ne jala bichiwaka alí ne ripabe sinibi ne wabe kanilaka Riosi yua ali karaka ralamuli.