¹ Isaace' tu t'aanaj Jacob, tu qui'iquit'antaj yetel ca tu tuuxta: "ma' ch'a'aik a watan ti u co'oleli le cananeoso'obo. ² Li'iken, xe'en Padam Aram, tu yotoch Betuel, u taatae a maamae, ch'a'a a watan te'elo, ujtu u x chu'up paalil Laban, u su'ucun a maamae. ³ Yumtzil yaan Tulaacal u paajtalil ti'o' cu qui'qui't'antech, u beetech bey jun cuul che' yaan j'aal ja' cu yantal ya;ab u yiche' yetel u ya'abachcu'unsech, u ti'al a cu'uchu a beet ya'abach ca'ajo'ob. ⁴ Letie' u dza'atech u qui'qui't'ani Abraham, ti tech yetel bey xaan u ti'al a ch'i'ibalo'ob. u ti'al ca ti'alinte'ex le lu'um tuux ca'aja'nexo', le tu dza'a Yumtzil ti Abraham. ⁶ Beorae' Esau tu yilaj u qui'quit'anta' Jacob meen Isaac yetel tu tu'uxta Padan Arame', u ti'al u ch'a'aik u yatan ichil u co'olelil te' cu'uchilo'. Letie' tu yilaj u qui'quit'antameen Isaac yetel bix u'uchic u kuben t'anta'al ti: "Ma' u dzo'ocol a beel yetel miix jun tuul co'olelilo'ob Canaan. ⁷ Esau tu yilaj bey xaan biix Jacobe' tu beetaj ba'ax tu yalaj u taatae yetel u maamae, yetel biin Padan Aram. ⁸ Esau tu yilaj ma' tu yool u tatae u x co'olelilo'ob Canaani. ⁹ Bey tuno' letie' biin ti Ismael yetel tu ch'aj, u laak' u yatan, u k'abae Mahalat, u x chu'up paalil Ismael, u paal Abraham, u quic Nebaiot, jee biix u yatane. ¹⁰ Jacobe' jo'ok ti Beersebae' ca biin Haran ¹¹ Cu'uch ti um p'eel cu'chile'yetel ca p'aati tulaacal le aacabo', tumen le ki'ino dzo'ok u chiinil. Letie' tu ch'aj un p'eel tu'unich te cu'chilo', ca tu dz'aj tu yaanil u pool, yetel ca chilaj te cu'uchilo u ti'al u wene' ¹² Letie' tu waya'cta yetel tu yilaj un p'eel eeb t'alacbal liiksa'an yo'okol le lu'umo'. U witzile cu cu'uchul taac le caano' yetel le u angelo'obo Yumtzile' cu na'calo' yetel cu yemelo'ob yo'okole'. ¹³ Je'e tuna', Jehova ti'an walacbaal yo'okol letie, yetel tu yalaj: Ten Yumtzil, u Ku Abraham a taatae yetel u Ku Isaac. Le lu'um tu'ux chilicbalecha', tene' yaan in dz'aik ti tech yetel ti a ch'i'ibalo'ob. ¹⁴ Le a ch'i'ibalo'oba beyo' je biix le ma'ayi le sa'am lu'umo' yetel yaan a ki'itpajal naach ti j chikin, ti j laakin, ti j xaaman, ti j noojol. Ti tech yetel ti a ch'ibalo'ob tulakal u laak'tzilo'ob le lu'uma yaan u qui'quit'anta ta woolal. ¹⁵ Je'el te'la, Ten yaanen ta wetel, yetel yaan in ta'aquiquech je'el tuuxac' c'aj xi'iqueche'. Yaan in taasquech tuca'aten te lu'uma', tumen ma' tin p'atech. Ten quin beetik tulakal ba'ax in seebch'itikte'echo'. ¹⁶ Jacobe' j aaji ti u wayake' ca tu yalaj: Jach tu jaajile Yumtzile ti yaan ti le cu'uchila' yetel tene' ma' in wojel caachi. ¹⁷ Letie' tu ch'aj sajakil ca tu yalaj: "¡Le cu'uchila' sen quili'ich way! le'ela jach u yotoch Yumtzil. u Jo'ol naaji le caano' ¹⁸ Jacobe' liik jach tu ja'atzcabil u laak kiin ca tu ch'aj un p'eel tu'unich meyajnajti u ti'al u kaan jool. tu liiksa jee biix un p'eel ocom pake' ca tu wecaj aceite yo'okol. ¹⁹ Letie' tu dza' u ka'aba'inte le cu'uchila' Betel,ba'ale u ka'abae le caajo' ca'ache' Luz. ²⁰ Jacobe' tu yalaj un p'eel jalach t'aan beya: "Wa Yumtzil cu biin tin wetele' yetel cu canantiquen ti le beel tu'ux quin ma'ano', wa ca dza'aicten ba'al in jaant bey xaan ba'al in bu'ucbese, ²¹ ca su'unaquen toj in wool yetel cu u lo'ojen u ti'al in cu'uchu tu yotoch in taatae, le Yumtzil tuuno' biin in kuintej. ²² Le tuunich dzo'ok in dzaiic bey ocom pakila' biin otochquinta'ac tumen Ku. Ti tulaacal ba'ax ca biin a dzaa ti teen, jach tu jaaji yaan in su'utic le u diez jaatzalil ti tech