¹ Amb iwiüm Mipoch Teat Dios tapeay niüng ajlüy Jonás, tasaj nej: ² "Witiür, carriür indüy Nínive, aag a nadam cambaj quiaj, quiaj apmendeac napac xepoch leaw tanasaj ic mendeac." ³ Atquiaj tarang a Jonás witiüt tamb andüy Nínive tayar andeac TEAT DIOS. Ninguiün nüt Nínive tarang noic nadamüy cambaj, netam arej nüt ndom mandooigueran tiüt. ⁴ Tamelich ajüy a Jonás tajmel tiül nadamüy cambaj ndoj ajüy noic nüt nej tandeac napac tapiüng: "Amb ic miow nüt Nínive apndrom ombás." ⁵ Minipilan Nínive tayariw andeac Teat Dios tayacüw nembeat poch maiíündaran lop. Meawanoj nejiw tasoijquiw ngo majneaj apixaw, imiün wüx natang ndoj wüx chingüy. ⁶ Najen miün tapeay anderac niüng ajlüy natangüy nenajiüt ocueaj Nínive. Nej witiüt niüng chetej, tasoond apix nej, tayac ngweat wüx ombás nej at chetet wüx. ⁷ Nejay tüüch mamb noic nembeat poch tapiüng: "Tiül Nínive, wüx minangoraad natangüy nenajiüt at mimonajiüt nej, nijinguind nde meajchiün üetiw nipilan tengwüy nimal, wacüx tengwüy najiürüch tiwajchiüc. Nejiw nda müetiw alcuane nda manganeowüw yow. ⁸ At ijchan mayacüw wüx ombasüw nejiw ngweat nipilan at nimal atquiaj majiüntsüw mapajaw napac Teat Dios. Netam meawanoj macuetiw leaw ngo majneaj teamarangüw at macueatiw ambiyaw nipilan. ⁹ ¿Jane ajaw nguaj Teat Dios mandilil majaw icoots mangowüüch omeaats nej at mandiüm macueat ajcüy majaw icoots atquiaj ngo mandeowaats? ¹⁰ Teat Dios tajaw leaw nejiw teamarangüw, tacueatiw meáwan ngo majneaj leaw teamarangüw. At Teat Dios tangowüüch omeaats nej, wüx aag a xeyay ngo majneaj tapiüng apmarang wüx ombasüw nejiw, ngome tarang atquiaj.