Iwiüm nembaag
1
Andüüb miün, Jonás tandeacanaag makiiüb TEAT, MiDios nej, imiün teomeaats xeech cüet.
2
Nej tapiüng: "Tanapaj minüt Teat andüy wüx xeyay monteomeaats samongoch quiaj Nej tangoch sandeac; ¡Sapaj napac mimbeol xic imiün tiül pojniüwüy Warraj Oxiüt! Ique tenguiay sandeac.
3
Landoj melox xic tiül najal omal ndec, marrey tiül najal omeaats ndec, acuiür miyow ndec ayey xic tiüt; meáwan nadamüy omal ajponch among wüx ximbás.
4
Xique tapiüngás: "Iniiüg lango majaw xic; masey atquiaj sanandilil najaw andüy nguiane ajlüy minangaj iüm"
5
Miyow ndec lamapal xic tiüt lapeay tixinic; lamayey xic tiüt najal ndec; lawinchay wüx xemal misoex ndec.
6
Tsoyotós tiüt tindec tanatüch nguiane witiow owil tiüc; mimanchiüc loliüt tapalüw xic nomiün. ¡Nganüy ique TEAT, XEDIOS tewün xic tiül najal loliüt saliün napac!
7
Wüx xemal xemeaats tandeow tiül xic, xemal tapaj minüt TEAT; ndoj miün leaw sandeac tapeay Niüng Ijlüy, tiül minangaj iüm.
8
Ajcüwa nipilan leaw anguiyaw andeac narangüch dioses leaw ngo membeatiw arangüw atnej andiüm omeajtsüw omalüw acueatiw acueatiw mimonajneaj.
9
Xique nganüy, sanatsüen soen apac ximeaats sanayac nichech wüx Imbás; sanarang leaw lanayac xepoch nasaj ic. ¡Imiün wüx TEAT DIOS leaw apmawün wüx nipilan!
10
Ndoj miün, TEAT DIOS tendeac masaj a cüet quiaj tamb majtiür wüx nawaag iüt a Jonás.