1
Interi hiuntarai hengkong, kapara na Yerusalem henda bu Yesus mae kewio
2
Pitoi cona woming henda raweing taritama tantapumi woria iwo hemariai hendoi hembaramipe hetang roweang.
3
Yesus pea bu hia interi pitoi ria raweng kawio hora Allah piama na taritawa.
4
. Impaina Allah pea coyo taramuho tamamui hinyamui haru matei piorawai tamani hinyani ne iwo teriu wangka rekeria
5
. mempaya mamatei kewio bu tamani hinyani pitoi buni weibing pariri sieng Allah piami wanei ne.
6
. Iwo meiriai rioaho Tamani, Hinyani haru pe kong ia mesopan Firman Allah kong taritawa
7
. Mia, wo hiuntarai we kewyo pampinoma, wewe mahitawa na Yesaya ho mia
8
. penduhe ninei Hiomi Yana hurengpai mana hanewai rarong pai nya woroi waruiyau
9
. mara hia hesiomi konta iwo hetanyau parenta hiuntarai.
10
. Kong, Yesus hia hiuntarai kawasa konta mae kewyo mantara hoi mesanetatoti. .
11
Ao, wewe ingkai makowa to masoremi pai, aibingtati pa hiuntarai impaina pitoi matina horeng waneine mara bintatipara ho hiuntarai.
12
. Mara, mana rua Yesus henda, mae hetutang, butang ihwo hiuntarai Parisi tarahokawio kangkania mara taraho utang wiawi.
13
. Interi, Yesus, kewio peama coyo tina romi wetan tamami canang na surga, mbebiata ra wariwau
14
. Pihia wio ? hia wio henda tutu hiuntarai we re pipu mara hiuntarai repipu, mara hunta wa haha kambrei wanei.
15
Petrus kewio bu hia burari pei arari yampai we ama
16
Yesus kewio mia wio pianapa metong nuhari tone.
17
Mia wo wetau piweo makowa tohurang bia to haneng ra kiaya na hamang pai
18
. Pitoi matina horeng pai, tarapina hanewaipai we hunawa.
19
. Na nemo tarapi hanetatota pi naunor, momuna, momota, sasar wehunawa, munana, kowiorampinoma, kong totipara.
20
Piwe niehunawa na hiuntarai, wape buang pi na waramu ihwio hunawa we hiuntarai.
21
. Mara, Yesus ria herea nu tirus kong Sion
22
. Kong hiuntarai wawing Kanaan werena, Nu yampai mae ce wawara mae kewyo, haneng ho yau, anyau Daud ariang wawing we hunawawau nyau Nur mara kehiou.
23
. Mara, Yesus webisa kewio peawe wawing pa wa, wo kawio korisi wa. kong mana rua hendama hembedeken mae hengkawio hetatuwari ria pampang maetenana, na he karupu hia.
24
. mara peya inte kewio, yau wo hetatua yau bu pioung we nai na maihoi Israel.
25
Interi, wawing nei riama mahahu raweni hio aebu na Yesus, aropong coyo, piami hanemuho yau.
26
Handun pe, Yesus poya kowio, hinawa kuori, roweang hene antung heso hia bu wona wane hia.
27
. wawing api kewio, mahi sieng mana wona pa hetang roweang na warirung wetawana pata nambiri wati.
28
. Interi, Yesus kewio bu hia, mia wo wawing, roahoa baba. Tawana paparia na hawawati antumu wawing wehempanang.
29
. Yesus, riana wempa, rarurang na nyapare Maria Galilea, Cota to wi wati mara inte mehoina wampa.
30
. mara, hawe baba hiuntarai henda buri ma. hengko niuntarai we piaya. kong we kokapapo, repidu, mowi, kong kawasa we pau. interi hengko yara netahiona na Yesus aeru wau imbaromi hengpana.
31
. Mara hiuntarai kawasa hendoa hoa we mou hengkawio weang takakutu, kong we paya hentara, we repipu hendehoa mara hesiomi Allah piami Israel.
32
. Yesus hia manarua interi kewio, yawo haneho hiuntarai wo hengkura ha pe toru. mara heneroweang pehawa, yawo mairiai yetua hia hembawu pe cona henda hempananang pena rang rabiang pe turu.
33
. mara woming hengkawio ma nanani kai tariu roweang peha ne wo hiuntarai ne hempau paina mae henana rahora nine werorotu paina hiuntarai hempau.
34
. Yesus cutan buhia, coyo pitatang we meneng pa mara hempaya hetoyo roweang ne buoitu, kong tian we momakoru.
35
. mara Yesus, botuwa hintarai kawasa hemahoi na kakopa.
36
. mara kio taun ambe kong tian pa, tangkoma taisomia, tampa baba hiu, tatonibu manarua kong manarua, hetoni bu hiuntarai kawasa pa hia.
37
. mara hetampi ra hemohi, interi hia hengko buo eharu, mara nawan peitu onung.
38
hia hemai hatampi wau hembe pia, hura hiuntarai muang, kong wawing kong mararia.
39
mara hetatuwa hiuntarai, kawasa pitau pa hembawu, Yesus mekowa ho wawatiria to nuwe hanong peimagadan