¹ Nawo hora wawa mara Yesus rya ho romi gandum nao ha ari nyewoming wara konti hembawihi pa hepapo papai gandum buong hetang. ² Hinyontarai parisi hendehoa hengka wio heto remura nemu woming hetong piwe mahi wa na harine ³ Inte Yesus kewio we nya tyoyo me ta tora na ewae pitoi Daud tyoma na wera kongti hemba wi hi pa. ⁴ Topi mo mekowa mamu syeng raro tyang roti tyong sadaka ma ma hiwae parario hinyentaraiweriryui parario babayoa wau hya. ⁵ Te meta tora arera taurat maewae ma ha pai baba yoa hena manu ari rarong ma hembe sasar ye. ⁶ Wape peuya me mia piwe baba hieha rama manu ari syeng ai na ning. ⁷ Impaina mesane rurong kawio ne ma ra hame ma hamehoa paina sada ka metona wae weo sasar sar weo we sasar wa hyae. ⁸ Wo aryang hinyontarai mara syeng mao ha hari. Yesus Tyong Wehu Hi Hempanang Ma Ha ⁹ Syu Yesusmeti ma wang herea ma Sinagoge hya. ¹⁰ Renda muang we wara hawarung penangnang hetutang Yesus Yesus paina buong wehuhi hempanang na ha ari waue waromi he kawio sasar we Yesus. ¹¹ Inte kewio wehya tyoyo na mya matei nye piong tya na kambirei na ha ari ma tyo haharai tori wa ne. ¹² Woroi warui hinyong tarai woru kong domba na wawau mara wihyeng mara ona muhara ma ha ari. ¹³ tou yang Yesus kewio bo hinyontarai puo wa rang pai hinyontarai pio wa rambati tyoni wihyo rea parario hamarum bati. ¹⁴ Inte hinyontarai parisi hemati waruya ra hengkawio mahi we hendoma tye hetong saherai. Yesus Wowing Iria Syeng Allah ¹⁵ Nayampa Yesus rurondiaui rang wau tepina waruya tutu kawa sa wera kongti hexmpanang. ¹⁶ Hya hya tyoyo mendoho yape. ¹⁷ Pining mahi parari piwe mati nao wowing Yesaya. ¹⁸ Mendera woning iri hanehoi mara ha me yong ryua anyung muong ma mara na ke hehong ni iye temyau we ma hi we ihya wihyena. ¹⁹ Ima merya terura tapira ohentapa ho raupui ma rang pe. ²⁰ Haha wetakai hami tekutu wa kong aimando rewu weang hani we tayoiwa wo tyang kio kyai ma nya. ²¹ Na hamombai mara hinyong tarai pitau mari hame nyara Yesaya. Yesus Ra Nao Ruong mamara Syeng ²² Wepuirea ma wetata pei repipu peiheroma mong pei henda tutu hya tyong hya hem pang. ²³ Hinyong tarai we pau hetutang wawe hya heto minei wo pau antu tina. ²⁴ Hinyong tarai parisi hentara hoa ma ra heto hinyong tarai nineiwo hani tyuha pimaidine hya wa wo weru hya pia mara. ²⁵ Yesus ryuramdingding hametatona wau paina tyoyo pitabui weta baba hu hi hyehi wau huru waweri tarai mamehari wota bendar manu we matitota huru wawerya hane kapana wau. ²⁶ Ing kira tyuha ing kira taba ba hu huru wa weri tarai wau mara mahi mantaung maitui wa, ²⁷ Impaina yuha wehunawa kong no ing ki ra matei tyuha aryang pahya me. ²⁸ Ruanyumung syeng intuha ingkai ma ra wihyeng syeng rama wa kong mya. ²⁹ Topino hinyong tarai pehi mekowa ho hinyong tarai wepapaya nyeng tedwa piwau mara tyawi hinyontarai wati ma oong wa, na pui mara inte tewa manu wati. ³⁰ Matei kiong yawa mara ryoma ya matei riryuri konya wa mara ri rerai waweri. ³¹ Peya weroama wemya ho sasar pai yai hinyong tarai marandeng mae paiyai buo rung mamara iwo ma randeng wa. ³² Matei peyai pieha ro mao arya hinyong tarai mara iwo ma randeng mae kewio nyoma ruanyunung mamara pa marandeng wa kio wopui rea. Ru Hende Weroamima Buong Wati ³³ Ru wihye mara buong wihyeng ru humawa mara buon g tyong sung wa wo tandeweroami ru wati nao buong wati. ³⁴ Piwawing pina munai beludak topi mani honya membarui inte mempunyai piwe wihyeng na hame raro hore kawio. ³⁵ Hinyong tarai wemahi nya ma tima pi hetano mahi hinyong tarai mamuna mati mao gio henang mamuna. ³⁶ Impaina weroama wemia kawio pam pinoma matina henyong soreng wapui werama hetaryuta homa ha ai utang wane. ³⁷ Impaina nakawio mengkawiriora memahi hara wemahi wemahiwa hara sasar wanema. Hinyong Tarai Parisi Kong Wemahayo Wui Ho Torat Hetawa Kamang ³⁸ Wopui mara wema maha ho tarat eha heng kong hinyong tarai parisi heng kawio we Yesus Guru. mata mandeho kamang wena men tarai. ³⁹ Inte Yesus. ryoapatara kewio wehya wenaunor momata mara tyo hani rieho kamang mara kamang pehaweo romao mendehowa wo kamang we nao woming Yunus. ⁴⁰ Piama woming Yunus nya haroi haneng hape toru tyuru toru berari aryang hinyong tarai nyao nunei ha toru nyuru toru. ⁴¹ Hinyong tarai niniwe henteriryui aryang wa waru wewao sasar wau mazra betadai weri hya ho hentara ho Yunus kxewio hendohoa baba na nyana nane wau. ⁴² Wawing werama wamang sahi tewaha riryui kong aryang waworunei ha weo haneta tota wekutu sasar wo ria ma nu rewu mawe taraho ha ne haneanuanung Salomo rehoa pau baba konti ma mine. Wehunawa Warui Kakawiwau ⁴³ Piharai wiowi meti warui hinyontarai kyirama rabiang we Maria wehehoni mana terya tawa. ⁴⁴ Piana kewyo tyoyo imve taweri tomanu matina wani teweri harea homanu wati kekawi hetirari rawihyeng. ⁴⁵ Tapai inte pihyarai wiyawiyoi nei nyampa kyo ma itu wenau nor wau hya ma husuho hinyong tarai mara nyau nor nyeha ra para rio aryang ma woru wenau mor wati. Manu Rare Yesus Nyetarai ⁴⁶ Yesus nya kewyo kong hinyong tarai wepau hya rahi mara reraho ninyani rarue huntena rindin heto heng kewio konti. ⁴⁷ Ehi kewyo rahoi tyoyo remura hinya mui raruomu hente rindi heto hengka wyo kontau. ⁴⁸ Interi Yesus hyoweri rsupui hinyong tarai weweroama wekawyo weoyo matei hinya mui matei raruomui. ⁴⁹ Inte tyuwa wara buo nyeo manarua Yesus kewyo tyota nine hya hinya pehiyapa raruo pehyana. ⁵⁰ Hopei no matei tyo parario wamahi amai na rora imara rarmo muang pitina raruo wawing pitina kono hinya pitina.