¹ Mavekelo aprofeeta Habacuque: ² "Pwiya, kihin'wa Nulumo ninyu ni kihoova! nvussavucere Nteko en'nyu owakathi yola; ni, wa owakathi yoola, ntjuwelihe; muupuwele wo woonela ekiriri, nu Viruwa winyu" ³ Muluku howa oTemaa ni Nttakattiifu howa omwaako Paraa. Sela. Waarya wawe ohokhuneela erimu ni ethaya ehotjarya wo Wun'wihiya wawe. ⁴ Mathakelo awe omeeli om'matatani wawe wahaarya toko eluusu, ni vale Yena hovitha Ekuru awe. ⁵ Eretta tjo winva tjahorwa ohoolo Wawe ni nttarusso Tjahomoomolaniha enyaatjawe. ⁶ Yena ahokhala oweemela ni hophima Elapo; Yena howeha ni hotatha elapo n'yo. Mpaka myaako tjihinkwanyuwa tjahokhala tjipwessakatjiyaka ni mwala tjihim'malela tjahokokhora. Ephiro awe yoohimala. ⁷ Kihoona etenda tjo Cusan tjithukumelaka, ekuwo tjo tenda elapo yo Midiaa. ⁸ Pwiya anooviruwa ni mapharelo aya? Waari oviruwa Winyu wopharela waya, walaani otjatja Winyu wo pahari, okathi wathenkalen'nyu Ekavalo tjinyu ni Ekaruwage tjinyu tjoothema? ⁹ N'hothoonyera ntheere Ninyu; Nyuu nhohelatja mavaka en'nyu wa ntheereni Winyu! Selaa. Nyuu n'hokawaniha elapo nu waarya. ¹⁰ Myaako tji howoonani ni tjihikhuna nuuwerya. Maatji yahovira vatjulo waya; epahari yowinsa yahokhuwela ni yahovussera mawimpi aya. ¹¹ Ntjuwa ni mweeri yahemela mapuro aya orekama ohoolo wo woonieela waya wo Matheere en'nyu avavale, oholo waya overunya wo nivaka Ninyu. ¹² N'heetteetta elapo yoteene nuutikinihiya. Nuuviruwa, N'hottarussa elapo. ¹³ N'hokhuma wiira n'woopole apoovo en'nyu, wiira m'moopole Mwinthanlale n'nyu. Nyu n'naakwanyula ahooleli eenupa yo maimpiyu, wiira mwaahele okhuma vathi waya mpaka nsikoni. Sela. ¹⁴ Nyuu n'hoviriha muru tja anakhotto en'nyu ni matheere n'nyu, kontha ayena awaale toko ephyoo wiira enimwarissa tje; otteliya winyu waari toko wa yoole nonkhuura sikhini wa nipuroni wowimpithia. ¹⁵ Nyuu n'heetta watjulu waya maatji ni ekavalo tjinyu, mwaha wo mawimpi, wo matji muulupale. ¹⁶ Mi kihin'wa ni kihothukumela wa nrimani waka! mattere aka ahothukumela ni ntjuu. Makhalelo ohiloka ahokhala okela mmakhuva ni waka ni miiva kinaathukumela mwiiruthuni waka kanrihaka woomalelyaa wo nihuku ninkela owa otjukula wariyari wapoovo an'nihuviva. ¹⁷ Pooti wiira miri khatjinvaha ettuva ni ohikhala mihokorokho m'mirini; hata wahinkhalaaya eyoolya ni m'maattani ohikhuma ethu; pooti khala wiira matjitji ayo ahokwanyulatjiya ni ohikhala enama mwintjitjini ¹⁸ Phimaana, kinaahala otteeliya wa Pwiya. Kinaahala otteeliya ni Muluku koopolale. ¹⁹ Pwiya Muluku phikuru aka ni Yena napanka metto tjaka naalipihera. Yena naakirwaana mapuro orekama. Wa ahooleli otjipo, ni ekarumatjaka tjo mikhoi