¹ Moises hathukumaniha athu oteene oIsrael ni howiirela: "N'ya phiithu Pwiya wirenlyaaweni wiira nvare. ² Wo mahuku sita, wa kuta nteko ohaana ovariyaka, vano, nihuku nona saapa ninkhala nihuku noottakattifihiya. Nihuku nosaapatu ninkhala nihuku noomumuliya; nihuku neettakttifu naPwiya. Wa yoole n'hala ovara nteko nihuku nen'no haana akhuaka. ³ Nyuu hikhale nkela oparihela mooro m'mawan'nyinyu nihuku nosaapatu". ⁴ Moises haahimeerya athu oteene oIsrael: "N'nya phiri tjoohimiya naPwiya: ⁵ "n'haana n'waanaka ofeerta wa Pwiya, nyuuva nrina nrima n'nopheela. N'waane ofeerta wa Pwiya, ewooru, eparata, ebronze; ⁶ etecido yoopipila, yokhuiila ni yoosheerya, eliinyu yooveviaala; mapururu opuri; ⁷ mattapala onama opintariya yoosheerya ni koouro tjovevyaala; miri tjo mpeeku; ⁸ petroolho onsaminiyani onsantuwaariyu, ekaruma omakhura, elumpani tjoonukhela; ⁹ maluko onix ni maluku makinaku owaarya wo wiira aheliye nkuletini ni watheremani tjo kuwo tjaana mukutho. ¹⁰ Nlopwana oteene notjuwela opaka ethu wariyari winyu awe ni apanke yoteene yeele Pwiya erumalyaawe, ¹¹ etabernakulo, ni etendaaya, mavatheliyo aya, ni mapuro an'wariheliya ekurtiina, manan'na anthenkiyaaya, manan'na tjikawanihiyaaya, apontto aya ni mithitteryo tjaya; ¹² hata n'novuku, no miri tjinkusseriyaaya, etamapa onrapiheliyaaya ni ekurtiina enkhuneela. ¹³ Meesa, ni mirir tjayan'yo tjinkusseriyaaya ni ekaruma tjinvareliya miteko ni ephaau tjoowa aPwiya. ¹⁴ Ekantelaabru tja assaminiya, ni ekarumatjayan'yo, elampata tjaya ni makhura aa lampata; ¹⁵ altaari opaheriya elumani, ni miri tjaya tjookusseriya, makhura owoottiheraniya ni elumpani tjoonukhela; ni ekurtiina tjo makhumenloni ontabernakulo; ¹⁶ altaari anvaheriya ofeerta oopahiya, ni egarade tjaya tjo bronze ni mirir tjinkusseriya ni tjithu tjaya; ni ebaciaya yo bronze, ni nthitteeryo aya. ¹⁷ Ekurtiina tjoota tjimpatjera okhumenliya wiiphiyaka wapuwa, ni tjithu tjaya tjinlipihera aya ni ekurtiina wiikelaka wapuwani; ¹⁸ ni miri otabernakulo ni tjo wapuwani vale, nimikhoyi tjayan'yo; ¹⁹ ekuwo tjopakiya wo wiira avareliye mapuro ettakattiifu, ekuwo tjeettakattiifu tja Arao, namukutho, nassanaawe, wo wiira ayena avare toko anamukutho". ²⁰ Vano, makhto oteene oIsrael ahokhuma ni ahohahuwa wariyari wa Moises. ²¹ Wa yoole ninrima wooreera ni wa yoole n'nepaawe waapheela, howa ni howaana ofeerta wa Pwiya wo wiira etekiye etabernakulo, wiira tjithu tjoteene tjonteko ni ekhuwo tjeettakattiifu. ²² Vano, ahowa alopwana ni athiyana, wa yaale yaari ni nrimaaya wootteeliya. Ayena yanawaana epirinku, aneli ni tjithu tjowiphuaneliha, wakuta ethu ejooia tjo wooru. Oteene waya ahovaha ofeerta tjo wooru wa Pwiya. ²³ Oteene yaale yaarina eteciido yoopipila, yossafarawu ni yoosheerya, elinyu yoovevyaala, mapururu opuri, mattapala opwittipwithi opintariya yoosherya walani yoovevyaala ekouro ahowaanatja. ²⁴ Oteene yaale yaarian ofeerta wo parata walani wo bronze ahowaana wa Pwiya ni oteene yaale ethaapua tjo mpeeku wo wiira evareliye nteko ahowaana wiira tjivareliye nteko. ²⁵ Athiyana yaakhuitiri opanka ethu yanapanka eteciido ni etata tjaya ni yanawaana yeele yaapakaaya eteciido yoopipila, yossafarawu wa yosheerya, walani eliinyu yoovevyaala. ²⁶ Athiyana oteene yaarina nrima wapheela ometha mapururu opuri. ²⁷ Ahooleli ayo ahowaana maluku oniix ni maluku makhuaawe owaarya wo wiira aheliye nkuletini ni watheremani wo khuwo tjaanamukutho; ²⁸ ahowaana ekaruma ni petroolyu onlampatani, ni wakela oheleliya makhura ni olumpani yoonukhela. ²⁹ Misraeliita ahowaana ofeerta woothuna wawe nthu wa Pwiya; khula nlowana ni khula nthiyana, mirimatjaya tjootteeliya, ahowaana ekaruma tjaakela ovareliya nteko wa Pwiya wanrumalyaaya Moises wiira avare. ³⁰ Moises howiirela mIsraeliita: "Moone, Pwiya honvaha ntjina naa Bezalel, mwaana a Uri, mwaana a Hur, nloko na Juda. ³¹ Yena honvaha Bezalel N'nepaawe, anvahaka otjuwelatja, woonela ni otjuwelatja wa tjithu tjooteene tjopakiya, ³² wo wiira apakatje tjithu tjooreerela ni avarele nteko ni ewooru, eparata ni ebronze; ³³ ni othikila ni oreeriha maluku ni opakatjera wa thaapuani wo wiira apanke wakuta ethu. ³⁴ Yena ho'hela wanrimani wawe wiira inthutjihe, Bezalel mpaka Aoliabe, mwaana aa Aisamaque, anloko na Da. ³⁵ Yena honvaha otjuwelatja wo wiira avare wakuta ethu, wiira avare ntoko namapaka ethu, toko namahema, namapittikula eteciido yoopipila, yossafarawu ni yoosheerya, elinyu yoovevyaala ni toko wa yoole nopanka ekuwo tjo nliinya ni anamapanka ethu.