¹ Jesus kanantiyani kanuwatsie, anyaka anta+'ye, kanuani yukekaritsie. ² M+ta, kaniu'at+iyarieni uki kayuaweme uta'tsie yakaikame. M+ta wa xeiyat+ sasuni ke men te heriekai , Jesus p+'rehuawe uki kwayuawekai: ''Neniwe, aixu que te a ku huaweni, atatakurik+ri peteu ya huwiyarieni.'' ³ M+ta hipat+, te ut+wamete p+meteniu yuta huawe., ''Ik+ uki ti'ita'' ⁴ Jesus warakuma+t+ kemen te yuku huawekai:'' ¿p+ti wara huawe:'' ketiur+ tsi xete yukuhuawe yu iyaritsie? ⁵ ¿ Tita matsi ti mex+iwa p+'ha mutay+ni:'' A tatakuri'k+ri pereu'ya huawiyarie' yakatixau'ta: ' Kenankukexi keneumieni?' ⁶ M+ta mete hetimanik+ kename Uki Nu'aya y+we tiwarauyahuwirieni yu tatakurik+, M+k+ p+rehuawe kwa yuawe: ' Kenankukexi, a uta kenan ku+i, kene+ mieni akie'' ⁷ M+ta uki mankuke xeimieme yukie pet+a. ⁸ M+ta yuwa+kawa te+teri me mu nenierixu yetiuy+, mekwa heyutima mepuhuxie kunie raya ar+kame Kaka+yari mepa yeit+akai, ke ane kuta tiyatuiri t+r+ kariya mexeiyanik+ te+teri watsie. ⁹ M+ta Jesus wayat+asie muwa, xeime uki puxei titewakame Mateo, muwa pakatei te+teri mete wayutituayatsie , M+k+ p+rehuawe: '' ne ut+a ke neumieni'' M+k+ta pankuke ut+mana pet+a. ¹⁰ M+ta Jesus kita mankaya tikwa nike, m+ta yuwaikawa tumini xexe+riwamete kekaritsie timieme tatakuri wa+kawa metehexeya mepu ax+a mete ukwai Jesus mat+a meta tsiere t+riyamama: '' ¹¹ M+ta Fariseotsixi me munierix+tsie, p+mete wara huawe t+riyamama: '' ¿ketiu tixe ukit+wame tikwa'a tumini xexe+r+wamete wamat+a tatakuri mete hexeiya wahamat+a ? ¹² Kepauku Jesus mu anaxu p+putay+: '' kehate mekwa te hau kukuye me kwa hauyahuwa ti uatame, xeik+a te+ter+ kehate mete haukukuye mepeiyahuwua xeime ti uatame. ¹³ Xeme xekene'ti mamate keni ke anyit+ manyine: Ne ne pauyahuwa nenimayatsika nekwa hauyahuwa wa+rierika hayupit+ka .' Ne ne nua, neka watahuaweke aixu mete kahu meyutimaix+anik+ , p+ta tatakuri mete hexeiya'k+ ¹⁴ Juan t+riyamama'ta me pu ax+a Hats+ana P+ me putiy+: ''¿ Ketiu'ta tame tsiere fariseotsixi te putahakixime tukarik+, ketiu'ta at+riyama me kwa uyuhakixime?'' ¹⁵ Jesus p+ti warahuawe: '' ¿Xete y+wawe ke hate memuta'inierie tine+kitunekaku meyu heiwerieka , mexi uki nene+keme wa hamat+a kaniere? M+ta tukari kana ha huni kepa+ku nene+keme man hanieni, anarike xenyu hakiekuni. ¹⁶ Ni xewit+ uki kwa hamanetsi kit+ani ixuriki hekwamek+ aku iwi ukiratsi'tsie, m+k+ta x+ka manetsikiyari kutsanix+ani iwitsie, yaut+ masi pautsane ¹⁷ Mik+ta siere iya te+teri mekwa akatuani vinu hekwame ukiratsi nanautametsie, xukate p+mete uyurieni, ta tare, winu'ta tayauriex+ani , nanautame tapetsi narieni. Xikata winu hekwame ma'akatuani nanautame hekwametsie, yunaiti'ta meyu utani.'' ¹⁸ Mexita Jesus yetiwara huawekai ye tiyuwek+, kanuani xewit+ itsakame n+'arieya kaniu titunumakeni Hixiena. P+re huewet+: '' Ne niwe uka kanem+ni , hik+m+ a mamak+ hetsiena kenehautime'i, m+k+ta kanantanierim+k+,'' ¹⁹ M+ta Jesus kanankukeni hamat+ana kaneyani metatsiere t+riyamama. ²⁰ M+ta xewit+ ukaratsi xuriya uhanist+at+ wa+kawa 12 witari yuriet+ ya'anet+, Jesus ut+a pumiekai m+ta kemarieya pumay+a. ²¹ P+ra yu huawet+: '' xikate xeik+a kemarieya ne umay+ani herietsu nenaneni.''. ²² Jesus hanakuniereka mixei, p+rehuawe: '' Ak+ ne niwe wa+kawa kene atemawieka; sasuni pamayeit+ak+ herie pananeni. '' M+ta ukaratsi xeimieme herie kananeni. ²³ Kepauku'ta Jesus mau ta t+a its+kame n+'arieya kita, waruxei meteyuit+kai flautasie yu wa+kawa te+teri me yu ma t+akai. ²⁴ M+k+ p+tiwarahuawe: Xene'huni m+k+ ukanunutsi kwa mik+, p+ta kane kutsuni.'' M+ta m+k+ me niutinaneni, Me inanaimat+. ²⁵ Uraniereta yuwa+kawa te+teri me wa yan+arie takwa, M+k+'ta pautaha mamayatsie kawierixu, ukanunutsi pan kuke . ²⁶ Yetiuyu niuki naitsarie pautayeixia kiekari manmanet+katsie. ²⁷ Mexita Jesus muwa uyemiekai, yu hutat+ ukitsi maka haunenieret+ me piweiyakai. M+k+ p+mete ku hiwakai:''¡David Nu'aya, ta neutinenimayata!'' ²⁸ Umaniereta Jesus kita pautat+a, ukitsi'ta makwa hauneniere me pu axia Hatsiana. Jesus'ta p+tiwara huawe: '' ¿Xeme p+xeteha'eriwa kename ne p+netiyuriewe? '' M+k+'ta p+meteniu'ani: '' j+ Ukiyari.'' ²⁹ M+ta Jesus wa huxite kaniumay+ani p+ti warahuawet+: '' P+ke aneni xe hetsie sasuni xete'eriek+.'' ³⁰ M+ta wa huxite kanan ta yepierixiani. Uranierita Jesus p+katiwaruni'ani awiet+mek+: '' xekene yuhuxiyani xewit+ kwa retimamatekeni ik+ yetiuy+k+.'' ³¹ M+ta yu hutat+ ukitsis me ne k+ne p+me tekuxatat+ kentiuy+ naitsarie kekari man manet+katsie. ³² Mexi'ta yu hutat+ ukitsi me wa yak+ huta me me uwakaitsie, ana'ta xewit+ uki kaniuwet+, tsatana ka haket+ t+kakame ni'arieya, kaniu'at+arien+ Jesus huxie. ³³ Kepauku'ta t+kakame n+'arieya maya n+'arietsie, uki kwa niuwekai kaniu'taniuni. Yu wa+kawat+ te+teri me niu huxiyani me yu temamawiet+ p+ me ut+yua't+: '' ¡P+ te kwa tenieriwawe kai ana'i Israel! '' ³⁴ M+ta fariseotsixi p+me nait+kateit+ni: '' T+kakame n+'arimama wa ukiyari, kan warayax+riwani tsime te u iyari.'' ³⁵ Jesus'ta kaneyani naitsarie kiekari muku manetsie siere ki mauti'usie. M+k+'ta katiyeweiyakait+ni ti +k+tat+ sinagoga'ta, niuki kuxata't + Kaka+yari niukieya, herie waranenetiwat+ y+ naimek+ kehate mete ukakukuine naime tiyutsata kwiniya. ³⁶ M+ta waruxei yu wa+kawa te+teri waru tinenimayatax+, me yu iyarit+akaik+ meyu huawet+ yu tsata me mauti uwakai'k+. M+k+ me huk+t+kai muxatsi yu huweme me ka hexeiyat+. ³⁷ M+k+' p+tiwarahuawe yu t+riyama: ''hasunik+'ts+ itsanari kawa+kawani, m+ta itsi me yu pa+meni itsanamete. ³⁸ Ye ti ane'k+ xekene yunenewieka xe iwawiriet+ Kaka+yari itsanaritsie ti miemek+, ke warani'ani te uximayatamete itsanari'ta.''