¹ Jesus yu t+riyamama waruta'h+awix+ aku meyu 12 m+ta waya tuiri t+x+kariya mey+wawenik+ mewaxa ya x+rieni t+kakame n+ arima'ma, m+ta siere hipame herie mewaxa'net+anik+ ke ane mete ukakukuine m+ta siere kehate kuiniya meme'xeiya. ² Hik+ta, meyu 12 t+riyama'ma p+ mete tewa'wakai: mat+ari, Simon (siere ti'tewakai Pedro), m+ta Andres iwaya, Santiago, Zebedeo nu'aya, siere Juan iwaya, ³ Felipe, Bartolome, Tomas, Mateo, ti yuwiwi'yame aku impuestos, Santiago aku Alfeo nu'aya, Tadeo, ⁴ Simon aku Zelote kwinat+rieka Judas Iscariote, ke ane miyatuanikekai. ⁵ M+k+ meyu doce Jesus maren+'a. Tiwaru'ta +kit+a p+ tiwaruta'h+awix+: "Xekwa hau huni haueriet+ iya Gentiles watsata, xekwa hauta hakeni wa kiekarita iya aku Samaritanos. ⁶ P+ta, xeke'ne huni kewa muxatsi memetax+rietsie kiekaripa Israel. ⁷ Xekene hu xetekuxatat+ p+ xe utiyuat+: 'Kakiayari kwieya ta heima ka niu huxani.' ⁸ Mete'kukuye herie xewara nenet+wat+, m+kite xewaranku hapanat+, xewayeit+at+ ke ane me'mau etsat+ka, xewaraya n+awat+ tem+arixi. Wa+kawa yu mamatsie xeteuh+i wa+kawata xeketeneyatuaka xeme. ⁹ Xe kwa te ya tuiriyarieni oro, plata ni metales xe tumini mayanik+. ¹⁰ Kunimieme xete u'ikat+ xekwa hek+kani, ni wa+ka kemari, ni kakai, ni its+, m+k+ ti'uximayatame peixeiyari yu ikwai. ¹¹ Tsepa kewa kiekaripa xemauta'hax+a, xekeneuti'wawa ke ane aix+ tiuka iyari, m+ta muwa xekeneuyuku'hayawa kepaukurike xeyahu. ¹² Kepauku xemauta hax+ani kieta, xewatah+awet+. ¹³ X+ka mana kiepa ax+ ti aneni, tita aix+ ti ane xehetsie m+k+ siere wahetsie ti ya ani; mex+ka mana kiepa aix+ kati aneni, tita aix+ ti ane xe hetsie keranuani pa+ta. ¹⁴ Iya hipat+, ke ane mekwaxe'pit+ani waniuki xekeneu'eni, ke pauku xewayak+ne mana kiepa yat+ni kiekaripa, tumuanari xekenanaka tsikix+aka yu +kate tsie xekene waya k+ni. ¹⁵ M+k+ sasunik+ ne'nexerah+awe ke pauku tukari maya'ani aix+rakait+arieitsie yak+ tiy+ni kukuiniya mana kwiepa Sodoma siere Gomorra masi ana kiekaripa. ¹⁶ Xekeneunenieri, Ne nexen+a muxatsi wa hapa+ +rawetsixi watsata, aix+ xe ke neyu+wiyani wa+kawa kukuterixi wahapa+ m+ta xekamamat+ ha+m+xi wahapa+. ¹⁷ ¡Aix+ xeyu'+wiyat+ te+teri wahepa+sta!, M+k+ xeyatuiyani mete'ati xaxata'tsie memuyu'kuxexe+riwatsie xetiweiyanik+. ¹⁸ Xeman'hapanieni itsuikate wah+xie tatuwanitsixi wahats+a Ne k+mana, ne kenentiyuriene wa hetsie timiemek+ iya sasuni mekua te'erie Gentiles mete tetewa. ¹⁹ Ke pauku xe'ya tuiyani, xekua yu iyarit+aka keneta'y+ni pekwara eriwani, anatsie niuki peyetuiri'yarieni kepentay+nik+. ²⁰ M+kta ek+ pekwa h+k+t+ni petaniuni, pa+ta Espiritu aya'u m+k+ pa+ta taniuni ha'etsie. ²¹ Xewit+ iwakame yu iwa yatuani mierienik+, yaukameta yu niwe. Niwetsiekate mepanku uniyu ya'u mehekat+ mepitixaneta mierienik+. ²² Xeme xekwa'tinake eriwa naimek+ nek+manak+ kenenti'tewak+. M+ta ke ane mumieni yetikamiet+ kepauku m+ni, m+k+ tewi kuwikueni. ²³ Ke pauku pemuweiyarieka ana'i kiekaripa, ke neuata un'a mana kene'mie xeitapa; ne sasunik+ nexerah+awe , xeme naime kiekari xekwakun+ni Israel tiyatewatsie akuxi kaka+yari nu aya kanuawekaku kuxi. ²⁴ M+k+ n+ari kwa xaya'axe wa+kawa ti +kitame hapa+, hapa+na ke ane n+arie kwaraya axe kaka+yari hapa+. ²⁵ M+k+ kenti yuriewe n+ari p+ y+we ti +kitame hapa+, n+ari nanaiyakame yaxeik+a yu kutsiyari hapa+. ¡X+ka te+teri mautiy+ni kename ti+kitame kiekame, Belcebu, kepauku masi kiekatari! ²⁶ M+k+ yenti anek+, m+k+ xekwa watexieka, m+k+ tixa+t+ kwa ti awiet+ nait+ tiyu hek+are, m+ta tita ti awie nait+ reyutimani. ²⁷ Ne nexera'h+awe u'y+wikakaku, xemeta u'hek+akaku xetenewaruta xat+'a, meke u'enanani palekumek+ yu nakatek+, xeke newaruta h+awi wa ki heima xe aka ut+. ²⁸ M+k+ xekwa wa texieka iya tewi mekumemiwa m+k+ me kwa y+we k+p+ri memieni. Pa+ta, Kaka+yari xekene texieka m+k+ t+r+kariya mexeiya akaxewimek+ taipa xeime mau'h+ani. ²⁹ ¿Yu huta+ wikixi mekwate aya axe tumini hapa+? Yeti anekaku, xewit+ kwiepa kwa'kaweni kaka+yari kara'kumaikaku. ³⁰ M+k+ naime k+pa xeme xeiya yu mu'utsie nait+ in+atsie ke pa+me. ³¹ Xekuwa'mamaka. Xeme wa+kawa xete aya axe keyuri wikixi. ³² Yeu'mieme ke ane kwanesti'tewiya te+teri wah+rie ne siere ne kwa ititewiya ne kaka+yari h+xie ta heima makawe yuawitsie; ³³ mex+ka iya uya'ta imani kename kanetsi'xexeiya te+teri wah+rie ne siere ne yuta imani ne kaka+yari h+xie ta heima makawe yuawitsie. ³⁴ P+ xekwate ha'eriwani ne'ne nua kename uxipiya ne u'at+a an'a kwiepa. Ne kwa nua uxipiya ne kwa u'at+a, p+ta kutsira ne pu'at+a. ³⁵ Yeti anek+ ne'nua ne'pi at+a tewi yu ya'u yehekak+, iya niwetsiekame yu te'i yehekak+, m+ta muetsiekame yumu'e yehekak+. ³⁶ Iya te+teri yaxeik+a meku'tet+ meyuya'hekax+ani iwamari't+t+. ³⁷ Iya ke ane yu ya'u tinenimayata keyuri'ne ne hepa+sta aix+ kwa'tiuka iyari. Ke ane iya yu niwe wa+kawa masi mauya'h+wa ke yuri Ne, nek+mana ne hepa+sta aix+ kwa'tiuka iyari. ³⁸ Iya ke ane yu kuxu'ri kwa ti'kweni m+ta netsi ankuweiya, ne k+mana aix+ kwa tiuka iyari h+k+. ³⁹ X+ka xeik+a hau'yu iyarit+aka yu'tukarik+ m+k+ peiyah+ani; ke ane yu tukari ya'tua nek+manak+, ne nepeka xewixiya m+k+ masi pe'iwa tukari. ⁴⁰ Iya ke ane yumama'tsie xetsi'h+ni ne siere yumama'tsie netsi'uh+i, m+ta ke ane yumama'tsie netsih+ni, siere yumama'tsie h+ni ke ane netsi'heyan+a. ⁴¹ Ke ane timaikame nake'erie, mexi timaikame h+k+, tiyatuiri'yarieni m+k+ yumama'tsie ti'h+ni imikieri timaikame'tsie haku'nena. Iya ke ane yumama'tsie h+ni tewi aix+ tiuka iyari tiyatuixiya'rieni imikieri hakunena'tsie tewi ax+ tiuka iyari. ⁴² Tsepa ke ane x+ka ti ít+ani ik+ chimemut+t+, tiya'tuirieni x+ka xewit+ ha'ha+t+me tek+xita, ne'n+ari yetuirieni, p+ne'xe xahawe imikieri ya'tuiriyaxieni.