¹ Xe kwa'te hauxatani m+ta xeme xekwa teti'xatsiyarieni. ² M+ta xeme kexen'texata hipame xetewareu'xatsiriet+ pa+m+ siere xeme xeten'xatsiyariem+k+, xeme in+ari kexente'u'in+ata pa+m+ siere xeten'in+atsiekuni. ³ ¿Ketiu xeme xe'xeiya xatsi tsinet+ a iwa h+xta muyeca, m+ta xeme xe'kwaxeiya xatsi xe h+xta muyeca? ⁴ ¿Xeme yu iwa xete uta'h+awiwawe: 'Ne neu'pit+a xatsi a h+xta newati'h+ani', mexi xatsi yu h+xta u'yeyecani? ⁵ ¡Xete itawame! Xeme meri xatsi xeke'newatih+wa yu h+xta, xeme xenierek+ xatsi xe iwa h+xta muyeca. ⁶ Pe kwa tiwa'mikuani aix+ ti'ane ts+ik+ri, m+ta tete mex+kawi pe kwa wareuka'x+ririwani tuixuri wa h+xie, ka y+weni m+k+ memi'tiketsini yu ketak+ m+ta memes'ta'tsana ⁷ Xe ketenewauka meta xete yatuiri'yariem+k+; xete'ne wa+t+weni meta xete'kaxeiyakuni, xeke'te neu'yuit+a meta xeneu'yepiyakuni. ⁸ M+ta ke ane ti'wawa, m+k+ tiya'tuiriyarieni, keane'ta ti wau+ne tikaxeiya, keane'ta reu'yuit+ani kaneu'yepiyam+k+. ⁹ ¿Xeme ukitsi uxekaniere kexey+ni x+ka xe niwe xe uta'wawirieni pa'pa, xeme te'te xete'i'ha+rit+ani? ¹⁰ ¿Yakatixa+ x+ka kets+ xe utawawirieni, ku xete'i'ha+rit+ani? ¹¹ Ya ti anekaku, xeme tsi xete'ukaiyayarit+ xe y+wawe imikieri aix+ ane yu niwema xete watapit+ani, ¿Masi xe Yau xe heima makawe aix+ ti'ane kaxeti'yatuiriem+k+ x+ka xete u'tawauni? ¹² Ya ti anekaku x+ka xeme, xe'hauyah+aka hipame wa parewiya, xeme siere pa+m+ xekete'huni wa hepa+sta; ik+ ka h+k+t+ni mari'itsika meta timaikame. ¹³ Xete neu'tahax+a itupari tsi muyewatsie, itupari yaut+ kaneu wieka meta kana tayauka huye kewa me mauyax+r+we, kunie me yupat+ mume'niu yak+kani. ¹⁴ Itupari i'tsi a ta'yaut+ kaneu wieka, meta tsi'kaniu yaut+kani huye waranwit+k+ tukari'tsie, m+k+ xeik+a etsiwa meni ka'xexeiyani. ¹⁵ Xe keneyu'uwiyani me te'maikatek+ te'itawame, kehate me wa'hu mete hauyu'kun+t+at+kait+ muxa hapa+, m+k+ p+ta me h+k+t+ni +rawetsixi meteyukwa'at+. ¹⁶ Yu ikwaxik+ xeneti'matiwam+k+. ¿Ti y+we kuta uva hamu'kate+x+ xu'yatsie ya'katixa+ higos ha'mikat+ni siere xu'yatsie? ¹⁷ Ya xeik+a ti'anet+, ite+ri paleku anet+ ti'x+awit+ani ikwari aix+ a'nenet+, meta ite+ri tsi'tianet+ ti'x+awit+ani ikwaxi tsi'ti anenet+. ¹⁸ Ite+ri aix+ anet+ kwa'tixuawit+ani ikwari tsi'tianenet+, ni siere ite+ri tsi'tianet+ kwa'tixuawit+ani ikwari aix+ anenet+. ¹⁹ Ke ane ite+ri ikwari aix+ anenet+ kwa'tixuawit+ani m+k+ kana h+iyam+k+ meta siere taipa kaneu'kah+iyam+k+. ²⁰ Ya ti'anekaku, yu ikwaxik+ xene'timatiwakuni. ²¹ Ni me'yunait+ kehate menete'uh+awe: 'Ukiyuari, Ukiyari', meneu ta'hax+akuni kwiepari ta heima makama'tsie, xeik+a kehate aix+ mete'kahu Ne Yau ke'maine ta haima makawe. ²² An'a tukari maya'anitsie kunie meyu pat+ p+ meneteta'hawe: 'Ukiyari, Ukiyari, ¿Tekate hauti'maix+a Ek+ kepentitewak+ m+ta siere Ek+ kepentitewak+ tewara'yax+ri t+kakame n+'arimama meta siere Ek+ kepentitewak+ wisti aneme tete'u'hek+atax+?' ²³ M+ta Ne p+ netiwata'h+awe: '¡Ne nekwa xe'xexeiya! ¡Tewa xehuni ne hapa+sta, tsi xete'u'iyarit+a!' ²⁴ Pa+m+ siere, ke ane Ne niuki e'nieni meta men'ena, kana yeim+k+ uki kunie rakumate hapa+ aku yu ki mutawewi tete'tsie. ²⁵ M+ta witari nua, ha wayane, kunie tiu'ku ekax+ m+ta ki'tsie mu'kut+a; m+k+ta ki kwa uka'unix+ m+k+ wewiyakaik+ tete'tsie. ²⁶ M+ta ke ane Ne niuki e'nieni m+ta kwa en'enieni, kanayeim+k+ uki ka yu'kuh+awet+ hapa+ aku yu ki mutawewi xiekari'tsie. ²⁷ M+ta witari nua, ha wayane, kunie tiu'ku ekax+ m+k+ta ki me muta'unax+; ki muta'unix+ m+ta wa+kawa pat+a matiwek+." ²⁸ M+ta katiuy+ni kepauku esusntiu'ta hayewax+ niukik+ ik+ ken'mainekai, m+k+ te+teri meyu temama'wiekai M+k+ +kitsikayak+, ²⁹ m+k+ ti'+kitakai ke ane t+r+kariya mexeiya hapa+, hawaik+ te'u'tuwame hapa+.