¹ Ne a +wiyat+, kataku aix+ perakayuruwani te+teri wa'h+xie memetsi xeiyak+, x+kata Kaka+yari imikieri kwametiyatuirieni aku taheima yukanierit+a. ² Kepaukuta tumini pewanitsie, yapakwahaineni aku hipat+ mete uhu hapa+ mete'itawat+ aku teyupanie h+xie aku te+teri mewa xeiyak+. P+nepaine m+k+ri kename meteyatuiriyarie. ³ Kepaukuta tumini pewanitsie, a mama a utata mieme kwarakumaika ketiyuriene a mama a tserieta mieme, ⁴ tumini pewanitsie awie pekey+aneni. A Yau'ta metsixeiya awie metiyatuirieni. ⁵ Kepaukuta pa'atanenewieni, iya mete'itawa hapa+ pakwa'aneni, m+k+ meyuwe'etat+ meyunenewiwa teyupanie h+xie m+ta siere huyeta aku te+teri mewaxeiyak+. M+ta siere m+k+ ari mete'akapit+arieni. ⁶ M+ta ek+ kepauku pa'atanenewieni, akitaa neutayaka. Teunaka, a Yau Hats+a neu'atanenewi aku awie yuhek+ata. M+ta a Yau aku awie metsixeiya merakapit+ani. ⁷ Kepaukuta pa'atanenewieni, ya xeik+a pakwa haineni aku iya Gentiles metetewa mete'uhu hapa+, m+k+ p+'meteku eriwat+ kename me enierieni wa+kawa me uti'niut+. ⁸ ya ti'anek+, m+k+ wahapa+ pakwa'aneni, a Yau ra'kumate tita pereuyah+wa akuxi paka'titawawiriewekaku. ⁹ M+ta p+ta p+'teu anenewi: Ta Yau taheima pamakaniere, kepetitewa a+x+ peke'it+arieka. A kiepari ke'nuani, ¹⁰ Ek+ kepereuyah+wa yaketi'aneni ana kwiepa m+ta siere ta'heima. ¹¹ Hik+ ta'ikwai tateyatuiri. ¹² Ta'teuyah+wiri tete'apine, m+ta siere tame tetewareuya'h+wirie ke'ane metate'apinierie. ¹³ M+ta in+atsikatsie pakwa tatsipit+aka, p+ta ketananayax+rieka tsitianetsie . ¹⁴ X+ka ek+ te+teri peti wareuyah+wirieka meme tekwinit+a a Yau Kaka+yari hapa+na mereuya'h+wireieni. ¹⁵ X+ka'ta ek+ paka tiwareuya h+wirieni memetekwinit+a, a Yau a tatakurik+ kwa mereu yah+wirieni. ¹⁶ M+ta siere, kepauku pa'ahakieni, pakwa aka'heiwerieka, aku iya mete itawa wa hapa+, m+k+ karik+ mapayu kaheiweriet+kani aku te+teri mawaxeiyak+ kename aku meyu hakie. M+ta siere kuta ari m+k+ mete akapit+arie. ¹⁷ M+ta ek+, ke'pauku pa'ahakieni, neuka'h+taima aix+ siere taka'eriet+. ¹⁸ Pa+m+ te+teri makwate'hetimani kename pa'ahakie, a Yau xeik+a awie metsi xeiya. A Yau awie metsi xeiya, mara'kapit+ani. ¹⁹ Ana kwiepa tita raya'axe pakwa ti'utani, aku kewa tepaxi meteti p+niya, aku siere tenana'wayamete memuta'hake metenanawayat+. ²⁰ P+ta, neu'xe+ri raya'axe a hetsie mieme aku ta'heima, aku kewa tepaxi kway+we metetip+niya. Aku siere tenanawayamete kway+we me hautahax+ame metenawani. ²¹ M+ta ke'tita raya'axe a'hep+sta manam+ siere a iyari kaniere. ²² Ta h+xite hek+ariya h+k+ tawaiyaritsie. X+ka´ta a h+xi aix+ aneni, a waiyari nait+ hek+a'riwiyarie. ²³ X+ka'ta a h+xi aix+ ka'aneni, a waiyari nait+ y+'wit+ h+k+t+ni. X+ka'ta hek+ariya a'hetsie kaniere hik+ y+wirika h+k+t+ni, ¿ke ti y+wi iyaa y+wirika? ²⁴ Xewit+ kway+we te+teri yu'hutame waruta uximayata, m+ta x+ka xeime tixane erieni xeima'ta aix+ titi'eriya, ya'taa xeime hats+a pu'huni xeime'ta wapauka h+ani. Ek+ pekwa y+we Kaka+yari peta uximayata m+ta siere pini kwiepa timieme. ²⁵ M+ta p+nemerah+awe , pakwa a'h+aweni a tukarik+, tita petikwani tita paran'ieni a waiyaritsie timieme, siere kemari. ¿M+ta tukari masi raya'axe ke akuxi ikwai, m+ta siere a waiyari ke akuxi a kemari? ²⁶ Newaruxeiya wikixi. M+k+ ni mekwa uka etsa, makwa uka itsana iki makwa hauxeiya, yat+t+ a Kaka+yari tiwamika. ¿Xeme masi xekate aya'axe ke akuxi m+k+? ²⁷ ¿Ke'ane aku xeme hauyunenimayat+ yu'waiyari tate'riya? ²⁸ ¿Ke'tiu xeme xeyu h+awe kemari xete anakapinik+? Xeutimaix+a aku tutu x+awe yatáta, m+k+ tiwewere yuk+mana. M+k+ makwate uximaya, m+k+ yamakwate yukuni+ni+t+wa. ²⁹ M+ta p+nemerah+awe, ni akuxi Salomon nai rexeiyat+ p+'kwa tiuni+t+arie aku ik+ tutu hapa+. ³⁰ Kaka+yari yatáta tutu tiuti'nenet+wani, hik+ xuawe uxa'ata titaiyarieni, ¿Masi xeme M+k+ kaxetiti ket+am+k+, aku xeme tsepa echiwa sasuni xete'erie? ³¹ M+ta xeme xekwa yu'h+aweni p+'xekwa hait+kani: '¿titak+ tetekwani?' m+ta '¿tita tete an'ieni? m+ta, '¿tita tete anaka'pini?' ³² Ik+ yatia'nene Gentiltsixi metewaut+we; m+ta a Yau rakumateri kename pereuyah+wa. ³³ P+ta neutiwawa Kaka+yari kiepari hapa+na aix´+ manyine, uraniere'ta m+k+ nait+ pini a mamatsie pe'tih+im+k+. ³⁴ Hapa+na'ta pakwa a'h+aweni uxa'a tita rakamie, paya'anikuta ana yatiy+ni. Tukari mankayeika kuta paniere kentiyay+ximeni.