¹ Jesús kananku niere m+ta ka'waru xeiya te+teri tumini'memuya mana tumini me'hauka x+r+wame niwetaritsie. ² M+k+ kaniu'xeiya siere wiura wa+kawa karexeiyame hutame monedas kaxeiya'akame hauka x+r+wame. ³ M+ta m+k+ p+'putay+: "Sasunimek+ p+'nexerah+awe, ik+ ukaratsi wiura masi wa+kawa kaneuka x+rieni kawara'iwa meyunaime. ⁴ Meyu'nait+ wa+kawa tumini meneuka'x+rieni. M+ta ik+ wiura, ni tixa+t+'kwa re'xeiya, naime kepa'tumini me xeiyakai pau'ka x+ri. ⁵ Mexi'ta hipat+ meteku'xatakai teyupanie, kehapa+ reuku'wewiyakai tetexi tsianemek+ m+ta mawarika, M+k+ p+'kaniutay+ni: ⁶ "Ik+ pini xete'xeiya hapa+, kanehamieni tukari kepauku ni xewit+ tete yukuhayawa tawari xeimetsie akait+ kaka'unariem+k+" ⁷ M+ta mepita'iwawiyax+, p+metehe'h+awet+: "Ti'+kitame, ¿kepauku yeti'y+ni? ¿M+ta keti'y+ni kepauku ik+ yeti'y+nitsie mu'huranitsie?" ⁸ Jesús p+ tiu'a: "Xekeneyu +wiyani kataku xete'u itayarieni. Yu'wa+ka me ax+ani kename ne'ne h+k+ mehait+kait+, p+ meutiyuat+: 'Ne m+k+ ne h+k+t+ni,' m+ta, 'Tukari kana'ya aximeni.' Xe'kwa he k+kani wa'ut+a. ⁹ Kepauku p+ xete'enanani kename kwiya hexuawe, xekwa ma'maka, ik+ yerauya wetse pa+m+ ketiuy+ni, m+ta yepauku yekwa'ti y+ni. ¹⁰ M+ta M+k+ p+'tiwaruta'hawix+: "Me'nanku'uikuni te+teri tawari hipame te+teri wa'hepa+sta, m+ta kiekarite tawari xeime kiekari hepa+sta. ¹¹ Wa+kawa ti'y+ni kwie tayuani, m+ta hapa+na haká taweni meta kwiniya. Ti'xuawere marika m+ta wa+kawa ti'hek+are ta heima. ¹² M+ta p+ kati'y+wekaku, m+k+ yu'mama mena'ka tet+akuni xe'hetsie m+ta mexenan'ku weiyakuni, mexeyatuakuni aku sinagogas m+ta siere mexenan'tax+riekuni, meta mexentan'wit+kuni yu'ukiyarima wa'hets+a ya'xeik+a tatuwani'tsixi wa'hats+a ne keneti'tewak+. ¹³ Ik+ yekati'y+m+k+ xe mitaxatak+ kexete'anyak+k+. ¹⁴ Yeti y+nik+, aix+ yu iyari xekwa yurieka ya'pauku ka'aya awekaku kepauku yetiy+nitsie, ¹⁵ anam+ Ne nexeyatuirieni niuki m+ta wa+kawa xetemaiwawenik+, meyunait+ mexetsi'aka unie mekwa ika xeiya kemeti'y+ni. ¹⁶ M+ta xeme siere me xeyatuani xe'yeyeuma, xe iwama, xe'marema, meta xe hamikuma, m+ta m+k+ mexetsiyetuani xe'kwiyanik+. ¹⁷ M+ta Xe'yehekarieni ne kenen'ti tewak+. ¹⁸ M+ta tsepa yetiu'y+ ni'xewit+ xe'k+pa tsikwa'it+arieni. ¹⁹ X+ka xeme xe'hetineikani yu'k+p+ri xe'paíwa. ²⁰ Kepauku Jerusalén xe'xeiya kunamiet+ kuyatsixik+, xete'he timani kename u'hura xeka'unarienitsie. ²¹ M+ta xeke'newaruhayawa kehate Judea meku'tei meke u'yutauna h+rítsata, m+ta xeke'newaru pit+a mekewayak+ne kehate memuku'tet+ka hix+apa kiekari'tsata, m+ta kehate yauta memau'uwa mekwa'hanunuwani. ²² M+k+ tukari maka'hu h+k+ kenmu'it+arie p+'ti yurieni, m+k+ rayuya'at+anik+ nait+ rakaútse. ²³ ¡Wa+kawa tiy+ni iyamexi kehate mema'ya nunutsit+ka m+ta siere kehate yu'niwema mewa tsi'tsit+a a'nam+ tukari'tsie! M+ta tixuawere iyari't+arika kwiepa m+k+ te+teri wa'hetsie meta yaxeik+a wa+kawa hax+a. ²⁴ M+ta mepati'x+riyani kutsira ratakema'kamek+ hipat+ me pan'hapanieni tewapait+ wa'kie kwaheh+k+'tsie, m+ta gentiles Jerusalén heima mepepa'uni, kepauku'rike maya'ani kentiy+'nikekai gentiles wa'hepa+sta. ²⁵ M+ta tiyuhek+are wa+kawa tau'tsie, meta metseri'tsie yareik+a xurawetsixi'watsie. M+ta kwiepa iyarit+arika tixuawere kiekarite meta muku'manet+katsie m+ta mekwaheyuti'mani me eniet+ kemu'taineni haramara. ²⁶ Meti'xuawere te+teri meutar+wet+kait+ marikak+ m+ta mehau'ti eriet+ kenti'y+ni tawari kwiepa. M+ta mana ta'heima wa+kawa ti'y+ni ²⁷ M+ta m+k+mexi mexei'ya Uki Nu'aya akamiekame haiwitsie hexeiyame wa+kawa t+r+kariya raya'at+. ²⁸ M+ta kepauku ik+ yeti'y+ni, xeke'nanku'uki, m+ta xeke'nanku nieri, a'nam+ kaniu hurakam+k+ xetix+narie'nitsie." ²⁹ Jesús waruta xat+a +xatsi p+'hait+: "Xeu'xeiya ite+ri higos mauka'yaxike yaxeik+a naime iya ite+rite. ³⁰ Kepauku mauku'y+y+ranitsie, xeme xe'niere xete'hetimani kename witarita uhura. ³¹ Pa+m+ siere, kepauku xe'niere ik+ yeti'y+aneni'tsie, xeme xete'hetimani kename Kaka+yari kwieparieya u'hura. ³² Sasunimek+, Ne xerah+awe, ik+ te+teri yeme'yupat+ mekwa an'yak+ne, kepauku'rike nait+ yetiy+ni. ³³ M+ta taheima yaxeik+a kwie pan'yak+ne, m+ta ne'nuki kwa an'yak+ne. ³⁴ M+ta xene'enanaka xeme, m+ta yu'iyaritsie xekwau'uxeni kexentehauyah+wa m+ta xekwa'iet+weni m+ta siere xekwayu'iyarit+aka yu'tukari'tsie. Ik+ tukari maya'ani yexekateha'eriwakaku ³⁵ M+ta xewit+ tiyuwitsest+wame. hamie meyu'naime wa'etsie a'naí kwiepa metama. ³⁶ M+ta xekeneta'ikwewani tukarik+, xekeneyu'nenewieka t+r+kariya xeme xeiyanik+, m+ta xe'yuta unax+ani anam+ ye'tiy+ni'tsie meta Uki Nu'aya h+xie. ³⁷ A'nam+ tukarik+ M+k+ tiuti'+kitakai teyupanie m+ta y+wik+ta M+k+ waye'yeikakai, m+ta muwa peka'papariyar+wakai h+rítsie Olivos tiyetewakaku. ³⁸ Yu'nait+ te+teri meputa'axekai ximeri me Í'eniekut+ muwa teyupanie.