¹ Pablo, Cristo Jesús nɨ'arieya yetikamietɨ Kakaɨyari ta Ukiyari mari'itsikayakɨ meta Cristo Jesús ta waɨriyarika, ² Hapaɨna Timoteo, ne niwe sasuni tete erietsie hakunenakɨ: imikieri, nenimayatsika meta aixɨ ti ane raunyahanetɨka ta Kakaɨyari Yaukame miyatua meta Cristo Jesús ta Ukiyari. ³ Ke neme tiu nɨ'a hapaɨ kepauka Macedonia ne yemieka, Éfeso ke neu aku hayawa hipame teɨteri peti wata hɨawekɨ kename niuki yukɨ aneme me ka kuxatani. ⁴ Hapaɨna mekwa enieka ɨxatsi ken tiu yɨ meta nuiwarite kwa hau atɨka. Ya umieme niuki ka niu ti wawaɨkareni paɨta mete parewiekanike Kakaɨyari ken reu ya hɨwa, sasuni tete erietɨ te pi ka xeiya paɨta. ⁵ Hikɨtá mari'itsika pɨ reu ya hɨwa nake'eriya xuawenikɨ 'iyari 'aixɨ anemetsie 'ayeneme, aixɨ ti yu ku hɨawetɨ, meta sasuni ti erietɨ yu iyaritsie. ⁶ Hipatɨ teɨteri huye me pu kwe 'eiri meta me te ukwe'eiri tita ikɨtsie ti mieme ma hau enietɨ niuki kwa sasuni. ⁷ Mɨkɨ pɨ mete hauyahɨwa te ɨkitamete me hɨkɨnikeyu, me kwa heitimaitɨkɨka kemehaitɨkaitɨ yu niuki, meta hapaɨna mɨkɨ keme te nɨ'a a hetemekɨ. ⁸ Tame ta tete akumate kename mari'itsika aixɨ anyɨne, xɨkate xewitɨ yetikamieni rekanakemekɨ. ⁹ Mɨta te te akumate íkɨ, kename mari'itsika ka hɨkɨ 'ukitsi aixɨ mete u'iyari wa hetsie, pɨta teɨteri me kwa hau enana meta aixɨ me kwa tekahu wa hetsie ka miemetɨni, kehate sasuni me kwa te'erie meta tatakuri mete yu pitɨa wa hetsie mieme, hapaɨna iyá Kakaɨyari mekwa hexeiya meta aixɨ mekwa tekahu wa hetsie miemekɨ. Putiwewiya kehate yu yeyeuma me wa kwi'a meta yu teteima wa hetsie, kehate me te yu kwikate wa hetsie mieme, ¹⁰ kehate me mu hixime kayu kɨna ya kayu ɨya matɨa wa hetsie mieme, ukitsitɨtɨ me yutemawie wa hetsie mieme, kehate iyá hipame me wa tanawaya mewa tuanike wa hetsie mieme, kehate mete 'itawa wa hetsie mieme, kehate me mutiniuka itarikakɨ xeime hepaɨsta wa hetsiemieme, meta tsepa tita kwa rekanake mari'itsika ke maine hetsieme mieme. ¹¹ Ikɨ ɨkitsika pɨ ti nɨ'a Kakaɨyari aixɨ itɨarie niukieya ke maine hapaɨ, ne mu pitɨariekɨ pɨ nexe ti kuhɨawenikɨ. ¹² Ne ta Pampariusi Cristo Jesús ta Ukiyari ne re hɨawe. Iyá tɨrɨkariya netsi u pitɨa, yeneti kamiekame netse ayeitakɨ meta netsi anayaha ne ti uximakakɨ hepaɨstana. ¹³ Cristo hepaɨsta aixɨ ne kwa ti kuxatakai, niwemama neti wa kwinitɨatɨ meta ne mama ne'aka tetɨatɨ a heteme hipame wa hetsie. Mɨta nenimayatsika ne yatuiriyari yene ti kamiekaikɨ sasuni nekati'erietɨ hapaɨna ne kwa rakumaikai kenentiyurienekai. ¹⁴ Mɨta ta 'Ukiyari imikieri waɨkawa pautayauriexɨa sasunikɨ meta aixɨ nake'eriyakɨ, Cristo Jesús hetsiena miemekɨ. ¹⁵ Ikɨ niuki sasuni meta yɨwe siere yu naitɨ sasuni mete ta 'erieni meka te ta we'erietɨ, kename Cristo Jesús u'nua ana kwie tamatsie wa kuwikweistɨanike kehate tatakuri mete yupitɨa. Ne mɨkɨ xewitɨ nehɨkɨ waɨkawa tatakuri tiuyupitɨa. ¹⁶ Ikɨ yamanyɨnekɨta nenimayatsika ne putanake'eri, ne hetsiekɨ, waɨkawa tatakuri netiuyupitɨakɨ, Cristo Jesús yu hekɨatakɨ naimekɨ ken tiu kanewie. Iyá yetiu yuri ne hetsie hipatɨ me nenierekɨ kentiyuriewe kehate Hetsiena sasuni mete ta'erieni tukari kwa xɨwe meme xeiyanikɨ. ¹⁷ Hikɨta Rey hɨkɨkɨ tukari mautihane, kwa mɨwe, wka hekɨa, Kakaɨyari yuxewi, aixɨ anemekɨ ke xeiyarieka meta temawierika ke pitɨarieka tukari mautihanetɨka. Pɨ ke'aneni. ¹⁸ Ikɨ ɨkitsika nemetsi yatuirie, Timoteo, ne niwe. yenetikamie niuki kemainekɨ kentiyɨni a tukaritsie, peyɨwekaxɨanikɨ peti uximayatatɨ ta Ukiyari hepaɨsta. ¹⁹ Pɨ kete kamieni masi waɨkawa sasuni peti eriekakɨ meta yapetikamienikɨ aixɨ anemekɨ. Hipatɨ teɨteri ikɨ niuki mepu ti xane'eri ya umiemeta mepauyaxɨri titatsie sasuni mete'eriekai. ²⁰ Himeneo meta Alejandro wa hapaɨ, tɨkakame newarutatuiri mete hetimamatenikɨ kename aixɨ ka'ane Kakaɨyari me 'itaka yu niukikɨ.