¹ yeti anekɨ paɨnexerahɨawe, ne nexehate'a waɨkawamekɨ teyu nenewietɨ, tetewautɨ, yetetekahutɨ pampariusi yunaimekɨ teɨteri, ² reytsixi wa hepaɨsta yunaime ke ane me itsɨkate táme aixɨ teteyamaika temi weiyani tukari aixɨ aneme. ³ Ikɨ aixɨ ane pinake Kakaɨyari mɨkɨ tatsi wikweistɨwame. ⁴ Mɨkɨ paɨ reuyahɨwa yunaitɨ mekuwikenikeyu metehetimanikeyu tita ti sasuni. ⁵ Xeikɨa puyeika Kakaɨyari yuxewitɨ, hapaɨnata yuxewitɨ teɨteri wa heima nunuwame kakaɨyari hɨxie, Cristo Jesús uki. ⁶ Ke ane yuyatua yukɨmana wa kuwikweistɨanike yu naimekɨ, aka hekɨakamekɨ Kakaɨyari mɨkɨ piyatua aya aku kepauku. ⁷ Ye umieme né nepanayexeiyarie ti xaxatamekɨ nɨarikɨ. Né nepaine sasunikɨ nekwa xeti itaiya. Né nehɨkɨ ti kitame iya teɨteri wa hepaɨsta yuri tete erietsie hakunenakɨ meta haɨna tita ti yurikɨ. ⁸ Mɨkɨ yeti anekɨ, Né paɨ nereuyahɨwa yunaitɨ ukitsi naitsarie meke yu nenewieka yu mamate ma ankuhapanatɨ aixɨ anenemekɨ, meka ha'atɨ miuki meka xɨatɨatɨ. ⁹ Yaxeikɨa siere, pɨ nereuyahɨwa ukari meteyuniɨtɨaka kemaritekɨ aixɨ tiyuhekɨakame, rekanakemekɨ, yukɨ mete ha'eriwatɨ ukitsi mekwa wa xeiyanikɨ, me uyutsiketɨ mekate aka uitɨatɨ oromatɨkaime, perlate, meta siere meka te akapitɨ kemari waɨkawa raya atɨkaime, ¹⁰ pɨtá meke te uyukeketɨwani ukari mete uyukanenimaya wa hapaɨ me yu hekɨatɨ aixɨ mete kahukɨ. ¹¹ Ukarawetsixi meke tehetimamateni kaiwatɨ me umatɨ meka ha iwawatɨ ti kuxaxatsimanitsie. ¹² Né ukarawetsixi nekwa wa pitɨa mete ɨkitɨakakɨ hapaɨna uki heima muyemieni, pɨtá kaiwatɨ ke umakani ti kuxaxatsiwanitsie. ¹³ Meripaitɨ Adán mutawewiyakɨ matɨari, utɨmanata Eva. ¹⁴ Adán kwa tiu itaiyarie, pɨtá ukaratsi tiu itaiyarie ka an enaka kentiu nɨarie. ¹⁵ Yatɨtɨtá, mɨkɨ ku wikweni tɨri warayahɨwekɨ, xɨkate sasuni mete erieka, aixɨ mete uyu ka eriyatɨ meta aixɨ mete ka hutɨ mete akumaitɨ tita aixɨ ti ane.