¹ Nyuma y'isabato, mu gitondo c'umusi gwa mbere gw'icumweru, Maria w'i Magdala na Maria wundi bagenda ku kaburi. ² Reba! Maze umutsitsi gunyeganyeza isi kubera ko malaika w'Umwami Mana yari agogomire aviye mu juru yijire guhirika ibuye, maze aryikara ho heru. ³ Yasanaga n'umurabyo, kandi yambeye umwenda gusana n'urubura. ⁴ Abazamu baratitira kubera ubwoba bahinduka ng'abapfiye.

⁵ Ariko malaika afata igambo nuko abwira abagore ngo: Mwewe, kubera ko nyiji ko murikwenda Yesu wabambirwe. ⁶ Ndo akiri hanoya, yazukire, nguko yari yagambire. Mwije mukirebere aho yari aryamisizwe.

⁷ Nuko mukihute, mubwire abanafunzi be ko yazukire mu bapfiye, kandi reba, atekubatanga i Galilaya. Iyo niho mukamusange ndabibabwiye.

⁸ Baviye mu kaburi bariguturuka, bapfiye ubwoba kandi bishimire. Nuko bariruka bacurira abanafunzi ugo mwaze. ⁹ Nuko Yesu ahura nabo. Aragamba ngo: Mbaramukize, mwingire mugire ituze. Bamwegeye barikugira ngo bafate ku bisando bye, nuko baramuramya. ¹⁰ Nuko Yesu arababwira ngo: Mwere gutinya mugende mubwire bene Data ngo bije i Galilaya kuko niho bakambone.

¹¹ Bakiri mu njira bamwe mu ba bazamu, bingira mu muji, bacurira abatambyi bakuru ibyabeye byoshe. ¹² Bamarire guhura n'abazehe no gucura inama, baheye abasoda amakuta kangari. ¹³ Barabwira ngo mugambe ko abanafunzi be bijire mu joro baramwiba twewe dusinziriye. ¹⁴ Kandi umutegetsi wa provense abyumvisize, twewe tukamuhoze tubakure mu shida. ¹⁵ Abasoda bafatire amakuta nuko bakurikiza ibyo bategekirwe gukora. Nuko umwaze gukwira hagati y'Abayuda kugeza bunoya.

¹⁶ Abanafunzi cumi n'umwe bagenda i Galilaya, k'umusozi go Yesu yari yaberekire. ¹⁷ Bamubwenye, baramuramya. Ariko bamwe mu bo barashidikanya. ¹⁸ Yesu amarire kubaba hafi, yababwiye guca ngo: Ubushobozi bwose nabuhewe mu juru no ku si. ¹⁹ Mugende, muhindure ubwoko byoshe abanafunzi, mubabatize mu zina rya Data, ry'Umwana ni ry'Umuka Guboneye. ²⁰ Kandi mubigise kugitondera ibyo nabategekire byoshe. Kandi, Murebe! Ndi hamwe na mwewe imisi yoshe kugeza k'umwisho gw'isi.