¹ Yesu anachoka mu tempele kauyenda njila yake. Bopunzila bake banabwela kuli eve naku mulangiza ma mangidwe ya tempele. ² Koma anabayanka nakubauza kuti, "Nanga simuviona ivi vonse? Zoona niku uzani kuti, kulibe nangu mwala umozi wamene uzasala pamwamba pa wina wamene siuza pwanyika. ³ Pamene anankala pa Pili ya Oliva, bopunzila bake banabwela kuli eve pa beka naku kamba kuti, "Tiuzeni, niliti pamene ivi vintu vizakachitika? Nanga cholangiza kubwela kwanu nichani na cha kusila kwa mubadwe?" ⁴ Yesu anayanka nakukamba kuti, "Nkalani bochenjela kuti muntu ali onse asakutaiseni. ⁵ Chifukwa bantu bambili bazakabwela muzina yanga. Bazakakamba kuti, 'Ine ndine Kristu,' bazakataisa bantu bambili. ⁶ Muzakamvela nkondo na nkani ya nkondo. Onani kuti imwe musavutike, chifukwa ivi vintu viyenela kuchitika; koma kusila kwa ziko sikunafike. ⁷ Chifukwa ziko izakaimila ziko ina, ufumu ufumu wina. Kuzankala njala na kungambika kwa ziko mumalo yosiya-siyana. ⁸ Koma ivi vintu vonse nikuyamba chabe kwa kubaba kwa mumimba yakubeleka. ⁹ Chokonkapo bazakakupelekani ku mavuto naku kupayani. Muzaka zondewa na maiko yonse chifukwa cha zina yanga. ¹⁰ Kukonkapo kwake bambili bazagwa, naku gulisana wina na munzake naku zondana. ¹¹ Baneneli bambili bazakaima naku taisa bantu bambili. ¹² Chifukwa chakuti kupyanya lamulo kuza enda pasogolo, chikondi cha bambili chizaka zizila. ¹³ Koma uja wamene alimbikila mpaka kosilizila azapulumuka. ¹⁴ Utenga wabwino wa ufumu uzalalikiwa konse paziko yapansi kunkala mboni kuli maiko yonse. Vokonkapo nikusila kwa ntawi. ¹⁵ "Mwa ichi, imwe mukaona chintu chochitisa nyansa chamene chilengesa kutaya chiyembekekezo, chamene chinakambiwa na muneneli Daniyeli, chili imilile mu malo yoyela" (obelenga amvesese), ¹⁶ "baja bamene bali mu Yudeya lekani batabile kuma pili, ¹⁷ uja wamene ali pa malata ya nyumba asa seluke kuti atengemo kali konse mu nyumba, ¹⁸ nauja wamene ali mumunda asabwelele kuti akatenge chovala chake. ¹⁹ Koma soka kuli baja bamene bali na bana mu masiku yaja! ²⁰ Mupempele kuti kutaba kwanu kusakankale mu ntawi ya mpepo kapena pa Sabata. ²¹ Chifukwa kuzakankala kuvutisiwa kukulu, kuchililatu mwamene kunalili kuchokela pamene ziko inayambila mpaka lelo, kapena kuti vizakachitikako futi iyayi. ²² Asembe aya ma siku siyanachepesewe, kulibe wamene angapulumuke. Koma chifukwa cha baja bolungama aya masiku yaza chepesewa. ²³ Ngati muntu ali onse aku uzani kuti, 'Onani, uyu apa Kristu!' kapena, 'Uyo kristu!'musakulupilile. ²⁴ Chifukwa ba Kristu baboza na baneneli baboza bazakabwela naku langiza volangiza vikulu na vodabwisa, kuti bataye, ngati nichokwanilisika, nabaja bolungama. ²⁵ Onani, naku uzani pamene kukali ntawi. ²⁶ Chifukwa cha ichi, ngati baku uzani kuti, 'Onani, ali mu chipululu,' imwe osayendako ku chipululu. Kapena, 'Onani, ali mu chipinda chamukati,' imwe osakululupilila. ²⁷ Mwamene kaleza kaya yakila kuchokela ku mawa kuonekela naku mazulo, ndiye mwamene kuzakankalila kubwela kwa Mwana wa Muntu. ²⁸ Kwamene kuli nyama yakufa, ndiye kwamene kuzankala vikwangala. ²⁹ "Koma pamene kuvutikiswa kuzasila zuba izaka nkala bii, mwezi siuzakapasa ku unika kwake, nyenyezi zizakagwa kuchokela kumwamba, na mpavu zaku mwamba zizaka gwedezeka. ³⁰ Apa manje ndiye pamene kuzakaonekela cho onesela Mwana wa Muntu kumwamba, na mitundu zonse za pa ziko zizaka lila. Bazakamuona Mwana wa Muntu abwela pa makumbi yaku mwamba mwa mpavu na ulemelelo wa ukulu. ³¹ Azaka tuma bangeli bake na kulila maningi kwa lipenga, bazaka ika pamozi balungami bake kuchokela ku mpepo zinai, kuyambila kumbali imozi ya kumwamba mpaka kufikila mbali ina. ³² "Tenganiponi punzilo pali mutengo wa mukuyu. Pamene paja pamene ntambi yake inkala yoteka nakumela matepo, imwe muziba kuti ntawi ya zuba ili pafupi. ³³ Chimozi-mozi, pamene imwe muzakaona ivi vintu vonse, muyenekela kuziba kuti ali pafupi, ali pa chiseko. ³⁴ Zoona niku uzani iwe, uyu mubadwe siuzakapita mpaka ivi vintu vonse vikachitike. ³⁵ Kumwamba na pansi ponse pazakapita, koma mau yanga siyazakapita. ³⁶ Koma kukamba pali siku kapena ntawi kulibe wamene aziba, na bangelo bonse pamozi mali kumwamba, na Mwana, koma ba Tate. ³⁷ Monga mwamene yanalili masiku ya Nowa, chimozi-mozi mwamene kuzankalila kubwela kwa Mwana wa Muntu. ³⁸ Monga mwamene masiku yanalili chikalibe kufika chigumula bantu banali kudya na kumwa, kukwatila na kupelekewa kuchikwati kufikila pamene Nowa anangena mu bwato, ³⁹ sibanazibe kantu kali konse mpaka pamene chigumula chinabwela naku batenga-chimozi-mozi mwamene kuzankalila kubwela kwa Mwana wa Muntu. ⁴⁰ Bamuna babili bazankala mumunda-umozi azatengewa, winangu azasiyiwa. ⁴¹ Bakazi babili bazankala bakutwa na chotwela-umozi azatengewa, winangu azasiyiwa. ⁴² Chifukwa chake, nkalani bochenjela, chifukwa imwe simuziba siku yamene Ambuye banu bazabwela. ⁴³ Koma imwe muzibe ichi, kuti asembe uja mwine wa nyumba anaziba ntawi ya usiku yamene kawalala azabwela, asembe anankala olangana kuonesesa kuti nyumba yake isangenelewe. ⁴⁴ Chifukwa chake imwe mufunikila kunkala bokonzekela, chifukwa Mwana wa Muntu azaka bwela pa ntawi yamene imwe simuyembekezela. ⁴⁵ "Nanga ni uti wamene ndiye okulupililika wamene ba bwana bake baika kulanganila nyumba yabo kuti abapase va kudya pa ntawi yo enela? ⁴⁶ Odalisika ni uja wantchito wamene pamene bwana wake abwela azamupeza akali kuchita ntchito. ⁴⁷ Zoona nikuuzani kuti bwana uja azamu ika bwana pali chuma chake chamene ali nacho. ⁴⁸ Koma ngati wantchito oipa akamba mumutima wake kuti, 'Bwana wanga achedwa kubwela,' ⁴⁹ ayamba naku menya bantchito banzake, naku mwa nakudya pamozi naba chakolwa, ⁵⁰ uja bwana wake azakabwela pa siku yamene eve saganizila napa ntawi yamene eve saziba. ⁵¹ Bwana wake azakamu juba mu vigaba vigaba naku mupasa malo pamozi nabaja bantu bama nkalidwe yaboza, kwamene kuzankala kulila naku sheta meno.