¹ Lembla, ané pa ané sujetá ané govenu ku atoridade, pa ané obêdêcê, pa ané sá plontô da turu obra buaru. ² Ná fá mali da niwã nkênu wa, vita discuson, mussa paxença ku humidaji ku turu nkênu. ³ Punda non tembété anto tia sê zuisu desobidienti, enganaru, pesu ni iô paxon, ku iô praseri, no ta ka vivê ni kua mali e na inveja, tia odiô nkênu, ku leva ni kloson un ku ôtlô. ⁴ Maji olá bondaji Dêsú, Salvadô non, ku môlê Rê dá ané pekaró ku sá non plasê. ⁵ Ná sá punda kua ku non gi ê, masi sá misericordia Rê. Ê salva non baba non ku huwã novu vivê, só manda non ku Supitu Santu. ⁶ Ku Ê bloka liba non plomê di Jisu Klistu salvaró non. ⁷ Antó zuxtisa Rê sá liba non punda glasa Rê, antó non sá herderu, punda non tê huwã esperensa di vira ternu. ⁸ Fieli sá palavla Ê, Ê messê pa ané lumba setu di ané kua ê, dimora ku nkênu ku ka kêlê Dêsu pa ané pê pô mon di ané ni kuxensa gi kua buaru ané kuaé sa bua pé provetá ra turu nkênu. ⁹ Maji, vita lumba kua mali, genealogia, demanda ku debate kua kuali kua, ané kua ê sa sê valoru sê plovetu, ¹⁰ Zeta ané nkênu ku sá rebeldi, olá katxi sê, sô di hunwã, dossu vê. ¹¹ Punda ané nkênu sá condenaru, punda ané ká peka turu ria ku klosson pervetiru. ¹² Olá ka manda Artemas ô Tíquico, ané ka góló bi até hun ni Nicópolis, Punda hun sá disidiru passa Invernu rê. ¹³ Zuda ku amôlê Zema, Ê sá supetu ku Alê, ku Apolo, ni viagem ané, pa niwã kua ka fatá ané. ¹⁴ Pôvô non tê ku plendê a se komplemetiru ku obla buaru, mora ané na bila sê flutu wa. ¹⁵ Turu nkênu ku sá ku hun ka manda mantxa. Manda mantxa da turu nkênu ku ka ama non ni afé Glasa sá ku turu ané. Amém!