¹ Bô, tê, fá kua ku sá sétu ku dotrina. ² Ané ómé mazi yé tê ku sa supetu, respetaru, prudenti, buaru, véré na afé, ni amolê ni perseverança. ³ Ané mengai maxi vé, morá ané tê ku vivê di morá respetosa, na sá kaluniadoras, ané ná pô sá esclava di yô vim. Ku ané ku xina kua sá buaru. ⁴ Pa kuraja ané mangai maxi joven pa ané sa equilibradu na pensa ané, tê amolê ku ómé ané na ané. ⁵ Pá ané supotá, pa ané sê púlu, pa ané sê buaru dona ni kai ané, pa ané sujeta ómé ané, pa na bi fa mali di palavla Dêsú wa. ⁶ Zorta maxi ané joven pa ané sa supetu. ⁷ Ni turu kua mussa xemplo ku virá bô ni obla buaru, ni xina mussa véré. ⁸ Xina palavla buaru, ku represon, pa veglonha turu nkênu ku tenta bi diba ô na tê kua mali di fá di non wa. ⁹ Ane sclavu sujetá ané patlon, fê turu kua da ané ku kloson buaru, ná flá mali di ané wa. ¹⁰ Ná futawa, mazi mussa onestidaji ku fidalidaji; pá turu kua dotrina Dêsú tê acetasson ni wê di ané. ¹¹ Punda glasa di Dêsú mussa salvason dá turu ómé. ¹² Xina non pá non zeta mali ku sá ni mundu, pa non vivé di mora zustu ku piedaji ni tempu ê. ¹³ Pá non guará bendita esperança ku aparecimentu di Desú non Jizu Klixtu Savaró non ku glória. ¹⁴ Ê tua virá ré da non, Pê pô livla non di turu mali, Pê pô fê hunwã pôvô Rê limpu di turu mali, ku ká tê zêlu ni kua buaru. ¹⁵ Flá ané kua sé, xota, leprendê ku turu atoridade. Niwã nkênu ka dispresa ô.