अध्याय 6
1
फाचे शब्बाथ दिही येशु खुतामने जाहलो,ताहा तिया चेला खेतामने कोअहे मुळीन आथाकी चोली चोलीन चोलीन खाअला.
2
ताहा परूशी लोकाहाय आख्यो “शब्बाय दिहा दिही जरे केनू हारो नाहा ,तो तुमा काहा केताहा केताहा?
3
ताहा येशुय तियाहान आख्यो, तुम्हाहाय वाच्यो नाहा का दाविद आण तिया आरी लोक आथा तियाहान पुख लागली ताहा तियाहाय काय केलो?
4
तो परमेहेरा मंदीराम गियो आन परमेहेराल अर्पन केलो मांडो जो याजका सिवाय केडालुज नाय खावातलो तो मांडो तियाय बी खावो आल तिया आरी माही आये तियाहान बी खा देदो ?
5
आन आजी येशुय तियाहान आख्यो “माअहा पायरो (आय) शब्बास दिहा बा प्रभु हाय”
6
आन आजी एडकी वेयो येशु फाचे एका शब्बाथ दिहा दिही देवलाम जायणे हिकवा लाग्यो तिही एक एहनडो माहु आथो जिया हुदो आथ हुकायगेहलो आअथो.
7
ताहा शास्त्री आन परूशी लोक येशुल चुकीम सापडावा खातोरा, याब्बाथ दिहा दिही केडाल दु:ख्याल हारो केतो का ना अ वेरी केता टेपी केता टेपी रेहला
8
पेन येशु तिया मोना विचार जाअतलो. आन ती एका आधा हुकाला माहाल येशुय आख्यो. “उठीन आख्या हुंबूर उबो रे “आण तो माहू उठीन उबो रियो.
9
येशुय आख्यो “ माय तुमनेहेन फुचुहू शब्बाथा दिही केल्लो काम केरा जोजे?
10
ताहा येशुय सोमकी बादाहान वेयो आन ती माआहाल आख्यो “तु तो आथ लांबो के” ताहा ति माहाआय तेहकीज केयो आण तिया आथ हारो वि गियो.
11
पेन परूशी आण शास्त्र लोकइ येशुप खुब खिजवाया आन या माहाल आपु काय केजी तियाहा गोठ्या केरा लाग्या
12
तिया दिहाम एहकी वेअयो का, येशु प्रार्थना केरा डोगाहाम गियो.आण ती रातपोय तियाय परमेहेरा प्रार्थना केयी
13
आन जाहा निग्यो ता तियाय तिया चेलाहान हाद्यो तियामने तियाय बारा जावान निवड्या आन तियाहान प्रेषित इ नाव देदो.
14
तियाहा नावे शिमोन (इयाय असुय पेतर इ नाव थोव्यो) अंद्रिया ( पेतरा पावहु) याकोब आन योहान आन योहान फिलीप बर्थलमय.
15
मत्तय थोमा अल्वी पोयरो याकोब शिमोन तियाल जिलोत बी आखतोलो.
16
याकोबा पोयरो आन यहुदा इस्कार्योत, जो इसुल तेरावी देणारे तो
17
येशु तियाहा आरी एठा उतीन सपाट जागाप उबी रियो आण तिया चेलाहा खुब मोडो टोलो आण यहुदा प्रांतामने यरूशलेम शहर सो आण सिदोन दरीया ती तोडीने एहडा खुब माहे तीही आल्ले आथे.
18
ते तीही उनाया आन तियाहा दुख्ये हारे केरा खातोर आल्ले आन तियाहान पुतळे लागले आथे तयाहान बी हारो केरूलाम आलो.
19
आन आख्या लोक आथला होदतला काहाका तियामने (सामर्थ) शक्ती निगंतीली आण ते बांद्दे हुदरुतले
20
ता येशुल तिया चेला होवे विन आख्यो तुम्हा जे गरीब हाय ते धन्य काहाका देवा राज्य मुता हाय.
21
धन्य तुमा जे आमी पुखे हाय काहाका तुमा ताराय जाहा धन्य तुमा जे आमी रोडते हे काहाका तुमा ओहआ
22
जाहा माहा पायरामुळे लोक तुमनेहेन तारास केरावी आन जाहा ते समाजामने तुमनेहेन दुर केरी निंदा केरी तुमा नाव माठाहोच टाकी दी आन माहा पोयरामुळे तुमनेहेन ते दुर केरी, ता तुमा धन्य.
23
त्या दिही खुब खुष विन कुदा काहाका स्वर्गाम तिया फल खुब मोडो हाय, काहाका कतयाहा पुर्वजाही जे संदेष्टा आथा तियाहान बी एहकीज केलो.
24
पेन मालदार माअहा तुमनेहेन दु:ख वेरी काहाका तुमनेहेन पेहलाज सुख मिली गेहलो हाय
25
आन जे ताराला हाय तुमा केहनडी दशा वेरी का तुमनेहेन पुख लागी गाण जे आमी आअहते तियाहा केहनडी हाय हाय केरा ते बोंबलीन रोडी
26
जा बाद्दा लोक तुमनेहेन हारो आखी ताहा न हाय हाय केरा पोडी, काहाका तियाय आगला डाअया बी खोटा निरप्याहान हाय हाय एहेकीज आखमला.
27
पेन मा गोठया उनानाराहान आय आखहु तुमा दुश्मनावे मोया केजा जे तुमा विरोध केतेहे तियाहा खातोर हारो काम केअजा
28
जे लोक तुमनेहेन हाराप दि तियाहान आशिर्वाद देजा जे तुमा आरी खोटी रितीकी चालतेहे तियाहा खातोर प्रार्थना केअजा
29
जाहा तुमा एका गालाप केडोबी ठोकी तिया आगला बिहीरो गाल बी केअरी जर केडो तुमा डोगजी मांगतो वेरी ता तियाय तुमा फाराक बी खुषी की ली जा देजा,
30
जो केअडो बी कायबी मांगे, तियाय देजे, आन एगदो तोवेने वस्तु जबरदस्ती बुजी तिज तियावेने ती फाचे मांगो नाहा.
31
आन जेहकी माहाय तुमा आरी वेहवार केरा जोजे एहकी तुमनेहेन लागतो वेरी तेहकीज पेहला तुमाऱ्या
32
तुम्हाप जो मोया केहे तियाप तुमा बी माया केराहा ता तियाम केल्लो मोडो काम केयो पापी लोक बी तेहकीज केताहा
33
जो तुमा खातोर हारो काम केतो वेरी तिया खातोर तुमा बी हारो काम केतेहे तियाय केल्लो मोडो काम केयो तुम्हाहाय पापी लोक बी तेहकीज केताहा
34
जीयाहापने फाचे कमली एहकी आशा किइन लोकाहान तुमा उसनो देताहा तियाय तुमा काय हारो केताहा? फाचे कमली इ आशा राखीन पापी लोक बी उसनो देताहा
35
पेन तुमा मोठा केनारावे मोया केजा आन तिया हारोज केजा आन तुमा फाचे मिली इ आशा नेय केता उसनो दया ताहा तुमाहान होरगाम मोडो इनाम मिली आन तुमा जोलामजुग्यो परमेहेरा पोयरे वेराहा पेन तो आभार नेय माननारे माहे आण खोटो काम केनारे माहे तियाहावेबी मोया केहे
36
जेहकी तुमा होरगामने बाहको मोयालो हाय तेहकी तुमा बी मोयाले बोनजा
37
केडा बी चुक्या काअडा मा ताहा तुमा चूक्या बी केडो नाय काडे केडालुज गुनेहगार ठरवाहा मा ताहा तुमपेहेन बी केडो गुनेहगार नाय ठरवे तुमा बिहीरान माफ क्याहा ताहा तुमनेहेन बी माफ की.
38
तुमा बिहीरन क्याहा ताहा तुमनेहेन बी मिली हारा मापाकी दाबी-दाबीन आलवी-जालवीन आन शींग पोयीन तुमा पदराम टाकी काहाका जी मापाकी तुमा बिहीरान मापीन दया त्याच मापाकी तुमनेहेन बी मापीन दी.
39
39 तियाय तियाहान एक दाखलाक आख्यो, एक आंधलो बिहीरा आंदलाल रस्तो देखावी सकेहे का ? ते बेनी बी खाड्डाम नाय पोअउे का?
40
केल्लो बी चेलो गुरू पेक्षा मोडो नाहा रेतो पेन जाहा तो चेलो पुरो हिकी जाअहे ताहा तो गुरूहोस बोनी जाअहे
41
तु तो डोवामेने कोचरा नाय वेता तो पावुहू डोवाआमने कोचरा केअहकी वेअतोहो
42
एहकीज तु तो डोवामेने कोचरा नाय वेअता तो पावाहाल केअहकी आखोहो का? पावाहा तो डोवाआमने कोचरा मान काडा दे? अरे ठोग तु तो डोवाआमने कोचरो पेअहला काड ताहा तुल तो पावाहा डोवाआमने कोचरो हारो देखाय.
43
कल्लोज चाडो एहन्डो हारो चाडो नाह तियाल खाराब फलवो आवे आन तेहका कल्लोज खराब चाडो का जियाल हारो फलवो आवे
44
केल्लो बी चाडवो तिया फलवाहापने आहकाय काटाला चाडवापने केडोबी अंजीर नाहा तोडतो तेहकीज तोडतो काटला चाडवामने केडोबी दारक्षे नाहा टोलवुतो.
45
हारो माअहु तिया मोनाअमेने हाऱ्या गोठया बारे काअडेहे तेहेकी, खोटो माहू तिया खाराब मोनामेने खाराब गोठ्या काडहे, जो मोनाम पोअलो हाय तोंज तिया मुयामेने निगहे
46
तुमा मा आखली गोठ नाहा मानता आन मान ओ प्रभु ओ प्रभु एहेकी काहाल आखताहा?
47
जो केडो बी माहु मां इही आवेहे आन तो मा गोठ्या उनायन मनिहे तो केडाहोच हाय इ आय तुमाहान आखी देखावुहू
48
तो एका पोंगो बांधणारा होच हाय तियाय पोंगो बांदा खातोर तोरतीम खुबउंडे लुगू खादीन खोडकाप पायो बांद्यो, आन जाहा खाडों आलो आन खाडो पोंगाल लागीन गियो तेबी पोंगो नाहा पाड्यो.
49
पेन जो केअडो मा वचने उनाहाय पेन तिया नुसार चालतो नाहा, तो एहन्डा माहा होच हाय जो तिया पोंगो पायो नेय टाकता कादुमूज बांदेहे आन पायपोडीन खाडो आवेहे आन खाडो त्या पोंगा जागेने जाहे आन पोंगो पाडीन चुवाय जाय