¹ आणे ऐहकी वीयो, तो गनेसरेत फुगारा तोडीप उभो आथो ताहा माहे देवा वचन उनाया खातोर येशु चोमखी टोलो वेरा आथा, ² ताहा तियाहाय फुगाराम बेन नावड्या वेया पेन नावडीमेने मासे तेराने बारे तोडीपे तियाहा जाली तोवऊ तुला ³ तियामने एकनावडीमे येशु गीयो ती शिमोना आथी आणे तियाय तोडीपने जाराक जाराक माजमे ला आख्यो, फासे तो नावडीम बोहीन माहाल शिक्षण दा लाग्यो. ⁴ तियाय गोगनु पारव्याव्यो तो शिमोनाल आख्यो, नावडी उडां पायाम लिचाल आणे मासे तेराकेत तो जाली ऐठा पायाम टाक, ⁵ शिमोनानाय उत्तर देदो, "साहेब आख्यी रात आमाय खुप कष्ट लेदो पेन कायच नाहा मासे तेरा ये, तेबी तो आखल्याल आय मा जाली मा जाली ऐटा टाकुह" ⁶ ताहा तियाहाय तमहकीज केयो तिया जालीम मासा मोडो टोलो आलो आणे तिया जाली फाटा लागी. ताहा तियाहा बीहरी नावडी वालाहाल आवु कामाच्या हाल मदत केरा केता हाद्ये. ⁷ ते आला आणे ते बेनी नावडी माशाकी फुल आत्या पोराया की, त्या बुडा लाग्या. ⁸ ई बीन शिमोन पेत्र येशुल पागे पाडी आख्यो, "प्रभु माहीयने दुर जो आय पापी माहू हाय, ⁹ काहाला तियाहाय तेले मासा टोलो वीन तो आणे तियाआरी आथा बाठा जाआ बोगलाय गिला आथा, ¹⁰ ताहाच शिमोना गोवाद्यो जब्दी पोयरो याकुब आणे योहान ऐबी तिया सारका बोगलाय गिला आथा, ताहा येशु शिमोनाल आख्यो, भियो नाहा आणे ऐहीने आगला तु माहे तेनारो उपझो, ¹¹ ताहा नावडी तोडीप लागवीन तियाय बाठो काम सोडीन तिया फासला गीये. ¹² आणे ऐहकी वेयो येशु केल्ला एका गावाम आथो ताहा तिही कुष्ठरोगाकी पोलो एक माहु आथो, जाहा तियाय येशुल वेयो ताहा तो उबडु पोडीम आणे तियाय विनवनी केयी, "प्रभूला जर तोब इच्छा वेरी माल हारो की सेकतो. ¹³ ताहा येशु आपु आथ लांबो कीन तियाल आथल्या आणे आख्यो मा इच्छा हाय तु हारो वीजो आणे चालुच तिया कोड हारोवीगीय, ताहा येशुय तियाय तागुतो दिन आख्यो तु केडाल नाहा आख्यो, ¹⁴ 14 ताहा येशुय तियाय तागुतो दिन आख्यो तु केडाल नाहा आख्यो, पेन जायन स्वत:ह याजकाल देखाव आणे तियाकेता की साक्ष आख्या केता मोशेय नेमी देदेल आज्ञा हारोवीगीतिया केता तु अर्पण के" ¹⁵ ताहा येशु बापतीम बातमी जाहकीज केली गीयी आणे मोडो टोलो तिया गोठ्या उनाया केता आणे आपु रोगहारो वेरा जोजे याकेता माहे गोलो वेतुले ¹⁶ पेन येशु जोगलाम जाईन शांत जाइक प्रार्थना केरा आथो. ¹⁷ 17.1 ऐहकी वेयो एक दिही तो शिक्षण दा केता बोठला आथा ते गालील आणे यहुदी हिवालमने आणे यरूशलेम याहरा या भागामने कोता जागामने आल्ले आथे प्रभु सामर्थ तिया केता आथो तियाखार आथो तिया तो रोग हारे वेतुले. ¹⁸ काही लोक एका बिमारी माहाल खटलाम लीन आले आणे तियाय जिताल माजमे लिआवा आणे येशु हुंबर ऐठा थोवाकेता प्रयत्न केयो, ¹⁹ ताहा खुप टोलो आथो, तिया टोलाम वाट तियाल सापडुतली तेय तियाल तियाय कोवाउपे चोडीन तिया खाटलो आरी उच्चेने ऐठा उतावे आणे येशु हुंबर सोड्या. ²⁰ तिया विश्वास विने येशुय आख्यो तो पापाहा माफी वीगीयो." ²¹ नियम शास्त्राआ शिक्षक आणे परुशी तिया तिया विचार केरा लाग्ये," ओ आज्ञा केनारो केडो देवाशिवाय केडो पापाहा माफी किसेतो नाहा ²² नेप येशुय तिया मोना मने विचार जायइन तियाल उत्तर दिन आख्यो, तुमा आपु मोनाम ऐहडो विचार काहा केताहा ²³ मो पापाहा माफी वीगीयी उठ आणे चालतो वे या गाठीणेमणे केली आखणु सोपी हाय ²⁴ पेन तुम्हाल ई मालुम वेरी जोजे की मनुष्याआ पोयरोल या तोरतीपे पापाहा माफी केरा केता अधिकार हाय ताहा तो बीमारी वेनाराल माहाल आख्यो आय तुल आखु उठ आपु खाटलो उखलीले आपु को जो." ²⁵ चाल्लुच तो उभी रीयो आणे ज्या खाठ्लाम तो हुतलो आथो तो उसलीन देवाआ गौरव केतो तिया को गीयो, ²⁶ ते बाठे बोगलय गीये आणे देवाआ स्तुती केरा लाग्ये ते खुप बीगीये आणे आख्यो आमाहाल आज किदीह वेल्याना ऐहड्या गोठ्या आमा हुंबर वेयाहा ²⁷ ई गोठ्या वीन येशु बारे गीयो आणे तियाय लेवी नावाआ एक सरकारी माहु नाकाप कर वसुली केनारो नाकाप बोठलो वेयो, येशुय तियाय आख्यो माआ फासला आव ²⁸ ताहा लेवाय बाठो काही तिहीच सोडीन तो उठीन तिया फासला गीयो, ²⁹ फासे लुवीय तिया कोमे येशुकेता जेवला मोडी वेवस्था केयी आणे तो पोयसा वसुली केनारो आणे बीहरे माही मोडो टोलो तिया आरी मांडो खातुलो. ³⁰ फासे परुशी आणे नियमशास्त्राआ शिक्षक यात्यय तिया चेलाहाल तक्रार केयी, ते आखा लाग्यो तुम्ही करवसुल केनारा आणे पापी माहाआरी काहा खायरीआ? ³¹ येशु तियाहाल आख्यो जे दु:खी नाहा तिसाहाल दावा दुरीवाला गरज नाहा, पेन जे दु:ख्ये हाय तियाहाल दावदुरीवालाआ गरज हाय ³² आय देवाल भीन रेनारो याला हादा नाहा आलो तर पापी माहाल पासथावो केरा केता हादा आलो, ³³ ते तियाल आखा जाग्यो योहाना चेला कायम उपास गाणे प्रार्थना केता आणे परूश्या चेला भी तेहकीच केताहा, पेन तो चेला तर खातापीता हाय, ³⁴ 34 येशुय तियाल आख्यो केडो ऐहकी केरी वोऱ्हाडावाला आरी वोडलो हाय ताव तुम्हाल तियायहाल उपास आखता आवी काय, ³⁵ पेन ऐहडो दिही आवी ताहा वोडलाल तियापेन तियाल लिजाय आणे त्या दिहापने ते उपास केरी, ³⁶ तियाय तियाल आजी एक गोठ आखी केडो भी नवो पोमडाआ कुटको फाडीन जुनाल लागवुतो नाहा, जर तो तेहकी केतो तर तर नो पोतडाल फाडतो पेन नवा पोतडाआ ठिग्लो जुना पोतडाल तो हारो नाय देखाय. ³⁷ आणे केडो भी नवा द्राक्षारोह जुना द्राक्षारोहा चामंडा पिशवीम भोवतो ताहा जर तो ऐहकी केतो वेरी तर नवा द्राक्षारोह चामंडा पिशवी फुटीन बारे उभराय ³⁸ नवा द्राक्षारोह नवा चामडा पिशवीम थोवा जोजे ³⁹ केडालभी जुनो द्राक्षारोह तियाहाल नवा रोह नेय जोजे आणे लुना द्राक्षरोह रेहे."