अध्याय 18
1
निराश नेय वेता नेहमी प्रार्थना केहकी केरा जोजे ई शिष्याये हिका जोते त्या ला केहता त्याये त्याहाले एक दाखलो आख्यो
2
त्याय आख्यो एका नगरामें एक न्यायधीश आथो तो देवाल बीतलो नेय आणे लोकांहाल बी मान देतलो नेय
3
त्या नगराम एक रोडेबाई आथी ती सुरूज आ न्यायाधिशाल आखती रेय माआ विरूध्द- विरूध्द माआ न्याय निवाडाे केजे.
4
तीया मोनाम इच्छा थोडोके घेल नाम आथी पेन सेलै तो मोनाम आखे आय जे देवाल बीतो नाह आणे लोकांकं मान तो नाहा
5
तेबी विधवा माले वाेखो देहे तीया आय तीई न्याय केहे नेय ते ती फाचे-फाचे आवीन माले काटालो लावी टाकी
6
हाती प्रभुये आख्यो ध्यान दया अन्याया ( नाडणारो/ लुच्यो) न्यायाधीश काम आखे
7
आणे हाती जे देवाआ निवडुला लोक रातदिही त्याआ हातकहेता त्याहा तो न्याय केनारो नेय का? तो त्याहाल मदत केरा आवा लागवी का?
8
आय तुम्हाल आखुहू तो तीयाहा न्याय माहार केरी तेबी जहा महा पोयरो आवी ताहा तोरतीवे त्याले विश्वास सापडी
9
आमण नितीमान आही अेहेकी जे कोताहाक स्वत: विषयी विधान तीअीने बीहाराले कोमी (तिय) मानतला आथा त्याहाले बी त्याम दाखलो आख्यो तो अेहेकी.
10
बेन जाआ प्रार्थना केर उंचे परमेश्वरा भवनामे गीया एक परुशी आथो आणे बेहीरो जगातदार आथो
11
परुशी उभी रीईयो आवी त्याये अेहेकी प्रार्थना केअयी ओ देवा आन तो उपकार मानुहू कारण आय इतर (बेहीरा) लोकांसारखो म्हणजे चोर (बांड) अन्यायी व्यभिचारी (सिनालो) आणे ईया जकात दारासारखो नाहा.
12
उलटो आय आठु उयामेने बेन दाव उपास केरु आणे आहा बाटा उत्पनामने दहावो भाग (हिस्सो) देहीवे.
13
पेन जकातदार वार देर दभी रेईप उंचे होरगा होवे नोजर लागवा बी हिम्मत केई आपु छाती ठोकीण आख्यो हे देवा मा सारखा पाप्याने दया केअे.
14
आय तुम्हाले आखुहू ओ माहु त्या बीहीराहीना न्यायी ठेरीन कोओ गीयो काहाका जो केठो स्वत:ले मोठोकेहे त्याले कमी (हाणी) केराम आली जो केठो स्वत:ल हानो केहेअे त्याले मोठो केराम आली.
15
आणे लोक आपु पोरांहाने त्याहा ही आथे लागवी या केअेता लावतला. ई शिष्याये वेअेयो तहा लोकोले ताबल्यो
16
पेण येशु हाना पोयराने स्वत:ही हादीन आख्यो हाना पोयराले माआ होवे आवा दया तीयाहाले ओटकावा नाहा काहाका देवा राज्य त्याहा होचुजे हाये.
17
आय तुम्हाले येशु आखुहू जो केठो हानपोयरा होचे देवाआ राज्याआ स्विकार केणारा नाहा त्याआ होरगामे प्रवेश वी शकणारो नाहा
18
एका यहुदी अधिकाऱ्याये त्याले फुच्यो उत्तम गुरूजी सार्वकालीन (जुल्योमजूण) जीवन मिला केअता आय काय किऊ?
19
येशु त्याल आख्ये त्याल उत्तम कहा आख्तो देवाशीवाय केठोज उत्तम नाहा.
20
तुल आज्ञा माहीत हाय शिनालो केहेव नाहा खुन केहेव नाहा चोरी केहेव नाह खोटी साक्षी देहेव नाहा तोह यहाकी बाहाका मान राखजे.
21
तो अधिकारीय आख्यो ईया बाठ्या आज्ञा आय माआ जुवानीपेणी पालतो आलो.
22
जाहा येशूये ई उनाआयो ताहा तो त्याले आख्यो तोअ ते आजी एक गोठी की कोमी हाय तोपे हाय तो बाठ्यो वेचीने तो गोरीबाने बाटी दे हाती होरगाम तुल धोन मिलीई नवी आने मा पासला चाल.
23
पेण जाहा त्या अधिकाऱ्याये ई उनायो ताहा ताे खुब दु:खी वेअयो काहाका तो खुप श्रीमंत आथो.
24
तो दुखी वेअेयो ई जहा येशुये वेअेयो ताहा तो लोकाल आख्यो जीयावे खुब धन हाय त्या लोकांले देवा राज्याम जावुनू कोतो कोतो कठीण आहे.
25
हा श्रीमंत महाले देवा राज्यामे जावुनू यापेक्षा उंटडाले हुयी नाकलामेने जाऊलो सोपो जाय
26
पासे जीया लोकांये इ उनाये ते आखते लाग्यो हाती केढा तारण वेरीई
27
त्याये आख्यो ज्या गोठया माहाले नेय वेणारो तो देवाल वी जानारो हाय.
28
हाती प्रेत्राय आख्यो “ वेअे आम्हापें जो आथो तो बाठों सोडीने आमा तो फासला आलाहा.
29
येशूअे त्याहाल आख्यो आय तुम्हाल खेरो आखुहू देवा राज्या कहेता ज्याये आप कोओ थेअे पाहु याहाकी-बाहाको आने पोयरे चावरे साेडी देदो.
30
त्याहाले या कामामे खुप पटीकी आणे आवनारा युगामे सार्वकालीक जीवन मिलनारो नेय अेहेकी केढोजने रेय
31
येशुये निवडुला बाराजावाले एकी वेले केईन आणे त्याहाले आख्यो उणाया आपु उचे येरूशलेम शहराम जाय रियाहा आणी संदेष्ट्याये माहा विषयी जे काम लिहीले हाये ते वादो पुरो वेरी.
32
म्हणजे त्याले बिहीरा होपी देई त्याआ भिटूली केरी तीया निदा केरी त्यापे थपी.
33
त्याले ठोकी तीया जीव लि आणी तो तिसरे दिही फासे उठी
34
त्याये आख्यो शिष्याले कायजे होमज्यो नहा काहा ई वचन त्याहा पेने दोबावी थोवामे आलो आथो आणे तो केला गोठी विषयी गागेत लो ई त्याहाले मालुम नेय आथो
35
येशु यरीहो पाही आवतो ली ताहा एक आथलो रस्तावे बोहीन भीक मागतो आथो.
36
जाहा तिया आधला माहाल जागेने जागेने जानारे लोका आज ऊनाईन ताहा तियाय फुश्यो कार्ठ केहडा गडबड चालु
37
लोकांहाय तियाल आख्यो कस नासरेथकर येशू जागेने जायरीयो हो
38
तो बोंबलीन आख्यो का ओ येशु दावीदाआ पोयरा माप दया जे तो आजी जोर जोर मे बोंबला लाग्यों आणे आख्यो दाविदाआ पोयरा मापे दया के!
39
जे लोक आगला चालतुला तियाय तियाल ठाकोरा केता आख्यो,
40
येशु उबीरीयो आणे तियाय आंधलाल माहोवे लिआवा ऐहकी आख्यो तो आधला जागे आलो येशुय तियाल फुश्यो
41
आय तो केता काय किव तो इच्छा हाय तियाय आख्यो प्रभु माल फासे मा नजर आवे
42
येशुय तियाल आख्यो तुल नजर आवे, तो ओ विश्वासाकी तुल हारो केयो हो
43
चालुच तियाल देखाया लाग्यो आणे येशु फासला जाआ लाग्यो बाढा लोकाही ई वेयो आणे देवाआ स्तुती केयी