अध्याय 11
1
फासी ऐकी वेयो का तो एक जागे प्रार्थना केहतुलो तो पारवाक्यो ताहा शिष्यमंणू एक जाये यीशुल आख्यो “प्रभु” जेहकी योहनाये तिया शिष्यणे हिकव्यो तेहकी तुम्हा आम्हाल प्रार्थना केहता हिकवा.
2
फासी तियाय तिहाल आख्यो जाहा तुम्हा प्रार्थना केहंता ताहा ऐहकी आखा. ओ आमा स्वर्गामेणू देवबाहाका तो नाव पवित्र मानाय आणे तो राज्य आवा दे
3
आमा रोजी माडो तु आम्हाल तु आम्हाल दे
4
आमा पापा आम्हाल माप के काहाका आमाबी आमा बाखा गून्हा तिया गुन्हा माप केहता आमाले परिक्षणाम लावे ना पेण आम्हाल खराब गोठी मे ने सोडाव
5
फासे यीसु ये तियाल आख्यो होमजीले तुमा मे ऐडो केडो हास जिया हेगात्या हाय आणे तो तियाय आरदी रात्री गियो आने तियाल आख्यो हेगात्या माल तिन माडा उसणा दे.
6
काहाका मा हेग्यात्यो आमीज दुरणे मा को आलो आणे तियाले खातर माये कायज नाहा हाय.
7
आणे तिह माहय काेमेनुज आख्यो माल वोखोना देखेवो ताहा माये पेहलाज दरवाजो लागवी देधलो हाय आणे मा पोयरो मा उगाम हुतले हाय. माय तुल माडो दा खातर उठी नाहा सेकतो.
8
माय तुम्हाल आखु का जर तो उटीण तियाल कावी दा खातोर खटखट केहतो वेरा ते बी तिया हेगात्या मानीन वा नकी उठी आणे तियाले जोता माडा गरज वेरी तो ता माडा तियाल दी.
9
आणे तियाल माय तुम्हाल आखे मागा म्हणजे तुम्हाल दी हाेधा म्हणजे तुम्हाल सापडी आणे ठोका म्हणजे तुम्हा केहता उगडावी
10
काहाका जो केडो मागे तियाल मिली जो केडो होधे तियाल सापडी आणे जो केडो ठोकेहे तिया काेता दाेरवाजो उगडावी.
11
तुम्हामे ऐंडो कडों बाहको हाय का, तुम्हा पोयराल मासो मागी ताहा तियाले हापडो दी ?
12
ने ता जर पोयराे हाकवो मागी ताहा केंलो बाको तियाल पोयराल विंचू दी?
13
जा तुम्हा खराब हाेस तेबी तुम्हा पोयराल हारो हारो देवणु कोते ते फासा स्वर्गामणे देवबाकाय जे मागता तियाल तो कोहजो मागेतो खास पवित्र आत्मा दी?
14
यीशु एक भुत काडतुलो, ते मुका आथा फासी ऐंहकी वेयो जो माहव गोगीज नेय सेकतुलो तो भुत बारे निग्या ताहा गोगा लाग्यो आणे लोका भडाल नवाय लाग्यो.
15
पेण त्या लोकाह भीडामणु काही लोकाय आख्यो का भुता राजो बालजबुल (शैतान) या मदता या की तो भुताल काडे.
16
आणे थोडाये तिया परिक्षाला खातरे तियाले स्वर्गाबारामे कावी निषानी मागा लाग्या
17
पेण तियाह मनाम काय आथो तोह यीशु जाआतलो तियाल तियाये तिहाल आख्यो जि जि राज्या मे भाग पोडता तो राज्य बरबाद वी जाये आणे जि कोवाम भाग पोडता तोह नाश वी जाहाय
18
आणे तुम्हा आखता तेकी जर भुताहामे फुट पोडी ता तियाह राज्य के की ठिकी ? माय तुम्हाल फुसुहू काहाका तुम्हा आखुता कामाय बालजबुजा (शैतान) मदताकि भुताहान काठुहू.
19
पेण माय जर बालजबुला शैतानाप मदताकी काठतो ता तुम्हा शिष्य केहढा मदताकह भुताहान काठता हा? तियाले तेज तुम्हा न्याय केरी
20
पेण माय जर देवा मदताकी भुत काढतो ता फासी यापणू स्षस्ट हाय का देवा राज्य तुम्हा हुबूर होवे आलो हाय.
21
जा एक ताकमवालो माहव तिंया हारो साबांलेहे केह ताह तिया धनसंपती सुरक्षीत रे
22
पेण ऐगो तिया केहतरे वादार ताकतवार तियावे लढीने तिया सुपती जिहीलेहे. ताहा तिया जे हत्यार आथा तियापणू तियावे विश्वास थवलो आथे तोह ली जाहाय आणे तियाले जो जिकलो आथो तो तिया हेगंत्यान वाटी दे
23
जो मा हेगाल्यो (होवेतीनाहा) नाहा तो मा विरुधाम हाय आणे जो मा आरी टोलो केअेतो नाहा तो उबलावी दे.
24
जाहा अशुध्द आत्मा माहा शरीरामणु बारे निघे ताहा रा खातरे सुखी जागो होदतो फिरे, पेण तियाले शांती नाहा मिलती ताहा तो आखे माये ज्या कोवामणे बारे निग्यो तिज काओमे फासो जाये.
25
तोह ती कोवाल फासो जाय ताहा तो कोवो बार छुड किन चोखो केहलो रेहे.
26
फासी तो जाय आणे तियापेक्षा वादार ताकतवार आणे दुष्ट ऐहडा सात आत्माहान ले आणे तेहे ति काैवाम जाता आणे तिहीज रेताहा. ताहा तिह माहा पेहला केहता खराब हालत वी जाहाय
27
तोह ऐ गोठया आखतुलो ताहा ऐहंडो बनाव बोयोका गरदीमणे एक बाय मोडेणे बोबलीन तिहान आख्यो धन्य ताह गर्भ तियाय तोह वोजो दखल्यो आणे धन्य ती बुजला जो तुय चुबज्यो
28
पेण तियाय आख्यो जो देवावचन उनाते आणे पाळते तेज खेरे धन्य हाय
29
जेकी जेकी लोक टोलवाल्या लाग्या ताहा तोह आखा लाग्यो ई पिढी दुष्ट पिढी हाय. ति निशानी मागे आणे योना निशानी शिवाय केलीज निशानी तियाल देवाय नेय आवे.
30
काहाका जेकी योना निनवे लोकाहा केहता निशानी आथो तेहकी माहा पोयराबी शेली पिढी खातुर निशानी वेरी
31
दक्षिनामणे रानी न्यायादिह या पिढीआरी उटी आणे तियाहान चुकीम ठेरवी काहाका तीह पृथ्वी छेढापाणे शलमोना ज्ञान उनाया खातर आली आणे वेरी हीई ही शलमोना केहता बी मोगे ऐहडो ई हाय
32
न्यायादिह निनवेमणे लोक ई तिढीआरी उभीरीन तील चुकीम ठरवी काहाका योनासंदेश उनायन तियाहाय पश्चताप केलो आणे वे योनापेक्षा बी मोटो ऐहंडो ई एक हाय
33
केहडो बी दिवो शिलगावीन तोलकोअेमे नेहते बासनस थुले नाहा थेवतो.पेण कोमे माज आवणराणे उजवाळो देखाय तियाले ठेपलापे थोवते.
34
डोवो ओ तुम्हा शरीरा दिवो हाय जर तुम्हा डोवाहारा हाय तर तुम्हा शरीर बी उजवाळा की पोलो हाय
35
पेण तेह जर खराब हाय तर तुम्हा शरीर अंधाराम हाय तियाल तुम्हामणे उजवाळो अंधारोतोह नाहाने या काळजी लेजा.
36
जर तुम्हा आख्यो शरीर उजवाळो हाय आणे तियामणे केलोबी भाग आधाराम नाहा. ताहा जेकी दिवा उजवाळा किरणे तुल प्रकाश देते तेहकी तेंह तुल आखी रिते प्रकाशित केरी.
37
यीशुय तिया गोगणु पारव्यो ताहा परूश्याये तियाल तिहा को आवीन तियाआरी ताडो खातुर हादयो तोह कोमे गियो आणे तियाजागायेखा बाहा गियो
38
पेण तियाये खा पेअला हाथ नाहा तोव्या तोह वीन परुश्याल खुब नोवाय लागे.
39
ताहा प्रभुय तियाल आख्यो तुम्हा परुशी गिलास आणे ठाली बारेणे साप केहता पेण तुम्हा माजणे लोबाकी आणे दुष्टता की पोराला हाय
40
ओ बीन बुध्दीमाहय जियाये बारेने बोनव्यो तियाये माजमेणे नाहा बोनव्यो का?
41
पेण जो माजहाय तोह गरीबाल दे आणे फासी आखो तुम्हा केहता शुध्द वेरी.
42
पेण तुम्हा परुश्याल हाय काहाका तुम्हा फुधीना जीरो आणे आखी भाजीपाला दशमाश देता पेण तुम्हा न्याय आणे देवा प्रेम ई गोठीव दुरलक्ष केता तुम्हा नियमाकी जीवा आणे देवावे माया केहनू या गोठीव पेहला केरा आवश्यक हाय तिह समयाये बिहीरी गोठीवे दुरलक्ष ना केरा.
43
तुम्हा परुशी करेहती दक्षावेरी काहाका तुम्हा सभास्थानाम महत्वा जागो बोहा खातर होता आणे बाजाराम सलामला पाटोहे.
44
तुम्हा कोहती दक्षावेरी काहाका तुम्हा नाहा नेमदेव्यानारी कबरा सारखा हाय ऐहठो कबर तियापेलोक बुलमे पाग थोवी जाता.
45
एक नियमशास्त्रा शिक्षकाये यीशुल आख्यो गुरुजी तुम्हा ऐहकी गोगता ताहा तुम्हा आमा बी अपमान केहता.
46
ताहा यीशुय आख्यो नियमशास्त्रा शिक्षकाहा तुम्हा बी धीकार वेरी काहाका तुम्हा लोकाल वाया कोठीन वोजो तियावे उसलावता आणे तोह उसलाखातरे तुम्हा ऐगीही आकडीबी तुम्हा मदत केहता नाहा.
47
तुम्हा धीकार हाय काहाका तुम्हाय पुर्वजाय माय टाकला संदेष्टाखातोरे तुम्हा कबर बानता.
48
ऐहंडो किन तुम्हा पुर्वजाहा केला कामाल तुम्हा समर्थन केहता.
49
या केहता देवा ज्ञानायसुध्दा ऐंहकी आख्यो माये प्रषित आणे संदेष्टे तियाय मोकलावे तियामणे ते काही लोकाहाने मारी टाकी आणे काहा लोकाहा ते ओही.
50
ता संदेष्ट्या जो रक्त जगा पेहलापासुन जो रक्तपालो हाय त्याबदल ई पिढीन दंड पोरा पाेडी.
51
होव माय तुम्हाल खेरोखेरो आखु का हाबेला रक्तापणु देवाभवन आणे वेदी या मे मारालो जखऱ्या या तक्तालुग ई पिढील जबाबदार तेराम आवीन.
52
तुम्हा नियमाशास्त्रा शिक्षकाहा कोहंती खराब दक्षावेरी काहाका तुम्हा ज्ञाना कुचीलीन गिया. तुम्हा स्वता: माज नाहा गिया आणे जे माज जावणू कोशिश केहतंला तियानबी जाहा नाहा देदो.
53
यीशु तिहणे निधी जातुलो ताहा नियमशास्त्र सेवकाय आणे परूशी तिया विरोध केरा लाग्या आणे तियाल बिऱ्या गोठ्या फुसा लाग्या.
54
तोह जो गोगी तियाल शब्दाम तेरा खातर टेपी रेहेला