¹ जियु गोठी आम्हाल नक्की खातरी हाय, तियु गोठी पेलानेज हुबराहूबर वेनारे आने शब्दा सेवक आथे ² तिहाय ते जेहकी आमाल होपी देदो, ते तेहकीज आखा जोजे तिया खातुर विषयवारी (माहीती) उल्लेख एकेक गोठ लिखा खातुर खुब माहाय ई काम हाथाम लेदल आथो. ³ तिया खातुर हारामाहा थियफिला मायुय होगीच गोठी मुलामने हारखी होद कि लोदो तिया खातुर मान ते हाऱ्या लागो की ई आख्या वेल्या गोटया मालुम किन आपुन केहकी बरोबर लिखजी ईया मालूम की लोदो ⁴ तिया खातुर कि जे गोठी शिक्षण (ज्ञान) आपणेन मिलालो हाय तियु नेकीच आपणेन पुरेपुरे माहीती जाय लेवुलु हाय योहानु जन्मा विषय आखाम आललो. ⁵ यहुदिया देशा राजा हेरोदा तिया दिहामे, जखऱ्‍या नावा एक याजक आथो, तो अबिया याजुक कौअवामेने आथो, आने तिया कौअवाली अहरोना कुलामने आथी, आने तियु नाव अलिशिबा आथो, ⁶ ते बेनी माही देवा आमला नितीमान आथे आने प्रभु बाद्या जे आज्ञा/ नियम विधीम खुब हारी रिती चालतने ⁷ पेन नियम पोयरे नैय आथे, काहालका अलिशिबा वायंटी आथी ते बेनी बी खुब डाये वी गेहेले आथे. ⁸ फासो ऐहकी वेयोकी, तो तिया कुटूंबाने ऐकेक देवा आमला याजका काम केअतले आथो. ⁹ याजका रीतिरिवाजा अनुसार परमेश्वरा देवलाम मे, धुप शिलगावा जा खातुर चिठ्ठी टाकीन तिया निवड केराम आली. ¹⁰ तिही बादेज माही टोलवीन धुप शिलगावुनू समय बारे प्रार्थना कालावाला केरा उभेल आथे. ¹¹ 11 ताहा परमेश्वर(देवा) दुत धुपवेदी हुवीवेला तियाल उभलो देखायो. ¹² 12 तियाल विन जखऱ्‍या भी गियो. ¹³ 13 फासो देवादुतूय तियाल आख्यो जखऱ्या बियोमा काहलका तो प्रार्थना उनायाम आलीही, आने तो कौअवाली अलीशिबा तियुल पोयरा वेरी, तु तिया नाव योहान थोव. ¹⁴ ताहा तुल खुब खुशी वेरी, आने तिया जन्मा वाय खुब माहे खुश वेरी ¹⁵ काहाका तो परमेश्वर नजरी में माठो वेरी आने तो द्राक्षारस आने मद्य मोद किधीहिच पिये नाय, तो तिया याहाकी डेडीमेच रेताच पवित्र आत्मा कि पोरालो रीई. ¹⁶ तो इस्त्राएला पोयरा मैने कौअनाक प्रभु तिया देवावेल फिरवुलू कारण बनी. ¹⁷ आने देवाखातुर निटवेला लाेकान तियार केरी, बाहका मन हृदय अंतकरण पोयरा वेला आने आज्ञा नैय माननारा धार्मिक गोठी वेल फिरवीन प्रभु खातर तियार केली जाती उभी केरी. तो एलिया आत्माकी आने शक्ती (सामर्थ्य) आगला चाली. ¹⁸ . ताहा जख-याये देवादुताल आख्यो “ ई बलिज ऐहकी आय केहडापेन हमजू? काहाल का आय ढायो माहू हाय आने माआ कौअवाली ढायी वी गेहली हाय.” ¹⁹ देवादुताय तियाल आख्यो, आय देवा आगला उभो रेणारो गब्रीएल हाय आने तोआरी गोगा, आने तुल हास्या गोठ्यो आखा, मान मोकलुलो हाय. ²⁰ ई पुरोवेरी तावहुदा तुल गोगाय नैय, आने तु मुको रिह्यो काहाल का माआ जे शब्दा समयापे (टामईप) पुरेपुरा खेरा वेनाराहाय, तिया शब्दापे तुयू विश्वास थेयो नाहा. ²¹ ताहा जख-या वाटजोवनारा लोकान तियाल परमेश्वरा भवनाम ओती वा काहा रियो इया नवाय लागी. ²² तो बारे आलो, ता तिहीने लोकाआरी गोयी नैय शक्यो, ताहा तियान मालुम पड्यो परमेश्वरा भवनाम तियाय दर्शन वैयो, तो तियाम ईशारो केअतलो, पेन तो तेहकीज मुको रियो. ²³ फासो ऐहकी वेयो की तिया सेवा केरूलो समय गालो पुरो किन तो फासो कौअ गियो. ²⁴ तिया दिहा फासला तिया कौअवाली अलीशिबाल महीना रिया (दिवस रिया/ डेडआरी आथी) आने ते पाच महिना लुग दोवी रिई तियुय आख्यो. ²⁵ लोकाम माआ वेनारों अपमान/ अनादर दुर केरा खातोर प्रभुय माआ वेला वेयो, आने ताहा तियान माआ खातुर ऐहकी केयो. (येशु देवा जन्मा विषय आखाम आलो) ²⁶ अलिशिबाला साहवो महिनोमे देवाय गब्रिएल दुताल गालील देशु नासरेथ नावु गावा मे ²⁷ एक कुवारी बायुल मोकल्यो तियु दाऊदा कौअने योसेफ नावु माहा आरी साखर पुडो वेलो आथो आने तियु कुवारी बायू नाव मरियम आथो. ²⁸ देवदुताय तियुही आविन आख्यो अभिवांदन तोउपे कृपा वेली हाय प्रभु तो आरी हाय. ²⁹ आने ति शब्द उनायने कारभाई गिई आने इया अभिवादना अर्थ कायवेरी तिया नी नोवाय (विचार/ करालजी) केरा लागी. ³⁰ देवदुताय तियुल आख्यो मरियम बिहोहमा देवाय तोउपे कृपा/दया केली हाय. ³¹ वे तु गरोदर (डेडीआरी) रियो आने तुल पोयरो वेरी तिया नाव तु ईशू (यीशु) थव. ³² तो महान (मोठे) वेरी आने परम प्रधानु पोयरो आखाम आवी आने प्रभु देव तियाल तिया बाहाका दाऊदा राजगादी दी. (राजासन) ³³ तो याकुब कुटूंबाप कायत राज्यकेरी (अधिकार चालवी) आने तिया राज्य अंन नैयवे ³⁴ माहा मरियमुय दुताल आख्यो ई केहकी वेरी? काहाल मायुय आदमील (पुरूषाल) वेयोनाहा जायो नाहा ³⁵ देवदुतूय तियला आख्यो पवित्र आत्मा तोअपे आवी, आने परमप्रधान देवा सामर्थ्य (शक्ती) तो ऊपे उति तियाहकी जो पवित्र पोयरो जन्माल आवी तियाल देवा पोयरो आखी ³⁶ वेअे तो जालामे अलिशिबा डायापना भी गरोदर (गर्भ, डेडीआरी, दिवस महिना) रेहाला हाय, आने जियुल वायटी आखाम आवतली तियुल आमी सहावो महिनो हाय.

³⁷ काहाल देवाल केललीज गोठ अशक्य नाहा ³⁸ मरियमुय आख्यो, खेरोज आय प्रभु दासी हाय तो आखुलो तेहेकी मान वे, ताहा देव दुत तियुहने विघीन जातो रियो. मरियम अलिशिबाल मिला जाहे. ³⁹ तिया दिहाम मरियम उठी आने उतवालीम यहुदीया देशा डोगुवाला भामुम एक नगरूम गिई. ⁴⁰ तिही जख-या कौअमे गिई आने अलिशिबाल अभिवांदन केयो. ⁴¹ जेहकी मरीयमु अभिवादन अलिशिबा उनाई तियु डेडीमेने पोयरो कुद्यो आने अलिशिबा पवित्र आत्मा की पोराई गिई. ⁴² तियु माळे शब्दाकी (उचा आवाज) आख्यो (स्त्रीयोमे) बाईम तु धन्य हाय (आर्शिवादीत) आने तो डेडीफल आर्शिवादीत हाय (धन्य) ⁴³ प्रभु याहकी मायही आवे ई मान काहीने. ⁴⁴ ताहा तुयय माया अभिवादना गोठ माआ कानुम पडी, ताहामाआ डेडीमेने पोयराय आनंदा की (खुशविन) कुद्यो ⁴⁵ जियाम विश्वास थोवलो हाय तो धन्य हाय (आर्शिवादीत हाय) काहाल ज्या गोठ्या प्रभु तियाल आखाल्या ते पुरया वेरी मरीयम केली स्तुती गित. ⁴⁶ मरियमुय आख्यो माआ जिव प्रभुल मोठे मानेहे. ⁴⁷ आनि देव माआ तारणारो इया खातोर माआ आत्मा खुश (आनंदीत) वेलो हाय. ⁴⁸ का तिया दासी नम्र अवश्या/ परिस्थीती आमीने मिन बाद्याच पिढ्या मान धन्य आखी ⁴⁹ काहालका तो सर्वसामर्थ्य (शक्तीशाली) देव हाय तियाम माआ खातुर खुबमोठो काम केली हाय, आने तिया नाव पवित्र हाय. ⁵⁰ जे तिया भिख राखते है तियापे तिया दया (कृपा) कायम हाय (पिढ्यानपिढ्या) ⁵¹ तिया हाता की सामर्थी कामे केले आथे जो घंमण्डी (अभिमानी) अंतकरना आही तियाहान वरे विखेर कि यके ⁵² तिया राज्य केरा तिया राज्य गावी पेने कांडी टाकले हाय, आने गरीबाहाने तियाय उच्चे केले हाय. ⁵³ तियाय पुख्यान हारी वस्तु की तृप्त केले हाय आने धनवानुने (मालदार) खाली हाथा की फासे फिरवुले हाय. ⁵⁴ दया किन तिया सेवकुल इस्त्राएल तियाल मदत केली हाय. ⁵⁵ आपु वडीलुन तियाय आख्यो तेहकी अब्राहम आने तिया पोयरान दया कायम याद कायम याद केरावी असने तियाय तियाल आपु सेवक इस्त्राएलने तियान मदत केली हाय. ⁵⁶ अलिशिबा आरी मरीयम तीन महीना लुग रीई तिया फासे तिई तिया कौअ गीई योहान बापतिस्मा देनारा जन्म ⁵⁷ अलिशिबा महीना पुरा विया आने तियुल एक पोयराल जन्म देदो. ⁵⁸ प्रभु तियाप खुब माठी दया केली हाय ई‍ तिया जातीवाले (सगासंबधी) पडोसीवाले (आजुबाजूवाले) उनाये ते तिया आनंदाय (खुशीम) भाग लेदो. ⁵⁹ फासे ऐहकी वेयो की आठ दिहा बाद पोयरा सुना केरा खातुर आलेले आथे तिया बाहाका नावा प्रमाणे (नावाहोश) तो पोयरा नाव भी जख-या ठोवनारे आथे. ⁶⁰ फासो तिया याहकीन तियान आख्यो नाहा मिया होश तिया नावा योहान राखवाम आवी ⁶¹ तियाही तियुल आख्यो तोओ नातेवाईक (परिवार कुटूंब) ऐहअे केडाज नाव नाहा. ⁶² फासो तियाही तिया बाहाकाल ईशारो किन पुद्यो कि तु तीया नाव काय थोवनारो ऐहडी तोओ इच्छा हाय. ⁶³ नाहा तियाल लिखा खातुर पाटी लिहादी ताहा तिया पाव योहान हाय ऐहकी तियाय लिखो ताहा तिया बादाहान खुपच आश्चर्य (नवाय) लाग्यो. ⁶⁴ तियाय समयुप तिया मुय उगडी गियो फासे तिया जिभ खुली गिई, आने तो गोगा लाग्यो आने देवा स्तुती धन्यवाद दाआ लाग्यो. ⁶⁵ ताहा तिया आजु बाजुला रेनाराल भिख लागी आने तियु आखज गोठी चर्चा यहुदीयाम प्रांताआ (देशाम) बादाज डोगाम देशाम लोक ईया बादयाज गोठोबद्दल आख्या लाग्या ⁶⁶ तियाय केडाय ई उनायो देरक लोक मनाम विचार केअतलो आथो तियाल आख्यो ई पोयरा आगला केडा वेरी ? प्रभु तियाआरी हाय ऐहकी कतया लक्षाम (ध्यानाम) आलो. ⁶⁷ तिया बाहको जख-या पवित्र आत्मा की परायो आने तियाय बी भविष्यवाणी (भविष्या) आख्यो ताहा आखमलो ⁶⁸ इस्त्राएलु देव प्रभु तिया स्तुती वेअे काहाल तियाल तिया लोका भेट लेदी (बातमी) आने लोका किमत वसुल किईन सुटको देदो. ⁶⁹ तियाय आपु सेवक दावीद तिया कौअवामेने आमा खातुर सामर्थ्याशाली (शक्तीशाली) तारणारो देदोलो हाय. ⁷⁰ ई देवा तिया पवित्र संदेष्टा युगाच्या (आवनारा दिघ्याम) पेला दिघमेने आखलो आथो. ⁷¹ जो आमा विरोधी हाय, आने जो आमा विरोधी हाय, आने जो आम थंयमस्करी (निंदा वेयरभाव) केअतलो तिया पने छोडवा खातुर वायदो (अभिवचन) तियान आमाहाल देदो. ⁷² आमा वाडोवडिलान (पुर्वजा) दया देखावा खातुर तोओ ई केअनारो आथो आने तिया आपु पवित्र करारा याद थवनारो हाय. ⁷³ ई करार एक शंपथ हाय जो तियाय आमावाडवडील आब्राहामाल देदली आथी. ⁷⁴ ती ऐहकी, तुम्हा आपु शत्रु (विरोधी) हातुमेने छोडवीन जाहा ⁷⁵ माआ हुबूर पवित्रविन आने नितीमत्वाने (नियमअनुसर) आयुष्यभर (मरेपर्यंत) माआ सेवा-भक्ती हिंमत के साथ कौअहो ऐहकी आया केअहे. ⁷⁶ ऐ पोयरा तुल मोडाम मोडा देवा संदेश देनारो आखी काहाल की प्रभु मार्ग सरळ केरा खातुर तिया आगला चालोहो. ⁷⁷ तिया खातुर की तिया लोकाल तिया पापांहा क्षमा माफी तारणा अनुभव वेराजोजे. ⁷⁸ देवा दये खातुर होरगा दिहा वाट (पहाट) उजाडेल आने (मोलाल दाटी देवुलू) मोता जाहाकी आंदाराम जे जीवी रेहला हाय उजवाडो वेरी छायेम जो जंग आ हाय तियाप उजवाडो पाडी. ⁷⁹ तियावेलाने जे उंधाराम हाय आने मरना (छाये) सावली. (अनुभवाम) बोथले हाय तियाम उजवाडो दाआ खातुर आने आमा पाग शांती वाटील लिजाआ खातुर दिध्या उगवी करी आने आमा भेट (तियाल ) मिलहो. ⁸⁰ फासो तो पायरो मोठो वेअतो गियो आने आत्मात सामर्थ्यशाली (शक्तीशाली) वेयो इस्त्राएल लोकाला प्रकट वेरा खातुर दिहाखातुर तोओ वेरूला देहालाग जंगलाम रियों