¹ तिया दिहामें कैसर अगुस्टय ऐहडी आज्ञा केयी का आखा जगतू माहा (लोकाहा) नावे लिखावा आवे ² ई पेहली नाव नोंदणी आथी, जाहा कीरीनियम पेहली ओ सिरीया देशा राज्यपाल आथो. ³ हरऐक माहू (लोक) नाव नोंदावा (लिखावा) खातुर तिया तिया गावुम गिये. ⁴ फासो योसेफ भी गालील देशाम, नासरेथ गावाम यहुदीया देशाम दाऊद कुटूंबामेने आने तिया पिढी मैं ने आथो. ⁵ तोओ नाव लिखावा खातुर जिया आरी तिया साखर पुढो वेलो आथो, तियु गरोदर (महिना) मीरयाल तिया आरी लीई लेदी. ⁶ आने ऐहकी वेयो का तिहीज तियु दिही पुरा विगिया (प्रसुतीचे) ⁷ तियुल तिया पहीला पायराल जन्म देदो, आने तियाल तियु पोयराल पोतळाम वेटालीन ओखळाम डोंगरा गोवाईम थोव्यो, काहालाका तियाह धर्मशाळाम जागो नाहा मिळ्यो. स्वर्गदुताहा की चारवास्याहान संदेश (बातमी) ⁸ तिया भागाम, मेढा चारनारा राती खेताम रेतला आपु टोलाल राखता आथा. ⁹ अचानाक (एकदम) देवा एक दुत, तिया हुबूर आवीन उभो रिया, आनं प्रभुअ तेज ऊजवाडो तिया समकी वि गियो, आने ते खुब बिगीया. ¹⁰ देवदुताय तियाहन आख्यो, कि बिया मा, जो मोठो आनंद (खुशी) आखा माहान (लोकान) वेनारो हाय, तिया सुवार्ता (गोठ, बातमी) आय तुमाल आखुहू ¹¹ दाऊद नगराम, आज तुमाखातुर तारणारोय जन्म लोदलो हाय, तोओ ख्रिस्त प्रभु हाय. ¹² तुम्हा खातुर ई चिन्ह रिई, (निशान) तोओ बालक (पोयरो) बाळं त्याने (पोतळाम) वेटाला वीन (गुणळीन) गोवाईमे हुवावओ तुम्हाल देखायई ¹³ फासो एकाएक आकाशाम सैन्या एक मोणे टोओ, तिया देवदुता पाही आलो, आने देवदुत देवा स्तुती केअतला आने आखतला. ¹⁴ “परम उंचाहाम देवाल गैरव आने पृथ्वीप (धरतीय) जिया महासंबंधी तोओ संतुष्ठ (तुप्त) हाय, तियाहाम शांती” ¹⁵ फासे ऐहकी वेयोका देवदुत तिया पाहीने स्वर्याम गिया, ताहा मेढाचारवाल्यान एकमेकांना (एक बिजाल) आख्यो, चाला आपु बेथलेहेम हुदी जाहु, आने बनी गेहलीज जे गोठ परमेश्वराय आमाल आखली, ती विहयु. ¹⁶ ताहा तेहे माहार माहार गिया आने तियाही मरीया योसेफ आने गोठाईम थोवलो पोयरो तियान देखायो. ¹⁷ जाहा मेढाचारवाव्याहाय तियाल वेयो, ताहा तिया पोयरा बाराम जो गोठ्या आखल्या आथ्या नेऐ तियाल आखान, जाहीरात (खुल्लाम) आख्या ¹⁸ फासे उनानारे बादेज (होगेज) माही तिया मेढेचारवाह्याही आख्यह्या गोठीप नवाई केयो. ¹⁹ आने मरियुम इ आख्या होंग्या गोठ्या मनन केया, आने तेअे आपु मनात अंत:करणाम थोव्या ²⁰ फासे तिया मेढाचारवाह्याहान आखाम आलेलो आथो, तिया प्रमाणे तेअे बाद्याज (होग्याज) गोठया उनायने, आने विईन देवा गौरव आने स्तुती (केअतेज) फासे गिये (यीशु देवा नाव थोवाम आलो) ²¹ आठवा दिही इया अर्थ सुते दिही आलो ताहा तिया नाव ईसु थोवाम आलो, ई नावताहा उदरात (गर्भधारण) केरा पेलाज देवदुताय थोवला आथो देवालाम येशु देवा अर्पण (मंदीर) ²² आगला मोशेनियम शास्त्रा प्रमाणे शुध्दी करण केरुलो दिही पुरावेची ताहा तियाल उच्चे यरूशलेम शहराम लिई गिये, ताहा इयाखातुर कि, तिया प्रभुल समर्पण (अर्पण) केरावा. ²³ काहाल की हरऐक पेलो जल्मो लोदलो नर (पोयरो) प्रभु खातुर पवित्र मानलो जाआ जोजे ऐहकीज प्रभु नियमशास्त्राम लिखलो हाय, तिया प्रमाणे केरावा. ²⁴ आने प्रभु नियमशास्त्राम आखल्या प्रमाणे होव्या (ओलगी बच्या जोड) जोडा आने कबुतरा बेन पिल्ले तिया यज्ञ अर्पण केरूल खातुर तिही लिई आवुलू हाय. शमौनु गाणे (गित) ²⁵ ताहा वेरा, यरुशलोम अने शिमोन नावा तिही एक वेक्ती आथो, तोओ लोक नितीमान आने भक्तीमान (भक्ती केअनारो) आथो, इस्त्राएल सांत्वना (दिलासो) वाट वेयलो आथो, अति प्रवित्र आत्मा तियाप आथो. ²⁶ आने प्रभु ख्रिस्ताल वेयाशिवाय तो मृत्य नैयवे नैय आथो, ऐहकी पवित्र आत्मा तियाल प्रकट (सुचवुलो आथो) केलो आथो. ²⁷ आने तो आत्मा की भरपुर विन परमेश्वरा देवलाम आलो, आने जाहा तिया याहकी बाहाकाय ईसुअ पोयराल, तिया विषय (बदल/ बाराम) नियम शास्त्राम, रितीरिवाजा प्रमाणे केरा खातुर माजमे लिई आलो. ²⁸ ताहा शिमोनाय ईसुल तिया हाताम लोदो आने तियाल देवाला धन्यवाद (आभार) केयो आने आख्यो. ²⁹ ओ प्रभु आमी तोओ वचना प्रमाणे तोओ दासाल शांतीकी जाआ तारण वेलो हाय. ³⁰ काहाकी माआ डोवावाय तोओ मारण वेलो हाय. ³¹ 31 तुयूल तोअ बादाज राष्ट्रांआ लोका हुबूर तयार केयो. ³² 32 तोओ परराष्ट्रीय (विदेशी/ परदेशी) प्रगट केरा खातुर उजेड,आने तोओ इस्त्राएल लोका वैभव ऐहकी हाय. (गैरव) ³³ तिया बदल (विषय बाराम आख्यल्या) गोठ्या तिया याहकी बाहाकाल आश्चार्य नोवाय (ववाय केयो, लाग्यो) ³⁴ आने शिमोनाय तियाल आशिर्वाद देदो, आने तिया याहकी मरीया तियुल आख्यो, वेरह इस्त्राएल मेने खुब लोका पडी जाऊलो आने फासे उठुलू, ईया खातुर आने तिया विरूध (गोगी) ईया पुरावो खातुर थोवलो हाय. ³⁵ ईया खातुर खुब लोका मनामेने विचार खोलाम आवी आने तोओ स्वता: जिवाम तलवार खुहूपीली जाय (जिव विदाई जायई) हन्ना साक्षी (गवाही) ³⁶ तिही हन्ना नावु एक वचना आखनारी एक बाई रेतली आथी,पीढीमेने फनुएलू पोयरा आथी, आने तीई खुब डायी (वृध्द) वीई गेहली आथी तियु वोराडा फासाला तीयु कौओवाला बारी सात वर्षे रेहली. ³⁷ तीई चौ-याऐंशी वर्षो विधवा आथी, आने तीई परमेश्वरा देवला (मंदीर) सोडीन नाहा गिई, तिहीज उपवास व प्रार्थना किईन रातदिही सुरूज उपासना केअतली आथी. ³⁸ तियुल तियाज समयूल पाही आवीन देवाला (आाभार स्तुती/ धन्यवाद) मान्यो, जोओ यरूशलोमाम छोड वाखामुर (सुटके विषयी) वाट वेअतले आथे, तिया आखान (बादाज) तियुल तियाबाराम आख्यो (नासरत शहराम फासो आलले) ³⁹ जाहा तियाय प्रभु नियम शास्त्रा प्रमाणे आखज काही पुर्ण केयो तोओ गालील प्रांतामेने तिया गावाम नासरेथ गावाम फासो आलो. ⁴⁰ पोयरा मोठो वेअतो गियो, आने ताकदवान वेयो, आने ज्ञानकी वादत गियो, आने देवा दया/ कृपा तियाप आथी पोयरा यीशु मंदिराम (देवळाम) ⁴¹ दरएक वर्षो तिचा याहकी बाराको वल्हांडण सणा खातुर यरूशलोम शहराम जातले. ⁴² जाहा तोओ बारा वर्षा वेयो, ताहा सणा रिती प्रमाणे उच्चे यरूशलेम शहराम जाहलो ⁴³ फासे सणा दिही पुरा केया, फासे तोओ तिया कौअवेला फासो आवा निघ्यो, आने ईसु (पोयरा) फासला यरूशलोमेज रिई गियो, आने ई तिया याहकील बाहाकाल मालुम नेय आथो ⁴⁴ तोओ तिया आरी प्रवास केनारा मित्रलोक आरी वेरी, ऐहकी हमजीन तेअ एक दिहा वाट चालते गिये, फासे तियाही तिया नातेवाईक (सगासंबंधी) आने हेगात्याही तोया होद केरा सुरूवाम केयी. ⁴⁵ जाहा तोओ तियाहान मिल्यो नाहा, आने तिही तेअे यरूशलोम शहराम फासे आले, आने तिही तियाय तिया होध लेदो. ⁴⁶ ऐहकी वेयो की, तीन दिह्या फासो तियान परमेश्वर देवलाम मिळ्यो (सापड्यो) तोओ हिकवुनारा (शिक्षकामध्ये) बचमे बोहीम तिया उनातलो आथो, आने तियाहन प्रश्न पुछतलो आथो. ⁴⁷ जियाय तिचा उनाया तियाही आखाज तिया समजबुध्दी अनुसार, आने उतरा की नवाय केयो. ⁴⁸ जाहा तियाल तियाय वेयो, ताहा तियाहा नवाई लाग्यो, तिया याहकी तियाल आख्यो, पोयरा तुअ आमाआरी ऐहकी काहा वाग्यो? ऐक/वेअे तोओ बाहाको आने आय कष्टी करीन (दु:खीवीन) तोओ होद केअते आले. ⁴⁹ ईशुय तियान आख्यो, तुमूमान होद काहा केहतेहे माय माआ बाहाका कौओरा जोजे ई तुमाहाल माहीती नाहा का? ⁵⁰ आने तोओ तियाआरी जोओ काय शब्द गोगतलो तेऐ तियान हमजो नाहा. ⁵¹ फासो तोओ तिया आरी नासरेतम गियो, आने तोओ तिया आधीन रियो (आज्ञाम) तीया याहकीन तेअे होग्याज गोठ्या तियु मनाम राखी थोव्या. ⁵² इसु ज्ञानाने (बुध्दीने) आने शरीरा की (देहा) देवा आने लोका कृपाम (अनुग्रह) वादतो गीयो.