1
پیشتر جی همه چی، ترَه سفارش کونم کی همۀ مردمِ رِه دعا بوکون، و اوشأنِ رِه شفاعت بوکون و خدا جَه بخواه کی اوشَأنَ رَحم بوکونه، و کارایی کی اوشَأنِ رِه انجام بدَه دأره وَسی هم خدایَ شُکر بوکون.
2
و هَطو پادشاهان و حاکمانِ رِه هم دعا بوکون تا بتَأنیم آرامش و خیالِ آسوده مرَه زندگی بوکونیم و سربلند و پاک زندگی بوکونیم.
3
چون وختی دیگرانِ رِه دعا کونیم اَمی نجات دهنده خوشحالَ بِه.
4
اون خَأیه کی همه تَه نجات پیدا کوند و حقیقتَ بشناسد.
5
چون خدا ایتَه یه و خدا و انسانِ میَأنم ایتَه واسطه وجود دَأره یعنی شخصِ مسیحِ عیسی،
6
کی خو جانَ فَأدَه و همۀ آدمیانِ گوناهانِ رِه کفاره بوبُست، و اَطو در ایتَه وختِ مناسب اَ حقیقتَ ثابت بوکود.
7
و هَنه وَسی من غیرِ یهودیانِ واعظ و رسول و معلمْ انتخاب بوبُستم تا ایمانِ راستینَ تعلیم بدم، و حقیقتَ گوفتَأن درم و دوروغ نوگویم.
8
پس می نأجه اَنه کی مردکَأن هر جا کی ایسَد بدونِ خشم و نفرت خوشَأنِ مُقدسِ دسانَ راستَ کوند و خدا درگاه دعا بوکوند.
9
و هَطو خَأیم کی زنأکأن رخت و لباسِ مناسب دوکوند و خوشَأنَ حَیا و دوروستکاری مرَه آرایش بوکوند، نه طلا و جواهر و مویِ ببافته مرَه، یا رخت و لباسِ گران قیمت دوکودَأنِ مرَه.
10
بلکی اوشَأنْ وَأستی اَعمالِ دوروستِ مرَه خوشَأنَ آرایش بوکوند، هوطویی کی ایتَه زنِ مسیحی شایسته یه.
11
زنَأکأن وَأستی سکوت بوکوند و اِطاعتِ کاملِ مرَه مسائِل روحانی دورون تعلیم بیگیرد.
12
من اِجازه ندم زنأکان مردکأنَ تعلیم بدد و یا خوشأنِ مردِ رو مُسلط بوبود، بلکی زنأکان وَأستی کلیسا دورون ساکت بِئسد.
13
چون اول ادم بوجود بأمو بازن حوا،
14
و آدم گول نوخورد، بلکی حوا بو کی شیطانِ گولَ بوخورد و گوناه دورون گرفتارَ بوست.
15
ولی زنأکان زأی اَوردنِ مرَه نجات پیدا کوند، اگر ایمانُ محبتُ پاکی و تقوا دورون نجیبانه اُستوار بئسد.