¹ A nagon sabata lo yudayaki aje juin nu, a kotumalu waraki a lor kokuwe lo jima, a maria madelina se ko nene maria pondi i medda na gulom. ² A ‘de’de diwulek a gwo’de a rigirigi duma, a malaikakat lo matat pondi kak ki yu, a gwuluŋoddi ŋurupit kaŋo, a sidakini kayit ki. ³ A meta nayit kobbi gwoso meme’dekta na ki, a boŋgwat kayit kune gwe a nakwe parik adi gwa. ⁴ A katiyuk kujene kujon lepeŋ a bobondi bobondu, a se gwe lo twatwa. ⁵ Ama a malaikatat lo kulyani ko ŋutu nawate kune adi, ko kujono ta, nan a den adi ta galunda yesu logon aje ‘bikiki i kodini na goro lo, ⁶ Lepeŋ ‘bayin ni. Lepeŋ aje ŋien i twan gwoso na kulyani nye nu. Po ta, ko meddi ta pirit na ‘delakini nye na. ⁷ Iti ta ‘de’de i takinda na ŋutu kayit kajujumuk adi lepeŋ aje ŋien i twan, lepeŋ lu iti Galilaya kasu ŋerot a kouwe nagon ta ‘bak ko nyu ‘dur yu; a ta molu meddi lepeŋ yu. Meddi ta, nana je takin ta. ⁸ Nyena a se koyi gulom ‘de’de ko kujono ko lyolyoŋi parit, a se woki woko i tukokindo na ŋutu kayit kajujumuk kulo. ⁹ A ‘de’de diwulek a yesu rume ko se, a rome adi, madaŋ ta! A se pondi po, a’dorone kak lorupu mogga mokosi kayit. ¹⁰ Nyena a yesu kulyani ko se adi, ko kujono ta. Iti ta i takinda na luŋasirik kuwe adi, ti se iti Galilaya, a se molu tu meddi nan yu. ¹¹ A na tirini kunu ŋutu nawate i kiko nu, a kule katiyuk yitoni koji, a nyonyokokindi koanijin temejik ŋo liŋ nagon aje kona kunu. ¹² A koaniin temejik momorji i pirit na geleŋ ko ŋutu temejik, a tetendi yeyeet nase, a se tindi kamorok gurut jore, ¹³ A kulyani adi, taki ta ŋutu adi, ŋutu kayit kajujumuk aje po kwaje, a kokoladdi opu nayit na gwondi ta i toto nu. ¹⁴ A ko kine aje ‘dur ko duma yu, a yi molu lopukundi lepeŋ a ta molu kenye kujen nene ŋo. ¹⁵ Nyena a katiyuk ‘dumundi gurut kune, a kondi gwoso na takini se nu. A yilo loŋe reki ko yudayaki kiden tojo ko lo lor. ¹⁶ Nyena a ŋutu kajujumuk puok wot geleŋ kulo iti Galilaya i mere logon yesu a sarakindi se i tu kata lu. ¹⁷ A na meddi se lepeŋ nu, a se ‘dorone kak a lorupu kayit i komoŋ; ama kule kase ‘bak ko yup. ¹⁸ A yesu miu nyona, a kulyani ko se adi, kido liŋ ti ki yu ko kak ni aje tiki nan. ¹⁹ Nyena iti ta, ko jondi ta ŋutu liŋ ti juron i jujumbu na kulya kuwe, ko batiddi se i Karin ti monye ko ti tore, ko ti mulokotyo loke, ²⁰ To diniki ta se i ‘debba na ŋo liŋ nagon nana je sarakin ta kine; mete ta, nan gwon ko ta i perok liŋ tojo ko ‘dutet na kak.