¹ Nyena mirundi ta Ngun kogwong ta a ngwojik kayit lo nyanyara. ² Woroni ta ko nyarju gwoso nagwon Kristo a nyarji yi na a wukindi mugun nayit ko Ngun a 'doket a ko ruban'ga lo mon to'bi'bin kogwong kulya kang. ³ Ta kodo a jambu kulya ti wuton ko ti konesi narok ka'de ka'de nagwong toyukindo kuwesik ti ngutu se ko goma kogwong kine kulya a jukin ngutu ti Ngun i jambu na se. ⁴ Ama ko jambu ta jamesi ti yu na kuwe kode jamesi logwon a wuya kana kode jojonya nagwong a 'da'datet kogwong kine kulya a jukin jama, ama kolumbo tikindi ta Ngun tinate. ⁵ Dene ta den 'bura adi ngutu logwong a kalupe kode logwong konda ngo narok nagwong toyukindo kuwesik ti ngutu kode lo goma ngo gwoso nye a ngun loyit. Ngutu gwongo ilo nyobulo wuju nene ngo i tumatiyan na Kristo se ko Ngun. ⁶ Ti lele ngutu kenye momoluga ta ko kulyaesi lo 'bak 'bulit, kogwon i kine kulya a woran na Ngun poki i ngutu logwong a renya twojju lepeng kilo. ⁷ Nyena ko morakinda ta i ngutu gwoso kilo. ⁸ Kogwong ta koju gwong a ngutu ti mudde, ama tiyana na ta gwe a ngutu ti parara ko matat likang i mugun. Woroni ta gwoso ngutu ti parara. ⁹ (Kogwon parara radan konesi nagwong a na'but, ko a ti loti lo gwogwo ko a ti to'diri), ¹⁰ morji ta denunda kango ko nyo lo tulyengu matat likang. ¹¹ Komorakinda i ngutu logwong konda ngo ti mudde logwong a radan ludioki lo'but kine ama kolumbo kwe'ya ta kine kulya kango. ¹² Kogwong ngo na kon se a lwon kine ma'di 'dinya na se toyukindo kuwesik. ¹³ Ngo ling nagwon parara a kweyun kango, memeta koke. ¹⁴ A ngo ling nagwon koke kune worani a parara. Ko ina kuwe, a kulyanikin adi do "katodinonit pureni pure, ngiyu kango i lo twatwa kilo a, a Kristo de pararakindi konuk ki." ¹⁵ Medi ta 'bura ko ta woro a da - gwe ta gwoso ngutu lokong, 'ban gwoso lo'bong. ¹⁶ Kitani ta kitani dingitan kasu ling kogwong kune perok a lorok. ¹⁷ Nyena ko'ben ta gwong a lo'bong, ama dene ta den ko 'deket na matat likang a nyo. ¹⁸ Ko meran ta ko yawa, kogwong kokorju gwiyari lo ngutu. Ama kolumbo jorone ta ko mulokotyo lokye, ¹⁹ ama tujamaki ta ko 'borik yo'yu na Saumajin ko kolisi se ko pupuresi ti Ngun. Lyengi ta lyengon ko Matat likang kasu i toiliyot gwoso ngutu lo wo'gu tom. ²⁰ Ngupi tindi ta Ngun Monye tinate i ngo ling i karen ti Matat likang Yesu Kristo, ²¹ Kuke ta kuk 'borik gwoso na twojji ta Kristo na. ²² Ta wate kodo kukuk laliyan kasu gwoso nagwon ta kodo konakindi Matat likang na. ²³ kogwong lalet gwong a kuwe lo nakwan, a tojojo gwoso nagwong Kristo a kuwe lo kenisa. Lepeng 'dok a kalwokonit lo kenisa nagwong a mugun nayit. ²⁴ Nyen gwoso nagwong kanisa a kwuggi Kristo na ti wate aggu kodo kugi laliyan kase i ngo ling. ²⁵ Ta laliyan, nyarji ta wate kasu, gwoso nagong Kristo 'dok a nyarji kanisa na, a lepeng tikindi 'borik i twan kogwong kulya kasu. ²⁶ lepeng a konda tina anyen nye bongo lalaju se ko piong se ko kulyaet loyit a gwe a lokye, ²⁷ anyen nye bongo kwejja kanisa kayit i komong na kwekwelen 'bak nene pirit nagwon a 'yota ma'di a na'dit kode kiritwan kode kune ngo gwoso kine ama anyen se bongo gwong a lokye 'bak yuyuket. ²⁸ Laliyan ti nyarenyar wate kasu tina, gwoso na nyarji se mugunya kase na. Kogwon ngutu lo nyanyarja nakwan nayit, nyanyar 'borik. ²⁹ kogwon lele ngutu 'ban lo mandu mugun nayit, ama lepeng wowoja nye ko ruruga nye 'bura gwoso nagwon Kristo a konakin kanisa na, ³⁰ kogwon yi a suwoton ti mugin nayit. ³¹ " Ko ina kuwa a ngutu lwalet molu ko'yi ko monye ko ngote a molu morji ko nakwan nayit, a se murek molu gwe a mugun geleng", ³² Kilo kulyaesi a lilim ama nan a tokorju se i kulya ti Kristo se ko kanisa. ³³ Ama ta ling, ti legge nyarji nakwan nayit gwoso nagwon lepeng a nyarju 'borik, ama ti nakwan nyarenyare lalet nayit.