¹ Nyena, nan logwong a rereka kogwong lulya ti Matat likang lo, nan kwadu ta anyen ta bongo woro jojo i lungit nagwong a lunguni ta na. ² Woroni ta lokoyokak ko toiliyot lo lilik i ngongadu ta ling ko i tuyatakin ko 'borik i nyarju. ³ Mulokotyo lokye a momorja ta anyen ta gwong ko toili geleng, gwe ta ko pusok i gwong taling ko 'borik, kogwon taling to'depankinda ngutu i pirit na geleng. ⁴ Mugun geleng kata, mulokotyo geleng kata, gwoso nagwong Ngun a lun'gi ta i ngarunda na ina yenet nageleng na. ⁵ Matat geleng kata, yupet geleng kata, batisimu geleng kata, ⁶ Ngun geleng kata, logwong a Monye lo ngutu ling, lepeng a duma lo ngo ling, kikita i ngo ling a lepeng gwe kata i ngo ling. ⁷ Ama yi geleng geleng aje 'doka ko 'busan gwoso i temet na 'doggi Kristo kana na. ⁸ Nye ina kuwe nagwon koju a jama adi "natirini nye ki yu nu, nye nyomodu ngutu jore lo momoka anye ke 'dogga ngutu ko 'dokesi. ⁹ Nyena kilo kulyaesi logwong adi lepeng a tu ki kilo kwejja nyo? Kwejja adi a ko kuwe lepeng a pwo kak ni a ke yen'ga kak i lukata nayit. ¹⁰ Nye logwong a pwo kak ni lo 'dok anye lo tu ki pajo lwolwong 'dikolo ling, anyen nye bongo tojore'yu ngo ling. ¹¹ 'Doke kayit gwong tina, nye a tikinda kule ngutu i gwong a luyokie, kule a Nebijin, kule a katokuok ti Longe lo'but, kule a kayukuk ti ngutu se ko kule a katodinok ti Longe lo'but. ¹² Kita na kilo ngutu gwong i tetenakinda na ngutu ti ngun jojo i konda na kita nayit ko i to'durundo na mugun na Kristo ki, ¹³ tojjo i 'dutet yi ling a wora ngo geleng, gwong nikang a ngo geleng ponda kogwong yubbo nikang se ko denda nikang na nguro lo Ngun a kirun yi malu pondi a ngutu lowora logwong jojo; tojuwet nikang gwong a Kristo logwong aje wora i ngo ling jojo lo. ¹⁴ A yi molu 'dok kenye gwong a ngwajik logwong yeyesi kang yalaji abulondi i kulya ti todinesi ka'de ka'de nagwong gwoso yala'esi logwong kobungot lo ya'yu. Kine todinesi ngutu totodin ko kongon nase nagwong se yeyeji togiradu ngutu ko kulya ti 'burot kune. ¹⁵ Kolumbo ti yi jambi ta kulya ti to'diri ko toili lo nyarju anyen yi 'durodu ki ko Kristo i mugun i ngo ling, lepeng logwong a kuwe. ¹⁶ A ina kuwe a mugun ling ke tomoraki ko a to'depaki i pirit na geleng ko tomoresi ling nagwong Ngun a tikin kine a na kitani suwoton ling ti mugun 'bura nu a ina mugun 'durji 'durjo 'bura i mugun. ¹⁷ Nyena na jamakin ta tina, a jujuja na ta i karen ti Matat likang adi ko woro ta gwenge na woroni paganojin kilo na ko yeyesi kase nagwon a yaya kana. ¹⁸ Yeyesi kase gwong i mudde, se gwong pajo i gwilinget likang lo Ngun kogwong se 'bak ko den lele ngo a toiliyot kase gwe'de a logo. ¹⁹ Se a yeyeju lele ngo su a pakindi 'borik i konda ngo ti yu na kuwe, a gwe ko pusok i konda ngo nagwong a lut. ²⁰ Ama ta koju 'bak ko todiniki kulya ti Kristo tina. ²¹ Ta 'diri a ying lepeng ko a todiniki kulya ti to'diri nagwong ko Yesu i mugun kune. ²² Ta kodo paju gwilingesi kasu ti 'beron kulu a ta kodo rusundi kango toilikon kasu ti 'beron logwong kakara kogwong 'dekesi momolukesi. ²³ 23 Toiliyot kasu lo yeyeju kulya kilo kodo totoludukko i mulokotyo, ²⁴ 24 ta kodo rukukindo toiliyot loludukok logwong Ngun a gwejja i gwuluwet nayit logwon a kelaji ko leti lo gwogwo ko i kelan nagwon pwo i kulya ti to'diri. ²⁵ Nyena paji ta kulya ti 'burot, ta ling geleng geleng tujamaki ta kulya logwong a gwak gwak kogwong yi ling a suwoton ti mugun geleng. ²⁶ A ko do a woran, ti ina woran kenye tikinda ta i konda arabat. Ti kolong nye 'doroo ti do nyu gwong koworan. ²⁷ Ko'ben ilo kango'onit pujo pirit kasu i toiliyot. ²⁸ Ti ngutu logwong a kolak, ti koloki koko'ya. Kolumbu ti se kitani kita parik ko konisi kase i konda na kita na'but anyen se bongo bubulo 'dogga ngutu lomerika. ²⁹ Ti kulyaesi nagwon a lut ti kenye pwo kango kasu i kutusin. Ama tung jambi ta kulyaesi lo'but logwong bubulo ngarakinda ngutu gwoso nagwong kodo jujukin jama i dingit nase na anyen ngutu lo yinga kilo kulyaesi kulo bongo pujo ngo na'but. ³⁰ Ama ko to'delyaju ta Mulokotyo Lokye lo Ngun, kogwong Ngun a tikinda lepeng anyen gwuluwani ta adi ta a ngutu kayit i lor logwong nye molu koloddi ta a lui ni. ³¹ 31 Paji toiliyot lo potor ling, ko woran ling nagwon pwo 'de'de, k ngoma ling, ko wongon ling, ko momoroju ling se ko mandu ling. ³² 32 Gwe ta a lo'but ko 'borik ko won na kuwen ko 'borik gwoso nagwong Ngun 'dok a pitokindi ta ko Kristo i mugun na.