¹ A i ŋinu diŋit a ŋutu ti Yesu logon a kajujumuk kulo ŋdine ŋdi, a rerenyesi gwe kata i kiden na Yudayaki kayupök logon jambu kutuk na Giriki se ko Yudayaki kayupök logon a komonye kutuk kulo. Yudayaki logon jambu kutuk na Giriki kulo kulya adi karu ’bejin kase a tuyapa i wuju na koret na lor. ² a luyökie puök wot murek kulo lupundye teŋ na kajujumuk i pirit na geleŋ, a takiŋdye lepeŋat adi, ’Bayin a na ’but koyi kölökiŋdyö tokujö na kulyaet lo Ŋun anyen koŋa kinyojin. ³ Nyenagon luŋa sirik, wuluŋdye ta ŋutu buryo kasu kiden logon pupura a lo ’but, logon a jore ko Mulökötyo Loke se ko kopon, a yi mo tiŋdi se i ŋina kita. ⁴ A yi ko mugunya kaŋ mo pakiŋdye ’börik ŋupi i kwakwaddu ko i tokujö na kulyaet lo Ŋun. ⁵ A ŋutu liŋ lo momora kulo iŋge lyoŋon ko ŋina yeyeet, nyena a se wuluŋdye Setepano ŋuto logon a jore ko yupet se ko Mulokotyo Loke, ko Pilipo, ko Porokoro, ko Nikanora, ko Timon, ko Paramena, se ko Nikolau lo Antlokia logon a ’beron löpuggö mugun a Yudayakityo lo. ⁶ A se kwekiŋdye kilo ŋutu ko luyökie i komor, a luyökie kwakwaddi kwakwaddu a sopakiŋdye könisi kase ko lepeŋat loki. ⁷ A kulyaet lo Ŋun reki rekin, a ŋutu kajujumuk ŋdine ŋdi parik Yerusalema kata, a koanejin jore parik twoji ŋina yupet. ⁸ Setepano a ŋuto logon a jore ko ’busan na Ŋun a gwe ko riŋit, a lepeŋ koŋdi po sörösi temejik se ko kweyesi ko ŋutu kiden. ⁹ Ama a kulye ŋutu poki i rerenya ko lepeŋ. Kilo ŋutu a ti kadi momoret na luŋu a kadi na ŋutu logon soŋinana gwe a lui kulo. Lepeŋat a Yudayaki lo po Kurene, ko lesaŋduria, ko Kilikia, se ko Asia. ¹⁰ A se tine bulö te ’ya lepeŋ kogwon kopon nanyit nagon Mulökötyo Loke a tikin lepeŋ anyen jajambi na. ¹¹ Nyena a se ropakiŋdye kulye ŋutu a lwön anyen pökiŋdyö lepeŋ adi, Yi a yiŋ lepeŋ i jambu na kulya lawesi nagon lawerikin Mose se ko Ŋun. ¹² A lepeŋat topiji ŋutu, ko ŋutu temejik se ko katodinök ti Saresi ti Mose, a lepeŋat ’dorone ko lepeŋ loki, a morgi lepeŋ, a joŋgi lepeŋ ko momoret na ŋutu temejik i komor, ¹³ a se joŋdi katökorok ’burönök logon kulya adi, ŋilo ŋuto ti kölökin jambu arabat i kulya ti na pirit nake na rurwan se ko i kulya ti Saresi, ¹⁴ kogwon yi a yiŋ lepeŋ i kulya adi, ŋilo Yesu lo Najareta mo kökör na pirit, a mo löpuŋge keriat logon Mose köju a sarakin yi kulo. ¹⁵ A ŋutu liŋ lo si ’da i putet kulo diŋe lepeŋ go, a komor nanyit metani gwoso komor na malaikatat.