¹ A nagon yi aje lwököddu ’börik nu, a yi iŋge den adi ŋilu tikön luŋu a Melita. ² A ŋutu lo si ’da nyu kulu iŋge wuyun yi ko pusök lwölwöŋ na kulye ŋutu, a lepeŋat to ’debbi kimaŋ a wuyuŋdye yi liŋ, kogwon kudu a suluja ’don, a kak gwe a katirut. ³ A Paulo ’du ’dumuŋdye kwe na kaden a tiŋdi se i kimaŋ, a munu poŋdi kaŋo kogwon kimaŋ pape, a dukukiŋdye mugun ko lepeŋ i könin. ⁴ A kilu ŋutu ko meddi munu leleju ko Paulo i könin nu, a se tokulyaki ko ’börik adi, Ŋilo ŋuto meta gwoso nye a katatuanit, a rima mo tine kölökin lepeŋ ma ’di nagon nye a lwökun mugun kaŋo i tör. ⁵ Ama a Paulo kölumbö gwatakiŋdye munu i kimaŋ, a Paulo gwe a ko böŋöji kwöŋ. ⁶ A kulu ŋutu yeyeji adi mugun nanyit ŋona wewelan, kode lepeŋ ’doro kak a twan; ama i mukök nagon se aje möŋdu diŋit a najo, a gwe a ko meddya nene ŋo naron nagon a konaki lepeŋ nu, a se löpuŋge yeyeesi kase, a kulyani adi, Lepeŋ a ŋun lele. ⁷ Nyena meleseno kata nyona ko ŋinu pirit nagon a ti Pubeliŋ duma lo ŋilu tikön. Lepeŋ a wu yi a iŋge konakin yi ’bura ko perok musala. ⁸ A gwe sona a monye Pubeliŋ roggi kak mugun nanyit sasa ’yu, koti ’bu ’bulötö a rima. A Paulo luŋoni i kadi nagon lepeŋ gwon kata nu, a kwakwaddi kwakwaddu, a soŋakiŋdye könisi kanyit ko lepeŋ loki, a toke ’yi lepeŋ. ⁹ a na konari kine kulya nu, a kulye ŋutu ti ŋilu tikön logon a moka ko twana kulo köti iŋge po, a tokelani tokela. ¹⁰ A lepeŋat iŋge bu ’ya yi ko bulesi jore, a namu yi ŋiörö ŋiörö nu, a lepeŋat sobbi ŋo nagon yi ’de ’deggi kune i ki ’bo kata. ¹¹ A i mukök na yapala musala, a yi iti ko ki ’bo lo po Alesaŋduria, logon kweyet nanyit a Kurudwöt, logon a meliŋ a i ŋilu tikön. ¹² A yi monoji Surakusa, a yi iŋge si ’da nyu ko perok musala. ¹³ Suluja nyu a yi loraddi loraddu a ’dure Regio. Ko ’bure a köbuŋöt suluje wukuŋdyö i swöt lo loki, a i lor tomurek lonyit a yi ’dure Puteoli. ¹⁴ A yi ryeji kulye luŋasirik kayupök nyu logon a pija yi anyen mönuŋdyö ko se perok buryo. Nyena a yi ’duröki Roma sona. ¹⁵ A luŋasirik kayupök lo gwon Roma yu kulu iŋge yiŋ kulya kaŋ, a dodokuŋdye yi tojo ko pirit na Apio tugwörit, se ko i pirit nagon kadijik musala ti kömu gwon kata. A na meddi Paulo kilo ŋutu nu, a nye pupurje Ŋun, a töili lonyit gwe a iŋgo. ¹⁶ A na ’durökiŋdye yi Roma yu nu, a Paulo rukökine i si ’da ka ’de, kamörönit lo tiju lepeŋ. ¹⁷ A i mukök na perok musala, a Paulo luŋgi temejik ti Yudayaki i pirit na geleŋ; a na momoruŋdye se nu, a nye takiŋdye lepeŋat adi, Luŋasirik, ma ’di nagon nan ködyö a ko konakiŋdya ŋutu kaŋ kode keriat ti merenyejin kaŋ arabat, ama nan a rereka Yerusalema yu, a ŋutu kine i könisi ti ŋutu ti Roma. ¹⁸ A lepeŋat pije kulya kwe, a ’deke kölöddu nan, kogwon lepeŋat a ryö adi nan a ko koŋdya nene po nagon jujukin tatuarikin nan. ¹⁹ Ama a nagon Yudayaki aje renya kine kulya nu, a yeyeesi kwe ri ’dikiŋdye nan i pija na Kaisar anyen ’duŋgö putet liŋ, ma ’di nagon nan ’bak putet i kulya ti ŋutu kaŋ. ²⁰ Nyenagon ŋina a kwe nagon nan lupuŋdya ta anyen meddya ta ko anyen jambu ko ta, kogwon nan rereka ko kulo topot i kulya ti nye logon ŋutu ti Yisaraele yeyen lo. ²¹ A se takiŋdye lepeŋ adi, Yi a ko wuju waragalan na po Yudaya yu i kulya kunök, köti lele lo luŋasirik kaŋ a ko po ni i nyönyökökiŋdyö kode i jamakiŋdya na yi po narok i kulya kunök. ²² Kölumbö yi ’dekan yipuŋdya konut ko do yeyeju nyo, kogwon yi a den adi ŋutu jambu arabat i piritön liŋ i kulya ti ŋilo lapet. ²³ Nyena a lepeŋat wuluŋdye lor, a ŋutu jore iŋge po i ŋilu lor i kadi nagon lepeŋ si ’da kata na. A lepeŋ gwe i nyönyökökiŋdyö na lepeŋat kulya liŋ suluja ko ’bure tojo ko sömukö; a tokoŋ kulya ti Tumatyan na ŋuri, a nye jambi kulya na gwon i Saresi ti Mose ko i kulya na wur nebijin kune ga ’yu löpukuŋdyö lepeŋat i yubbö adi kulya na jam nye i kulya ti Yesu kune a gwak. ²⁴ A kulye ŋutu iŋge yuŋ kulya kanyit, ama a kulye tine ’bön yubbö. ²⁵ Nyena a lepeŋat gwe ko rerenya kase kiden, a nagon se reki rekin nu, a Paulo jamuŋdye kulyaet lo ’dutet adi, Mulökötyo Loke köju a jambu a gwak ko merenyejin kasu ko nebi Yisaya i kutuk adi, ²⁶ Iti ko taki kilo ŋutu adi, Ta mo yiyiŋ dapin jore ama a ta mo tine kurun asut; ta mo memet dapin jore ama a ta mo tine gwulu. ²⁷ Kogwon töilyet ti kilo ŋutu pömöni, a swö kase yiŋge adi böriŋ, a lepeŋat iŋge muk konyen kase. Ko ködyö ti gwon sona lepeŋat ködyö memet ko konyen kase, a yiŋe yiŋ ko swö kase, a kuru kurun ko töilyet kase, a löŋukuŋdye köyö ni, a nan ködyö toke ’yi se. ²⁸ Nyenagon dene ta den adi ŋina lwökit na Ŋun aje sunyuki ŋutu ti jurön; a se mo yiŋge yiŋga. ²⁹ A nagon Paulo aje jambu kulo kulyaesi nu, a Yudayaki reki rekin ko rerenya a duma kase kiden. ³⁰ A Paulo iŋge si ’da i kadi na roŋ nye na ko kiŋajin murek, a wuji ŋutu liŋ lo tu i meddya na nye kulo. ³¹ Lepeŋ gwon i tokujö na kulya ti Tumatyan na Ŋun se ko i todiŋdyö na kulya ti Matat Yesu Kristo ko topurwan liŋ, a lele ŋuto gwe ’bayin lo teŋgu lepeŋ.