¹ A nagon lor lo Pentekosta aje ’durökin nu, a ryeni lepeŋat liŋ aje momora i pirit na geleŋ. ² ’De ’de a woŋon na wuŋu ki yu gwoso wuggo na kobuŋot duma, a iŋge mulu kadi nagon se si ’da kata na. ³ A ŋo gwoso ŋedepa ti kimaŋ puköki ko lepeŋat, areki kase kiden, a si ’dani kase loki geleŋ geleŋ. ⁴ A lepeŋat liŋ iŋge jore ko Mulökötyo Loke, a suluje jambu ko kunie kutusen, gwoso na tikiŋdye Mulökötyo se riŋit jamet na. ⁵ Nyena kulye Yudayaki logon a katwöyök ti Ŋun kata Yerusalema. Lepeŋat po i juron liŋ ti kak. ⁶ A na yiŋge se ŋina woŋon nu, a yodom na ŋutu momoruŋdye i pirit na geleŋ, a se dwadwa ’yi dwadwa ’yu kogwon se liŋ geleŋ geleŋ a yiŋ kilo ŋutu i jambu na kutusen kase. ⁷ a se iŋge söŋu bia parik, a pije ’borik adi, Kilo ŋutu lo jajambu kilo se liŋ ’bayin a ti Galilaya le? ⁸ Ada lolor nagon yi liŋ geleŋ geleŋ yiyiŋ lepeŋat i jambu na kutusen kao nagon yi a yuŋwe ’i kune? ⁹ Yi a ŋutu ti Partia, ko ti Madai, ko ti Elam, ko ŋutu lo gwolor Mesopotamia, ko ŋutu ti Yudaya, ko ti Kapodokia, ko ti Ponto, ko ti Asia, ¹⁰ ko ti Purugia, ko ti Pampulia, ko ti Ejipeto, ko ti turön ti Kurene na gwon Libya kulu, ko a komu lo po Roma, logon a Yudayaki ko a ŋutu logon a Iöpuggo ’börik a Yudayaki kulo, ¹¹ köti yi a ŋutu lo po Kurete se ko a ŋutu ti Arabi. Yi liŋ a yiŋ lepeŋat i jambu i kutusen kaŋ ŋo temejik nagon Ŋun a kon kune. ¹² a lepeŋat liŋ iŋge söŋu, a dyadya ’yi dyadya ’yu, a topiŋine ko ’börik adi, Kine kulya kweja nyo? ¹³ Ama kulye ’dö ’döju kulya adi, Kilo ŋutu a memeri ko yawa. ¹⁴ A kirut Petero se ko kulye luyökie puök wot geleŋ kulo ŋine ki, a lepeŋ ’bi ’yi gworo lonyit ki, a takiŋdye lepepat adi, Ta ŋutu ti Yudaya se ko ta liŋ lo si ’da Yerusalema kilo, dene ta den kine kulya ko yiŋe ta yiŋ ’bura ŋo na jam nan kine. ¹⁵ Kilo ŋutu a ko memeri gwoso na yeyeji ta ŋina, kogwon nyuŋ a saa buŋwan na ko ’bure. ¹⁶ ama kölumbö kine a kulya na jam nebi Yoele köŋ kunu adi, ¹⁷ Ŋun lo kulya adi, Kine kulya mo gwon sona i perok ti ’dutet, adi nan Ŋun mo ’bukökiŋdyö Mulökötyo lio i ŋutu liŋ, a ŋwajik kasu lulyan ko nawate mo keŋ keju, a ŋutu kasu teton mo meddi kulya kase i töilyet, a ŋutu kasu muduŋin mo rudweni rudwe. ¹⁸ iŋkoi, i kilu perok nan mo ’bukökiŋdyö Mulökötyo lio ma ’di i ’dupi kwe lyan se ko nawate; a lepeŋat mo keŋ keju. ¹⁹ A nan mo kweji ŋo sörösi ki yu ko kweyesi i kak ni, kweja adi rima ko kimaŋ se ko luru lo köpuröt. ²⁰ A kolor mo Iöpuŋge a mudwe, a yapa mo worani a rima i ŋerot na poŋdi lor lio lo Matat nu, ŋilu lor a duma ko a bulet. ²¹ A mo gwe sona adi, ŋutu liŋ lo luŋgu karin kwe ti Matat kilo mo lwölwökö. ²² Ta ŋutu ti Yisaraele, yiŋge ta kulo kulyaesi, adi Yesu lo Najareta a ŋuto logon Ŋun a ruk kasu i komor lo, a iŋge tiŋdu lepeŋ i koŋdya na ŋo temejik, ko sörösi, se ko kweyesi kasu kiden. Ta ko ’börik kasu a den kine kulya. ²³ Ŋun a tetendya ko a den a kokwe na kine ŋo adi ŋilo Yesu wuwuki kasu i konisi, a ta tindi lepeŋ i konisi ti ŋutu logon ti two saresi kanyit kilo i ’bikikindyo na lepeŋ i kodini na goro anyen twatwan. ²⁴ Ama Ŋun a toŋiju lepeŋ i twan; nye aje lakuŋ lepeŋ i tömiesi ti twan, kogwon twan ködyo ti bulo reregga lepeŋ. ²⁵ Kogwon Dawidi köju a jambu i kulya kanyit adi, Nan a met Matat ŋupi köyö i komor, kogwon nye gwon köyö könin lo lutatenanyen nan gwon ti bulo wiwiŋö. ²⁶ Nyenagon a töili lio gwe ko lyöŋön, a ŋedep lio jambi ko nyola;a mugun nio mönundye ko yenet. ²⁷ Kogwon do mo ti kölökin ködudwö nio kak yu i pirit na mulökö, a mo tine kölökin nan katwöyönit ilot i ’burön. ²⁸ Do a kwekindya nan kikolin lo tu i ru, a do mo töjoreji nan ko lyöŋön na gwondi nan konut i komor nu. ²⁹ Lupasirik, ti nan jamaki ta köke i kulya ti merenye likaŋ Dawidi; adi lepeŋ köju a twan ko a nuka. Gulöm nanyit nyuŋ kata kayaŋ tojo ko lo lor. ³⁰ Lepeŋ köju a nebi, a nye iŋge den adi ŋun a milyekin lepeŋ adi nye Ŋun mo titikin lele lo nyakwariat ti Dawidi i si ’daet nanyit na tumatyan, ³¹ a Dawidi iŋge met a kokwe a jambi kulya ti boŋon na Masia i twan, adi lepeŋ a ko koloki kak yu i pirit na muloko, koti opu nanyit a ko ’burön. ³² ŋun aje toŋi ŋilo Yesu i twan, a yi lio aje met kine kulya. ³³ Lepeŋ aje bulaki ki i könin lutaten lo Dun, a iŋge wuju Mulokotyo Loke ko lepeŋ, gwoso nagon nye Monye a milyekin tindu lepeŋ na. Nyenagon ŋo liŋ nagon ta a met ko a yio kine lepeŋ lo ’bukö¬kindyo ta. ³⁴ Kogwon Dawidi a ko tu ki yu, ama lepeŋ ko mugun nanyit a kulya adi, Matat Ŋun a kulya ko Matat lio adi, Si ’dakine koyo i könin lutaten, ³⁵ tojo ko nan a tin do i ryokakindya na merok kulok kak. ³⁶ Nyenagon ti ŋutu lio ti kotumit na Yisaraele dene den ’bura adi, ŋilo Yesu logon ta a ’bikikin i kodini na görö lo ŋun aje kon lepeŋ a Matat ko a Masia. ³⁷ A na yiŋge se kine kulya nu, a töilyet kase iŋge lwö ’yu, a se pije Petero se ko kulye luyökie kulo adi, Luoasirik, a yi de kondi nyo? ³⁸ a Petero takindye lepepat adi, Ta ŋutu liŋ geleŋ geleŋ, lopuŋge ta töilyet ko batisani ta batisa i karin ti Yesu Kristo, anyen ta pipitoki i toronjin kasu, a ta mo wuji Mulbkbtyo Loke a ’doket. ³⁹ Kogwon ta ko ŋwajik kasu se ko ŋutu lio lo gwon pajo, iŋkoi, ŋutu lio logon Matat Ŋun likaŋ luluŋ kilo a rukoki tiki ŋina ’doket''. ⁴⁰ A lepeŋ iŋgo tokurukindyo lepepat ko kulye kulyaesi jore, a jujuje se adi, lwök ta ’borik i ŋutu ti na toberon nakwolor na. ⁴¹ a ŋutu lo wuju kulyaet lonyit kulo iŋge batisa, kweja adi ŋutu gwoso alipan musala logon a ’yalaki i teŋ na kayupok i ŋilu lor. ⁴² A se yepe pakindya ’börik i yiŋga na luyökie i todindyo, ko i tojulin ko ’bbrik, ko i pipinya na ambata i pirit na geleŋ ko i kwakwaddu. ⁴³ a Ŋun tindi luyökie i kondya na po sorosi ko kweyesi jore nagon tindu ŋutu liŋ i kujono. ⁴⁴ a kayupok liŋ yepe gwon i pirit na geleŋ, a paŋi po kase liŋ; ⁴⁵ a lepeŋat tugwoŋi toro ’bo se ko tito kase, a kökorakindye i ŋutu liŋ gwoso i ’deket na ŋuto. ⁴⁶ a se yepe woro i Kadi na Ŋun i pirit na geleŋ perok liŋ, a pipindye ambata kase i midijik a nyesi kinyo ko lyoŋon ko töili geleŋ, ⁴⁷ a pupurje Ŋun, a ŋutu lip kulyani adi kilo ŋutu a lo ’but. Temba i lor a Matat ’yalakindye i lepeŋat ŋutu logon Iwolwoko kulo.