¹ Yahudi afdal be shunu? Wa faida ta tuhur shunu? ² Lakin de kebir be kulu teriga, awel haja ashan Yahudiin aminu be ilaan al min Allah. ³ Kan bi kun kef iza kan Yahudiin ma indu iman? hal shokol adam iman tomon de biwogif amana ta Allah? ⁴ ma bi agder. Lakin kede Allah bi kun sadigwa hata kulu insan kazab. Ze ma kan katibu. "Azu kede inta beinu adil fi klimat bitaki, wa ashan inta bi gilibu umon kan hukumu inta." ⁵ Lakin iza kan katiya ta nina bi wori bir ta Allah, nina bi kelimu shunu? hal nina bi kelimu inu Allah ma adil ashan bi kubu zalan tou fi ras ta nina? (Ana bi istakdimu wonusa ta insan.) ⁶ De ma bi hasil! Allah bi hakimu Duniya kef? ⁷ Lakin iza kan hagiga ta Allah be wasat kizib tai bi zidu wa bi jibu mejidle huwo, lee lisa bi hakimu ana ze zol ta katiya? ⁸ Lee nina ma kelimu, ze ma tahamu nina be kizib, wa ze ma fi baad min nas gal, kede nina amulu katiya. Ashan haja al kwes bi hasil? al hukum tomon adil. ⁹ Biga shunu? hal nina ahsen? La la kulu kulu, ashan nina isteki kulu, Yahudiin al kulu umon tehet katiya. ¹⁰ De ze ma katibu: Inu mafi ai zol kwes wele wahid. ¹¹ Mafi zol al bi fahimu, mafi shala zol wahid al bi fetisu Allah. ¹² Umon kulu rija wara, umon kulu ma baad biga ma indu faida, mafi shala wahid zol al ma amulu kwes, mafi, mafi, shala wahid zol ¹³ Roho tomon ze turuba al fadi, lisan tomon kabasu, sim ta debiba yau tehet kasma tomon. ¹⁴ Kasuma tomon maliyan be laana wa geliba al mur. ¹⁵ Kurein tomon seri fi dofugu dom, ¹⁶ karaba wa taab yau fi sika tomon, ¹⁷ Nas del humon ma arufu sika ta salam. ¹⁸ Mafi kafu ta Allah fi uyun tomon. ¹⁹ Hasa nina arufu inu kulu kalam al namus bi kelim huwo bi kelim le nas ta namus, de ashan kulu kasuma bi askut, wa Duniyakulu bi kun tehet hukum ta Allah. ²⁰ De ashan mafi jisim bi agder kutu adil gidam tou, bi shokol ta namus. ashan be wasat ta namus ja maarafa ta katiya. ²¹ Lakin hasa kwes ta Allah arufu bidun namus, kan shahidu be wasat namus wa anbiya. ²² Inu huwo kwes ta Allah be wasat iman fi Yesua al Mesih le kulu nas al aminu, ashan ma bi kun fi tefriga. ²³ Lianu kulu nas amulu katiya wa haramu min mejid ta Allah. ²⁴ Wa hariru umon majani bi wasat neima tou al be wasat tahrir al fi Mesih Yesua. ²⁵ Ashan Allah wodi al Mesih Yesua ze diya be wasat iman be dom tou, huwo gedimu al Mesih ashan bi wori adala tou, ashan alisu huwo kalam katiya. ²⁶ Fi sobur tou, de kulu hasil ashan bi zahiru kwes tou fi zaman ta hasa. de ashan huwo kutu ai zol adil ashan iman fi Yesua. ²⁷ Yala wenu dala? biga mafi, fi yatu mahal? la, lakin fi mahal ta iman. ²⁸ Biga nina bi hasibu inu zol de kwes be iman bidun amal ta namus. ²⁹ Au Allah de huwo Allah ta Yahudiin bes? hal huwo ma kaman ma Allah ta Umam? Naam, huwo kaman ta Umam. ³⁰ Iza kan Allah wahid be hagiga huwo yau bi beriru khitan be iman, ma zol al ma khatinu be iman. ³¹ Hal nina bi batilu namus be wasat iman? la, de ma bi agder, lakin nina bi sabitu namus.