¹ Baad dak Yesua wonusu le nas al limu wa le talamiz tou. ² Huwo gal, ''mulamin ta ganun wa Pharisiyin gaidin fi kursi ta Musa. ³ Ashan kida ai haja al umon asuru intum ashan bi amulu, amulu hajat del wa nadi umon. Lakin mata kun amulu hajat al umon bi amulu, umon bi kelimu hajat baad dak umon ma bi amulu. ⁴ Nam , umon robutu hajat tegil al saab ashan bi arfau, wa baad dak umon kutu hajat del fi kitfa ta nas. Lakin umon be nufusum ma bi hariku idan ashan bi arfau. ⁵ Umon bi amulu amail tomon ashan nas bi aiynu. Umon bi amulu hijabat kubar, wa umon bi kebiru atraf t gumasat tomon. ⁶ Umon bi hibu mahalat ta salatin wa karasi ta salatin al fi biyut ta salawat, ⁷ wa salamat kas fi asuak, wa nas bi nadi umon 'Ilahana'. ⁸ Lakin intum keli ma nadi umon Ilahana,' ashan intum indakum wahid mualim, ⁹ Wa intum akwan. wa keli intum ma nadi ai zol fi ard abu takum, Ashan intum indakum wahid abu bes, wa huwo fi samah. ¹⁰ Keli ma nadi intum mualim' le anu indakum wahid mualim bes, al huwo Al mesih. ¹¹ Lakin zol al agbar min intum bikun khadam takum. Zol al bi arfa nefsu bi nezilu , ¹² Wa ai zol al bi nezilu nefsu bi arfau. ¹³ Lakin Woe le inta, kataba ta ganun wa Pharisiyin, Mumesilin! Intum gofulu molokut ta samah min nas. intum be nufuskum ma dakalu, wa intum abusu nas al dier dakalu. ^{14 15} Woe le inta Mualimin wa Pharisiyin, mumesilin! intum be safir beid ashan bi geiru nas, wa fi zaman huwo geiru le diin takum, intum geiru huwo maraten wa aktar ashan bikun jena ta johanam. ¹⁶ Woe le ita, intum al amiyanin, intum al bi gul, 'Ai zol ali bi alifu be haikal, mafi muskila. Lakin ai zol ali bi alifu be dahab ta haikal, bi robutu huwo be alifa tou.' ¹⁷ Intum al amiyanin! Sunu yau kebir dahab wele haikal al bi amulu dahab ashan bi kun kudus? ¹⁸ Wa 'Ai zol ali bi alifu be masba, mafi muskila. Lakin ai zol al bi alifu be hadaya al fi masba, bi robutu huwo be alifu tou.' ¹⁹ Intum al amiyanin Sunu yau kebir, hadaya wele masba al bi amulu hadaya ashan bi kun kudus ²⁰ Ashan kida, zol ali bi alifu be mambar bi alifu be mambar wa ai haja al fi mambar. ²¹ Zol ali bi alifu be haikal bi alifu be haikal wa be zol al aizh fogo. ²² Wa zol ali bi alifu be samah bi alifu be kursi ta Allah wa be zol al bi geni fogo. ²³ Woe le inta, kataba ta ganun wa Pharisiyin, mumesilin! Intum bi gedimu ushur nana samar agdar wa komun, lakin intum sibu hajat al mohim ta ganun-adala wa rahma wa iman. Lakin del yau afrud intum bi gedimu wa intum afrud ma bi sibu hajat tanin. ²⁴ Intum nas al amiyanin, intum bi safau asharat bara min moyo lakin intum bi abula jemel! ²⁵ Woe le intum, kataba wa Pharisiyin, mumesilin! Intum bi nedifu dahar ta kubaya wa sahan ,lakin fi jua tou malayan be tama wa nahab. ²⁶ Intum Pharisiyin al amiyanin! Nedifu kubaya wa sahan min jua, ashan dahar tou bi kun kaman nedif. ²⁷ Woe le intum kataba ta ganun wa Pharisiyin, mumesilin! Intum ze turba al dugu be buhya abiad, ali bi zahir be bara giyafa, lakin min jua malyan be udam ta nas meitin wa ai haja nijis. ²⁸ Be nefsu teriga, min bara intum bi zahir nas al kwesin, lakin min jua intum malyan be temsiliya wa nas al ma bi hafisu ganun. ²⁹ Woe le intum kataba ta ganun, Pharisiyin, mumesilin! intum abinu turubat bita anbiya wa lounu gubur ta nas al kwesin. ³⁰ Intum bi gul Izakan nina kan aishin fi zaman ta abuhat ta nina, nina kan ma bi shariku ma umon fi dofugu dom ta anbiya.' ³¹ Ashan kida intum sahidu be nufuskum be inu intum iyal ta nas al kan katulu anbiya. ³² Intum kaman malau makan bita abuhat takum. ³³ Intum dabaib, iyal ta dabaib al endum sim, intum kef bi jere min hukum ta johanam? ³⁴ Ashan kida, aiynu Ana bi rasulu le intum anbiya wa nas al hukama wa kataba ta ganun. Intum bi katulu wa bi selibu tanin, wa intum bi jeledu tanin fi mahalat ta salawat wa bi turudu umon bara min medina le medina. ³⁵ Netija tou dom al saleh bi tala min intum al kan dofugu fi ard, dom min Abel al saleh, le dom ta Zecharaih jena ta Barachiah, Ali intum katulu beinu haikal wa mazba. ³⁶ Ana bi kelim le intum hagiga, hajat del kulu bi ja fi ras jil de. ³⁷ Urselim, Urselim, intum al katulu anbiya wa durubu del al rasulu le intum! Ana bi limu iyal takum sawa daiman kef, ze gidada bi limu iyal tou fi tehet jena tou, lakin intum ma rudu ³⁸ Aiynu bet takum sibu fadi. ³⁹ Ana bi kelimu le intum, Min hasa Intum ma bi aiynu ana lahadi intum bi gul, Baraka le de al bi ja be isim ta Rabana.'''