¹ Fi nefsu zaman talamiz ja le Yesua wa gal, Munu yau kebir fi molokut ta samah?'' ² Yesua nadi jena suker, wogifu gidam umon ³ wa gal, ''Ana bi kelim le intum hagiga, Ile kan inta aglib ze jena saker, be ai teriga intum ma bi dakalu fi molokut ta samah. ⁴ Ashan kida, ai zol al bi nezilu nefsu ze jena suker de kebir fi molokut ta samah. ⁵ Ai zol al bi rahibu jena suker de fi isim tai bi rahibu ana. ⁶ Lakin ai zol al bi kutu iyal al amin fi ana del amulu katiya, huwo bi kun kwes le huwo ashan bi aligu hajer ta tahuna fi ragabta tou, wa bi jadau huwo fi bahar. ⁷ Woe le duniya al bi sibu nas ashan amulu katiya! fi aslan hajat al bi sibu nas ashan bi amulu katiya, lakin woe le zol al bi sibu zol tani ashan amulu katiya! ⁸ Iza kan idan taki sibu inta amulu katiya, gatau bara wa jadau beid. huwo bi kun kwes le inta ashan bi dakalu fi haya al abadiya bidun idan bidal bi jadau inta fi nar al abadiya indak itnin idan au itnin kura. ⁹ Iza kan ena taki sibu inta amulu katiya, talau bara wa jada beid min inta. Huwo bikun kwes ashan inta bi dakalu fi haya abadiya bidal inta bi dakalu fi nar abadiya indak kulu uyun. ¹⁰ Keli intum kun harisin ashan intum ma alisu iyal del. ana bi kelim le intum be-inu fi samah malaikat tomon daiman bi aiynu le wusa ta Abu tai al fi samah. ¹¹ .. ¹² Inta bi fekir sunu? Iza kan ai wahid indu miya korfan, wa wahid min umon woduru, hal huwo ma bi sibu al tisa wa tisein fi jebel wa ruwa ashan bi fetisu wahid al woduru dak? ¹³ Iza kan huwo ligo, Ana bi kelim le intum hagiga, huwo bikun farhan kalis ashan wahid de bidal tisa wa tisein al ma woduru. ¹⁴ Fi nesfu teriga, huwo ma irada ta Abu taki al fi samah ashan wahid min iyal del bi mutu. ¹⁵ Iza kan aku taki al mumin amulu le inta batal, amshi wa wori galat tou, bein inta ma huwo bes. Iza kan huwo asuma inta, inta amulu alaka tani ma aku taki. ¹⁶ Lakin iza kan ma asuma le inta, shilu wahid zol au itnin nas tanin ma inta ashan kalam ta itnin wele talata nas bikun hagiga ¹⁷ Wa iza kan huwo aba ashan asuma le umon, wori kalam de le kenisa. Iza kan aba asuma le kenisa, keli huwo kun ze zol al gheir yahudi wa zol ta daraib. ¹⁸ Ana bi kelim le intum hagiga, ai haja al intum robutu fi ard bi robutu fi sama, wa ai haja al intum fiku fi ard bi fiku fi samah. ¹⁹ Ana bi kelimu tanimara, iza kan itnin minakum rudu fi ard ai haja al umon asalu, bi amulu le umon be Abu tai al fi samah. ²⁰ Iza kan itnin au talata nas limu be isim tai, Ana bi kun fi nus tomon.'' ²¹ Baad dak Buturs ja wa kelimu le Yesua, ''Rabana, Kam marat aku tai bi amulu le ana batal wa ana bi afi huwo? Lahadi saba marat?'' ²² Yesua kelimu le huwo, ''Ana ma kelim le inta saba marat, lakin sebein fi saba. ²³ Ashan kida molokut ta samah bes ze melik tani al deir ashan amulu hisab ma kadam tou. ²⁴ Zema umon bi amulu hisabad, jibu wahid kadam tani al kan shalu min huwo alaf min gurus. ²⁵ Lakin ze huwo ma indu teriga ashan bi dafa, zol tou al mosul wodi wosia ashan bi biyu huwo ma mara wa iyal tou wa ai hajat al huwo indu, wa ashan bi dafa hajat al huwo kan shilu. ²⁶ Baad dak kadam de waga tehet, dengir gidam huwo, wa gal, 'Ya seid, asbur lei, Ana bi dafa le inta.'ai haja.' ²⁷ Baad dak zol al mosul le kadam de, ze kalam de lemesu huwo, huwo fiku wa afi kadam de ma kulu dein al kan huwo shilu. ²⁸ Lakin kadam dak ruwa wa ligo wahid min kadamin tou, al shilu min huwo miya dinar. Huwo gobudu huwo, amsuku ragaba tou, wa gal, 'dafa le ana haja al kan inta shilu.' ²⁹ Lakin kadam tou waga tehet wa asalu huwo, gal, 'Subur Ana bi dafa le inta.' ³⁰ Lakin kadam al awel de aba. Huwo ruwa wa gofulu kadam de fi sijin lahadi huwo kan dafa haja al kan huwo shilu. ³¹ Zaman kadamin al kan ma huwo aiynu haja al hasil, umon biga ma murtahin. Umon ja wa wori le reis tomon ai haja al kan hasil. ³² Baad dak zol al mosul ta kadam dak nadi huwo wa kelimu le huwo, 'Inta kadam al sherir, Ana afi inta min kulu diyun ashan inta shadni ana. ³³ Inta ma bi ma indak rahma le kadam taki, zema kan indi rahma? ³⁴ Reis tou tala zalan wa istelimu huwo ashan bi azibu lahadi huwo kan dafa kulu hajat al kan huwo shilu. ³⁵ Kaman abu tai al samawi bi amulu le inta iza kan inta ma afi aku taki min juwa gelbak.''