¹ Delin yau al kiadat usar ta judud tomon al sibu Babilonia ma ana zaman al hukum ta melik Artaxerxes. ² Ta ajial ta Phiehas, Gershom. Ta ajial ta Ithamar, Danial. Ta ajial ta Daud, Hattush. ³ Ta ajial ta Shecaniah, al kan min ajial ta Parosh, Zechariah, wa ma huwo hinak kan 150 rujal sejilu fi sejla ta kalfia tou. ⁴ Ta ajial ta Pahath-Moab, Eliehoenai welet ta Zerahiah wa ma huwo kan miten rujal. ⁵ Ta ajial ta Zattu, Ben Jahaziel wa ma huwo kan tultumia rujal. ⁶ Ta ajial ta Adin, Ebed welet ta Jonathan wa ma huwo kan sejilu kamsin rujal. ⁷ Ta ajial ta Elam, Jeshaiah welet ta Athaliah wa ma huwo kan sejilu sebeyin rujal. ⁸ Ta ajial ta Shephatiah, Zebasiah weled ta Michael wa mah huwo kan sejilu tamanin rujal. ⁹ Ta ajial ta Joab , Obadiah weled ta Jehiel wa ma huwo kan sejilu 218 rujal. ¹⁰ Ta ajial ta Bani, Shelomith welet ta Josiphiah wa ma huwo kan sejilu 160 rujal. ¹¹ Ta ajial ta Bebai, Zechariah weled ta Bebai wa ma huwo kan sejilu tamania-isrin rujal. ¹² Ta ajial ta Azgad, Johanan weled ta Hakkatan wa ma huwo kan sejilu 110 rujal. ¹³ Delin ta ajial ta Adonikam ja wara. Delin kan asma tomon: Eliphelet, Jeuel, wa Shemaiah wa ma umon ja sitin rujal. ¹⁴ Ta ajial ta Bigvai, Uthai wa Zaccur wa ma huwo kan sejilu sebeyin rujal. ¹⁵ Ana limu al musafirin fi al kana al masin le Ahava, wa nina jamau inak talata ayom. Ana tamamu al nas wa kahana, lakin ma agder ligo ayi ajial ta Lawi inak. ¹⁶ Kida Ana rasal le Eliezer, Ariel, Shemaiah, Elnathan, Jarib, wa Elnathan wa Nathan, Zechariah, wa Meshullam-al kan kait-wa le Joiarib wa Elnathan-al kan mualimin. ¹⁷ Kaman Ana rasalu umon le Iddo, al khaid fi Kasiphia. Ana wori le umon sunu le kelim le Iddo wa ahal tou, kudam al haikal bi geni fi Kasiphia, de yau, le rasulu le nina kudam le al bet ta Allah. ¹⁸ Kida umon rasal le nina be ida al kwes ta Allah rajil ismu Sherebiah, zol hakim. Huwo kan min jil ta Mahil welet ta Levi weled ta Israel. Huwo ja ma tamantasar awulad wa akwana. ¹⁹ Ma huwo ja Hashabiah. Hinak kaman kan Jeshaiah, wahid ta al ajial ta Merari, ma akwana tou wa awulad tou, isirin rujal kulu. ²⁰ Ta delin wodi le kidma fi al haikal, al Daud wa muozifin tou wodi le kadimu al Lawien: 220, kulu wahid be isim wodi sokol. ²¹ Baad dak Ana alinu siyam fi al Ahava Kanal le nezilu nufustanina gidam Allah, le fetisu sika al adil min huwo le nina, sukerin ta nina, wa kulu mumtalakat tanina. ²² Ana kan kajlan le asalu al melik le al jesh au rujal husan le hafisu nina did ada fogo al sika, talama nina kalas kelim le al melik, 'Al ida ta Allah tanina yau fogo kulu al fetisu huwo le kwes, lakin guwa tou wa gadab yau fogo kulu al nesitu huwo.' ²³ Biga nina samu wa fetisu Allah an de, wa nina kore le huwo. ²⁴ Baad dak Ana iktaru rujal min al muazifin kahanut: Sherebiah, Hashabiah, wa asara ta akwana tomon. ²⁵ Ana wozinu bara le umon fida, dahab, wa al hajat wa tekdimat le al bet ta Allah al melik, mustusarin tou wa muwazifin, wa kulu Israel kalas gedimu majani. ²⁶ Kida Ana wozinu fogo ida tomon 650 guramat ta fida, miya guramat ta hajat fida, miya guramat ta dahab, ²⁷ isirin aduwat al kan sawa kaman bekima ta alf dariks, wa itnin burunziat nedifu-kwes maunat gali/mukayem ze dahab. ²⁸ Baad dak Ana kelim le umon, ''Intum kalas kerisu le Yahwa, wa hajat delin kaman, wa fida wa dahab al tekdimat hurrida le Yahwa, al Allah ta judud takum. ²⁹ Harisu fogo umon wa hafisu umon lakadi intum wozinu umon bara gidam al muwazifin kahanut, Lawien, wa kiadat ta usar ta Israel fi Urselim fi al guraf ta al bet ta Allah.'' ³⁰ Al kahana wa al Lawien gabilu al fida al wozin, dahab, wa al hajat ashan biga le silu umon le Urselim, le al bet ta Allah ta nina. ³¹ Nina ruwa bara min al Ahava Kanal fi al yom itnasar ta sahar wahid le mamuria le Urselim. Al ida ta Allah ta nina kan fogo nina; huwo hafisu nina min ida ta adu wa al delin al deiru le keminu le nina fogo al sika. ³² Kida nina dakalu Urselim wa geni hinak le talata ayam. ³³ Baad dak fi al yom nimra arba al fida, dahab, wa hajat kan wozinu bara fi al bet ta Allah, fogo al ida ta Meremoth weled ta Uriah al kahin. Ma huwo kan Eleazar weled ta Phinehas, Jozabad weled ta Jeshua, wa Noadiah weled ta Binnui al Lawi. ³⁴ Al adad wa wozin ta kuluhajat kan hadidu. Kulu al wozin kan moktub tehet fi zaman dak. ³⁵ Delin al rija wara min al abudiya, al nas ta mihijar, gedimu tekdimat mahruk le Allah ta Israel: itnasar teyran le kulu al Israelien, sita-tisyin korufan, saba-sebyin dinan, wa itnasar galamayat abu rajil ze tekdimat katiya. Kulu kan tekdima mahruk le Yahwa. ³⁶ Biga umon wodi al karar melik le muwazifin kubar ta melik wa al hukam fi Wilaya Beid min Bahar, wa umon saidu nas wa bet ta Allah.