¹ Kalam de hagiga: Kan ai zol indu niah ashan yekun rai, indu niah ta sokol al kwes. ² Ashan kida rai bekun bidun lom. Huwo bikun Rajil le mara wahid. huwo bikun adi, huwo bi zol agil, ta nizam, bi deifu nas. Huwo bi agder ashan bi derisu. ³ Huwo mabi kun zol al bi asrub ketir, ma zol ta mashakil, lakin zol kerim, ta salam. Huwo ma yekun zol behibu gurush. ⁴ Huwo kede dier bet tou kwes, wa ilal tou kede asuma kalam tou be kulu ihetiram. ⁵ Eza kan fi rajul al ma bi arufu dier bet tou, kef huwo bi kutu balu le kanisa bita Allah. ⁶ Huwo ma bi kun muomin jedid, ashan kede huwo ma bi mala ma kebriya wa mumkin bi waga le deyinuna ze ta setan. ⁷ Huwo yekun indu sumaa al kwes, ashan huwo ma bi waga fadiya wa shrak ta ibiliz. ⁸ Shamamisa, kazalik, wodi lemon ihitiram, ma nas ta kasuma teen. Humon kede ma ashurub marisa ketir au bi kun tamhin. ⁹ Humon kede istemir fi beinu hagiga ta iman ma demir al nedif. ¹⁰ Awolan kede sedegu humon, ashan kede humon yakdemu be sabab humon be la lom. ¹¹ Nuswan be nefsu teriga wodi lemon ihtiram. humon keli ma yekun nas bita nemima. Humon bikun adi-in wa aminin fi kulu hajat. ¹² Shamamisa lazim bikun rujal le mara wahid. humon lazim bi dier iyal tomon wa biyut tomon. ¹³ Le del al kadimu kwes humon beligo wuguf kwes wa sikha al azim fi iman al fi Yesua al Mesih. ¹⁴ Ana bi katibu hajat del le inta, wa ana indi sikha ashan bija le inta gerib. ¹⁵ Lakin kan ana akhir, ana katibu ashan inta bi arufu kef inta bisaraf fi bet ta Allah, al huwo kenisa ta Allah al hai, de amut wa difa al hagiga. ¹⁶ Huwa ma bi anguru ashan bi zahiru hagiga ta kafu Allah azim. Huwo zahir fi gisim, shahidu be Roho, Ainu be malaikat, wa besiru be-inu( fi nus ta) umam, al-am amin fogo, wa shalu fok fi mejid.