¹ Ashan kida fi al awel, Ana be asalu, salawat, mojmu sala, wa wode shukur min ajili nas kulu, ² le muluk wa kulu anas fi sulta, hatta anas bi esh fi salam wa haya al adi be kulu kafu ta Allah wa ihitiram. ³ De kwes wa magkbul amam Allah mukhalisna. ⁴ Rakba tou le nas kulu kede khalisu wa bija le maharafa ta hagayik. ⁵ Inak fi wahid Allah, wa wahid wasit le Allah wa rajul, al rajul Mesih Yesu. ⁶ Huwo wode gisim tou bidal le kulu, ka suhuda fi zaman al munasib. ⁷ Le sabab de, Ana, be-nebsi, amulu ana mubashir wa rasul. Ana be wori al hagiga. Ana mualim le nas al ma Yahudin fi iman wa hagiga. ⁸ Ashan kida, Ana deir rujal kede selli fi kulu mahallat wa bi arfa fuk hedenat mukadas bidun zalan au niekash. ⁹ Be nebshu teriga, Ana deir nusuwan kede libishu malabis al kwes, libsa al muhutaram wa dabta nefs. Shar tomon ma bi mesitu, wele dahab, wele hajat ta tejmil wele, wa malabis al gali. ¹⁰ Ana deir humon keli lebisu malabis bita nusuwan al bi wori haya al kwes bewasat sokol al sale. ^{11 12} Mara kede alimu be sukut wa be wodi nefsu kulu. Ana ma bi asma mara ashan bi derisu au yumaris sulta fok rajil, lakin kede ye-ish fi sukut. ¹³ ashan Adam kalagu awel, wa ba dak kalagu hawa. ¹⁴ Ma kabasu Adam, lakin Hawa yau Kabasu mara wahid fi mukalafa. ¹⁵ Lakin kaman huwo bi kalisu be weledu bita iyal, kan humon sabit fi iman wa mahaba wa ye- izh haya ta kadasa ma dabta nefs.