¹ Vu naniga Farizei zipi karania zipi to evoki Yeruzaleme ga si Yezu di. 'Joki, ² "Nya ma'ju katu cara am'ba kaka di ni di a'dusi? Adusiku 'jweki di linya nyare ga pkwa ku. ³ Anda 'ai aini, Anyatu cara Rubanga di anya leti anyidi leka ayo si 'adusi? ⁴ Adisiku Rubanga ku'jo, "Ru nya'ata pi nye'nde to,' pi ''Mo'di nga injwi ri ni 'jore ata ni ruge kusa ende ni ruge kuda rere kpwo. ⁵ ' Ki anyi 'joo, 'Ekonyi esu kulee anyesu madi si ri diadu ecoru azi kele Rubanga ni ri 'i," ⁶ onguru mo'di nani ata ni ruka leru kuru.'Le'ti di si anye'be le'jo Rubanga di ecoru ekwi ako leti leti anyidi si. ⁷ Anyi 'ba 'ba lunjwa'ba ri 'i! Le'jo Izaia a 'jole anyini ruge ri anda , ada 'jozo, ⁸ 'Ba di kuruki ma aia ti si, ki aia asi ma'to lolu. ⁹ Laru aia kele ma'ni ri ekwi ako adusiku keleniki cara 'ba di lini aidi 'du ayo." ¹⁰ 'Nag edulungwe laki na anda ni mara ga, edu 'jo aiani, "Anyeri nga, pi anyeri akwi na-- ¹¹ Nga kwire tige ri andi modi ku. Rari, nga efure tige si ri 'i, di ayo kendi mo'di ni." ¹² Va nani ga Ma'ju evo 'joki Yezu ni,"Nyini ra Farizei'ba evoki anga le'jo nya 'jole ri si 'i? ¹³ Yezu 'ai, ku'jo,"Kwe alu alu Ma'ata ni rubu ge ri a sule ni ku ri evo anjua pi. ¹⁴ 'Ebe ai adi ra adute, ai 'ba mi ako 'ba lase'ba ri pi 'i. De mo'di mi ako ri kalase mo'di zi mi ako ri ni, 'ai eri twa kujoki 'bu aga ra." ¹⁵ Peturu 'ai Yezu ni ti ongu 'jo,"Nge amani obebi di ni ekwi." ¹⁶ Yezu 'jo,"Nyi' isa adi nyeri nga ni ekwi ku? ¹⁷ Nyinde kuru nga alu alu kwire tige ri kukwi ikwi aga ongu azia zo ru ekonyi zo ri ni aga 'i? ¹⁸ Ki nga ekwire ti ge si ri kemu asi aga si. Ai di nga mo'di endire ri 'i. ¹⁹ Adusiku ra injwi injwi ri pi, lo'di, assa/awu, 'ogu, ti ondika pi 'ba edeka to koyi ti ge si . ²⁰ Ai di pi nga 'ba edire ri pi 'i. Ki linya nyaka di jweka ako endi mo'di ku." ²¹ Yezu 'mu wo na'a si pi logo Taya pi di Sidoni to ri ni ge. ²² Anyinde, Kanani 'zi emu logo nani ga si. Edu jwaongu 'jo,"Kiza kuko nyi masi, Opi, Davide 'a ngwa!/Ori Davide! Ori de zangwa 'madi ni dige angi." ²³ Ki Yezu 'ai ti na kwa kuru.Ma'ju andadi 'aiki anda ni, 'joki "zwe/do anda ni pi, adusiku anda ko'jwa 'ba ni vuga." ²⁴ Ki Yezu 'ai, ongu 'jo,"Ezwe 'ma modi zi/'ba zi, di ku ki te bilo legwere zo Izaraili di ni aga si di ri pi di." ²⁵ Ki izi na emu wo anda ni anda ga, ku'joo,"Opi ekonyi 'ma." ²⁶ Yezu 'ai 'jo," Bonji ni linya 'duka ongu vika na oke 'bonji ni ni esi ku." ²⁷ AndaIz i na 'jo,"Ooo,Opi, ki oke ni 'bonji sa kunya linya ni fufu ejore amba di teremeza ga si ri. ²⁸ Ongu Yezu 'ai anda ti, ku'jo,"Izi, nya 'ai ambwugo du; kederu nyini nya lezo ri ani."Zwa ni ru ebwe sa na si ra. ²⁹ Yezu 'ebe ole na ra, edu 'mu Meri Galilea di ni mara ga. Vu nani ga edu 'tu ri 'be dige na 'a. ' ³⁰ Ba yayadu evoki andadi. eziki 'ba 'pa ebwe'ba ra ri pi, 'ba mi ako ri pi, 'ba lamu'ba anda pkwe ri pi, 'ba yayadu zi pi lajwa to ri pi to. ³¹ Eziki ai Yezu ni pa ga, ongu anda ebwe ai ni ru ra. Ebe du 'ba au okpwosi aia ndeka 'ba ti ako ri pi a loro'joka si, 'ba pa ako ri pi ni a ru ebweka si' 'ba lamu'ba pkwe ri pi a lamuka si, ongu 'ba mi ako ri pi a nga ndeka si. Edu ecuki Rubanga Izaraili di ra. ³² yYezu lungwe anda maju ongu 'jo ai ni,"Kiza ko ma laki di si cwi, adusiku oluki ma'to dia diadu odu ina 'dii nya'ki nga kuru. Male amazwe 'ai pi nga nyaka ako pi ni ku;de dini kude'ki abiri si leti ge ra." ³³ Ma'ju 'jo anda ni, "Esuki/Amesu mugati atere 'laki di ninyale wa ri ingua dwarikwe ovi dini aga dia," ³⁴ Yezu 'jo aini,"Mugati anyidi a'a ri si?"Ku'joki,"Tudyeri, e'bbi ni ciri ciri to." ³⁵ Vu naniga Yezu 'jo laki kuri vuru. ³⁶ Anda 'du mugati tuderi na 'ebbi to, anjo keka a vuga, edu langu mugati napi ongu ke ai maju ga.Maju edu lanju mugati na pi laki na ni. ³⁷ 'Ba nya nga ate 'ai to. Edu taki mugati ni fufu ongure ra ri kate evo tuderi. ³⁸ 'Ba nga nyaba ri a weli kate elifu su, uku bonji ciri to laka ako nga. ³⁹ Vu nani ga, Yezu edu aca laki na ra ongu edu kwi ibbo aga, nga mu du logo Magadana di ni ga.