¹ Ire saa nasi, Erode ni tetaraki'go ri eri ofu Yezu a dile ga ra. ² 'Jo anda ibu'ba ni/opigo ni,"Di Yoani Batista i;anda enji da ga si ra.Di le'jo ni ekwi mori dipi a i'bu dedzo ru na ni ga si ri 'i. ³ Erode ko Yuwani ni, ombe anda ni cwi,edu 'ba anda ni mabusi aga le'jo Erodia ni adozi ni Pilipo a izi di si. ⁴ Adusiku Yowani 'jo anda ni,"Cara le kuru nyini anda ni 'bazo nyini izi du 'i." ⁵ Esu Erode kudi anda ni ra, ki ori 'ba ra, adusi ku 'ba borodu aiki anda ni porofeta du/'ba burodu aiki ra anda ni porofeta i. ⁶ Odu Erode ni tizo ri a karama ni nga,Erodia a zwa tu nga 'ba a ga, ongu di edu ke anjo Erode ni ra. ⁷ Ti na ni ga/ayo si,edu 'jo anda ni raluka to, anda kuke laka nga anda zile ri ra. ⁸ Ende a laka ciri/cara keka a vuga, anda 'jo, "Eke mani, sakani di ni aga Yuwani Batista ni di 'i." ⁹ Opi ni asi lajwa ko okpwosi nga zangwa di a nzile ri si,ki anda raluka ra si, onguru 'ba ri'ba anda to nga nyare ga ri pi ni mi si, anda ke cara kulee kederu ra. ¹⁰ Anda zwe ofu ongu eli Yuwani ni di mabusi aga si ra. ¹¹ Vu nani ga ezi dini sakani aga, edu ake zangwa ri di, ongu edu zi ende di. ¹² Vu nani ga, maju andadi evo duki anda ru, seki ra. Di a vu ga, voki 'joki Yezu ni ra. ¹³ Yezu eri le'jo ile iledi, anda longwiru na'a si o'bo si , kare lolu 'ba ako ri ni ga.De laki keri ofu ile wo ra, eduki koki anda vu 'pa si tauni aidi ni ga si/tauni aidi mbwi mbwi ri ni ga si. ¹⁴ Yezu emu aini anda ga, edu nde laki ambwugona iledi, kiza ko anda ni aisi cwi, ongu edu ejwa ,ba aidi ru injwi ri pi ra ebwe 'ba aidi ru injwi ri pi ni ru ra. ¹⁵ Undwe laga,ma'ju evo anda di, 'joki,"Kare di dwarikwe ni a, itu diadu kude.Aca laki di pi, dudu kuvoki 'ba a si linya gere ga aini. ¹⁶ Ki Yezu 'jo aini,"Ai ni voka pi ni leru kuru. Anyike aini nga nyale." ¹⁷ 'Joki anda ni,"Amadi dia aa ri mugati tou ebi eri to." ¹⁸ Yezu 'jo,"Anyzi 'ai madi. ¹⁹ Vu nani ga Yezu ke cara laki ni rizo vuru ayise dige. Anda 'du mugati tou ri pi ebi eri ri to. Anda nga ndere ga oru ri ni ga,edu co tutu ru na pi ni ga, ²⁰ langu ai ra, ongu ke anda ma'judi, ongu ma'ju edu lan'ju laki ni. ²¹ Ai borodu nyaki nga, 'a na pi ga to. ²² Mbwesa 'ba ma'ju toru 'ibo aga, vore ga a'do ga ati, anda laki acare ga si. ²³ Anda a ma'ju zweka pi a vuga, nga mu be dige adute elegire ga.Anda olu na'a adute bwi undwe laga. ²⁴ Ki i'bo le esu wo lolu rere logoti/vu to, kuluwe ii dige si,adusiku esu oli kelwe aidi lele. ²⁵ Saa su ini di si, Yezu etoru aito ire, kemu meri dige si. ²⁶ De ma'ju nde anda kemu ii dige si, ori ko ai cwi ongu 'joki,"Di ori ori," ongu owuki ori si ra. ²⁷ Ki Yezu 'jo nga 'aini mbwesa to, ku'jo,"Anya asidi kolu okpwo! Di ma 'i!Akori ku." ²⁸ Peturu ai anda ti, ku'jo,"Opi,de ile nyi 'i, 'jo mani amemu nyidi ii dige si." ²⁹ Yezu 'jo,"Emu". Ebedu Peturu nga 'ibo aga si, edu mu ii dige si Yezu di. ³⁰ Ki de Peturu kunde olini,ori ko anda ni cwi. Anda edoka sire ga ii aga, edu jwa, "Opi,lari ma!" ³¹ Yezu mbwesa ejo anda di, edu ko Peturu ni cwi, ongu 'jo,"Nyi 'ai ga'angwadu ri to ri, nya'u aduni?" ³² Yezu pi Peturu to toruki 'ibo aga iledi, oli ede lweka ra. ³³ Oiyo ma'ju 'ibo aga ri ruki Yezu ni ra, 'joki,"Bwa bwadu nyi Bura Rubanga di 'i." ³⁴ Jwaki meri ni iledi, nga voki logo dige Gennezareti ga. ³⁵ Ba kare nani ga ri etiriki Yezu ni ra, edu zweki ofu kare ire ire ri ni ga, ongu eziki mo'di alu alu ru injwi ri andadi. ³⁶ Aiki andani, duba ai kelo anda bongu ni ti 'i, ongu 'ba borodu anda bongu ni ti elo'ba ra ri pi ni ru ebwe ra.