^{1 2} 1 Paulo ni maju Kristo Yesu dii le Rubanga disi, cwi waraga 'di 'ba Rubanga di okole Efeso ga ri ni, a'i egenile wa Kristo Yesu ni aga. 2 Kiza i'bwe to engare Rubanga ni ama Ata 'i pi Opi Yesu Kristo di si ri to kolu anyito. ^{3 4} 3 Kulee Rubanga pi Ata ama Opi Yesu Kristo di akecu, Andaa ni tutu tuwadu endi di ni kere amani kare oru ripi nigasi Kristo ni 'aga rii.4 Rubanga lupe ama Andaa ni 'aga furu eze vu a re'donga, dudu amolu okole pi nga injwi ri ako Andaa andaga le aga. ^{5 6} 5 Rubanga lupe ama eze lufule 'bonji Andaa dii du Yesu Kristo ni 'aga, le Andaa di loso risi. 6 Amani lufuka Andaa 'bonji du 'di ezi Andaa kiza yayi di 'di ni ecuka, kiza Andaa kele amani Andaa Ngwa ni Alu Andaa lele ndo ri ni aga rii. ^{7 8} 7 Yesu Kristo ni aga amesu lari Andaa eri si pi ama enji ni e'beka to Andaa limi kiza di karako ri si. 8 Andaa enyai kiza 'di amani pi enja amani ciri pi nga nika to. ^{9 10} 9 Rubanga e'dete amani nga ruzure di Andaa le di, kende nga Andaa ni asi i'bwe kere ri ani, pi nga Andaa e'detele Kristo ni aga rii. 10 dudu de saa loso ile mu esara, Rubanga kemu du nga vu dige 'dia ripi nga oru ru'buge ripito kare aluga Kristo ni kumu kolu a'ia di 'i. ^{11 12} 11 Nga tuwadu ederu ra Rubanga di si, pi le Andaa di si, pi Andaa le'jo ni ti o'bazo re ri ani Andaa lezo riani. 12 Rubanga lupe ama 'ba limi Andaa di ni esu'ba rii du, dudu ama 'ba ati Yesu Kristo ni egeni'ba 'di kolu du Andaa yayi ni ecuzo. ^{13 14} 13 Anyi saa, Yesu ni aga, lele anya le'jo gba di ni erizo, ofu loso anya lari di, anya'i Andaa ni ra pi a'ba anya ruge alama, andaa ni Endi Okole anda ecarale ra rii, 14 Andaa ni gura nga tozo amavo amesuo ra ri dii kusa ko saa nga ilepi ni esunga, yayi Andaa di ni esuzo ^{15 16} 15 Le'jo 'disi, e'doru o'du maa le'jo a'i anyidi Opi ni aga pi anya le 'ba Rubanga di okole tuwadu ri ni erizo ri niga, 16 me'be anjo keka Rubanga ni anyisi kuru malungwe anya ru elegi madi niga. ^{17 18} 17 Melegi dudu Rubanga ama Opi Yesu Kristo di, Ata eku dii, kuke anyini endi ciri dii pi nga ruzure di ri ni a'detezo rii Andaa ni nizo. 18 Melegi dudu anya asi ni mi kawiru, dudu anyini igeni Andaa anyini lungwerega ri pi limi Andaa nga mule esule yayi di ile 'ba Rubanga di okole tuwadu ri ni lelega. ^{19 20 21} 19 Maa elegi niga, mazie dudu anyini amgbu Andaa okpo di o'bile kpe ri ama 'ba a'i'ba ri ni, kende Andaa mori a i'bu edezo Andaa okpo si ri ani. 20 'Di okpo alua Andaa e'bule Kristo ni enjizo pi da asi pi 'ba Andaa ri Andaa di anda niga oru ru'buge. 21 Andaa 'ba Kristo ni ri oru zwa amba oru pi mori, keri pi okpo tuwadu ra pi Andaa ru zwa ru zi'ba tuwadu lungwele ripi ra. Kristo ni kumu kuzwa te vu 'dii ku, ti ko vu mure emure ri to saa. ^{22 23} 22 Rubanga 'ba nga tuwadu vuru Kristo ni paga pi ke Andaa ni oluzo di du eklezia ni pi nga tuwadu ri ni to. 23 Eklezia ni Andaa ru 'i, ru 'di ga de Yesu Kristo ni nga tuwadu egare de ri si.